KÜLTÜR EVRENİ - UNIVERSE OF CULTURE - ВСЕЛЕННАЯ КУЛЬТУРЫ
99
AZƏRBAYCANIN QARABAĞ BÖLGƏSİNİN SİYASİ
SƏRHƏDLƏRİ
(XVI-XVIII əsrlər)
AZERBAIJAN QARABAG REGION’S POLITIS BOARDS
(XVI-XVIII centuries)
ПОЛИТИЧЕСКАЯ ГРАНИЦЫ КАРАБАКА ОБЛАСТИ
АЗЕРБАЙДЖАНА
(XVI-XVIII веках)
Ellara İbrahimqızı ƏHMƏDOVA
*
Özet
Karabağ’ın siyasî tarihinde Safevi-Osmanlı, Rusya-İran, Rusya-Türkiye
ilişkilerinin Karabağ’ın tarihî coğrafyasına ciddi etkisi olmuştur. Bu nedenle
Karabağ’ın arazisinin zaman-zaman azalıb-genişlenmesi sonucunda
etnodemografik değişikliklerde sayının azalıp çoğalması sebebiyle inzibati-idare,
inzibati- arazi bölümlenmesinde değişikliğe sebep olurdu. Savaşlar zamanı Türk
kökenli halkın Karabağ’dan çıkarılması, boşaltılan arazilere yerleştirilen Grigorian
inanışını kabul etmiş Türk menşeli Albanların, Ermenileştirilmesiyle Ermenilerin
sayısını artırdılar. Lakin bütün bu oyunlar Karabağı Azerbaycan’dan ayrı
tutabilmedi.
Anahtar kelimeler: Karabağ, Safavi-Osmanlı, Rusya –İran, Rusya-Türkiye,
tarih.
Summary
As a whole, Safavi-Ottoman, Russian-İranian, Russian-Turks relations in
political history of Garabagh influencing seriously historical geography of
Garabagh declined and increased the boundaries, expanded ethnodemographic-
migration process, and caused the changes in administrative-management division.
In general the wars in Qarabag’s history and geographical politics did some
*
Bakı İdarəetmə və Texnologiya Kolleci, Müəllimə/AZERBAYCAN
KÜLTÜR EVRENİ - UNIVERSE OF CULTURE - ВСЕЛЕННАЯ КУЛЬТУРЫ
100
changes but these changes couldn’t differ it from Azerbaijan’s structure and its
unity. At different stages of historical development have been found irrefutable
evidence that the Armenians who lived and are living in these areas, have no
reason to consider themselves natives Garabagi.
Key words: Garabagh, Rusian-İranian, Russian-Turks, Safavi-Ottoman,
history.
AZƏRBAYCANIN QARABAĞ BÖLGƏSİNİN SİYASİ SƏRHƏDLƏRİ
(XVI-XVIII əsrlər)
Qarabağın siyasi sərhədlərinin şərhinə keçməzdən əvvəl siyasi sərhədləri mü-
əyyən edən tarixi coğrafiyanı nəzərdən kecirək.
XVI-XVIII əsrlərdə Qarabağın tarixi coğrafiyaysına nəzər salaraq yalnız siyasi
coğrafiyanın ərazi sərhədlərini aydınlaşdıraq. Belə ki, siyasi sərhədləri müəyyən
edən siyasi coğrafiya tarixi coğrafiyanın tərkib hissəsi kimi siyasi tarixlə sıx
bağlılığı var. Siyasi tarixdə baş verən hadisələr tarixi –siyasi coğrafiyaya təsir edir.
Məhz XVI-XVIII əsrlərdə Azərbaycanın siyasi tarixində ki, Səfəvi-Osmanlı, Rusi-
ya-İran, Rusiya-Türkiyə müharibələri Qarabağın sərhədlərinin dəyişməsinə gətirib
cıxartdı.
Səfəvilərin mərkəzi vilayəti olan, dövlətin şimal-qərb hissəsini, Fars (əcəm)
İraqını, Gürcüstanı, indiki Ermənistanı, Kürdüstanı, Şirvanı, Muğanı təxmini
hesablamalara görə 400.000 kv. km-dən artıq ərazini əhatə edən Azərbaycan
inzibati cəhətdən Qarabağ daxil olmaqla bəylərbəyiliklərə bölündü. Mirzə Rəhim
Fəna Qarabağ vilayətinin sərhədlərini bir qədər ətraflı şəkildə şərh edərək yazır:
«Cənub tərəfdən mis mədənləri olan Qapan dağlarının imtidadilə bir yerdə sariyal ru
be məşriq gedib Araz çayınadək. Oradan məcrayi-nəhri-Araz ilə bir yerdə şərqdən
gedir ta haman suyun qərbdən şərqə dəryayi-Xəzərə tərəf cari Kür nəhrinin məcra-
KÜLTÜR EVRENİ - UNIVERSE OF CULTURE - ВСЕЛЕННАЯ КУЛЬТУРЫ
101
sınadək ki, oradan hər iki nəhrin suyu bir yerə qarışıb axar dəryayə. Bu nöqtə
Qalaqayın adlı qəsəbədir ki, sabiqi Mustafaxanlı pristavlığına daxildir. Oradan Kür
nəhrinin məcrasilə sərhəd şərqdən qərbə qayıdıb Kür nəhrilə üz yuxarı gedir. Sabiqi
poçta stasiyonu Türyan çay adlı yerədək ki, Duzdağ burnunda vaqe‘dir. Sərhəd
Göran mülkündən yuxarı Duzdağ burnu şimal tərəfdən ru becənuba gedir Murovda-
ğının ətəyində vaqe‘ Molla Vəlidli mülkünədək. Oradan Qara Çinar mülkülərinin
əmlakını əhatə edib üz yuxarı cənubən həman dağın qarlı və buzlu sarıyalınadək ki,
hər yerdən ucaraq nöqtədir və ucalıqda böyük Qafqaz dağlarına özünü həmduş gös-
tərəndir. Bu nöqtədən şərqdən qərbə tərəf hər yerdə sarıyal sərhəd gedir. Ayrım kə-
ndinin başının üstünədək ki, o kənd vaqe‘dir. Tərtər çayının əvvəlinci şaxəsindən
olan çeşmələrdən. Bu nöqtədə Murovdan gələn uca dağlar silsiləsi iki şaxə olub, biri
Gəncə uyezdinə tərəf və biri Rumbasır və Kəlbəcər adlı uca dağlar ilə ki, İrəvan qu-
berniyası ilə Gəncə quberniyasının sərhəddidir» [Fənə Mirzə Rəhim. 1991; 250].
Əlbəttə, bu bölgü bir qədər sonrakı dövrə aid olsa da, Qarabağın tarixi coğrafiyasını
şərh etmək üçün dəyərlidir.
Məhz «Səfəvi-Osmanlı müharibələri Azərbaycanın tarixi-siyasi coğrafiyasına
ciddi təsir göstərmiş və ölkə ərazisinin azalıb-çoxalmasına, sərhədlərinin daralıb-
genişlənməsinə, inzibati-ərazi bölgüsündə dəyişikliklərə səbəb olmuşdur» [Piriyev
V.Z. 2002; 81]. Qarabağın siyasi tarixinin siyasi- тарихи coğrafiyasına təsiri həm də
seçilən ərazilərin мüəyyənləşdirilməsində, şəhərlərin, yaşayış məskənlərinin,
qalaların və s. lокаlizasiyasında (yerləşdirilməsində) öz əksini tapır. Əraziləri
qorumaq üçün “yandırılmıç torpaq” taktikası tətbiq еtməklə şəhərlər ya dağıdılır, ya
da hərbi strateji əhəmiyyətli möhkəm мüdafiyə istehkamları inşa еdilirdi.
Mirzə Camal yazır: «Keçmiş əsrlərdə burada: (Qarabağda – E.Ə.) iğtişaşlar və
dəyişikliklər üz vermiş, bəzi İran, Rum (Türkiyə) və Türküstan padşahları bu vila-
yətləri fəth edib ayrı-ayrı sərhədlər qoymuş, qalalar tikmiş və onlara başqa adlar
vermişlər» [Qarabaği Mirzə Camal Cavanşir. 1989; 108]. Aşağıda bilavasitə dövrə aid
gətirəcəyimiz faktlar təqribən bununla üst-üstə düşür. Belə ki, 1725-ci il tarixli
Gəncə-Qarabağ müfəssəl Osmanlı dəftərinin qanunnaməsində Gəncə əyalətinin
sərhədləri belə müəyyənləşdirilmişdi: «Əyalətin sərhəddi Tiflis vilayəti daxil olan
Qazax sancağından (mahal) başlayaraq, Kür çayı axarı boyunca 35 saat at yerişli
məsafədə Kürün Arazla birləşdiyi yerə kimi və oradan Araz çayı axarının əksinə, 30
saat at yerişli məsafəsində Kiçik Qafqazın dağ silsilələri başlayan Bərgüşad
mahalına kimi, oradan da şimal istiqamətindən 8-10 saat at yerişli məsafədə Qazax
sancağına qədər uzanır» [Mustafayev T.T. 1990; 82]. 1727-ci ilə aid olan sultan
fərmanında da eynilə həmin ərazi qeyd edilir. Osmanlı hökmranlığı dövründə
(1723-1735) Qarabağ bəylərbəyiliyinə daxil olan – Lori, Pəmbək, Borçalı, Qazax
torpaqlarını inzibati cəhətdən mərkəzi Tiflis olan Gürcüstan əyalətinin tabeliyinə
verməklə, bəylərbəyiliyin yerləşdiyi tarixi coğrafiyasında bəzi dəyişikliklər edildi.
Bəzi dəyişiklikləri nəzərə almasaq, göstərilən sərhədlər bütünlüklə keçmiş Qarabağ
bəylərbəyiliyi sərhədlərinə uyğun gəlirdi. Belə ki, XVI əsrin əvvəllərində Səfəvilə-
rin inzibati bölgüsü kimi formalaşan Qarabağ bəylərbəyiliyi mərkəzi Gəncə şəhəri
olmaqla Kür-Araz çayları arasında yerləşən bütün Dağlıq və Aran Qarabağı, Araz
çayının şimal - qərb istiqamətindən başlayaraq, Beyləqandan tutmuş Zəqəmçaya
KÜLTÜR EVRENİ - UNIVERSE OF CULTURE - ВСЕЛЕННАЯ КУЛЬТУРЫ
102
kimi geniş bir ərazini əhatə edirdi. XVI əsrin sonu, XVIII əsrin əvvələrində isə
əyalət şimaldan Kür çayına qədər, Kürün Araz cayı boyunca qərbə doğru uzanan
Bərgüşad livasına qədər və burdan da şimal istiqamətində, Göyçə gölünün şərq
hissəsindən keçərək yenə də şimala doğru, Tiflis əyalətinə daxil olmuş Borçalının
cənub hissəsi və Taşır nahiyəsi ilə həmsərhəd olan Lori qəzasına qədər uzanırdı.
Qeyd etdiyimiz kimi, I Təhmasibin (1524-1576), I Şah Abbasın (1587-1629)
dövründə bəylərbəyiliyin ərazisinə indiki Gürcüstan və Ermənistanın bir hissəsi,
Qazax, Şəmşəddil, Tiflis, Kür və Debedi çayları arasında yerləşən Lori və Pəmbəki,
həmçinin Aqstafa, Ordubad, Bərgüşad ərazisi, Culfadan şərqə doğru Arazbar,
Cavanşir daxil idi. Qarabağ vilayətinin - Qarabağ bəylərbəyiliyinin sərhədi Qara-
bağnamələrdə cənubdan Xudafərin körpüsündən Sınıq körpüyə qədər Araz çayı,
şərqdən Zərdab və Əlvənd kəndlərinin müqabilindəki Cavad kəndi - Kür və Araz
çaylarının qovşağı, şimaldan Göran çayı, qərbdən Küşnək, Salvartı və Ərikli
adlanan uca Qarabağ – dağları olduğunu göstərir [Qarabağnamələr II kitab / Tərtib edəni
N.Axundov. 1991; 107-108].
Mənbələrdə Aran məmləkətinin bir hissəsini təşkil edən Qarabağ Nuh peyğəm-
bərin övladı, bu torpaqların hökmdarı və sahibi olan Aranın adı ilə bağlılığına görə
Aran Qarabağı adlanır. Qədim yunanların Arion, ərəblərin Arran, farsların Aran
kimi adlandırdıqları ərazi Həmdullah Qəzvinin (XIV əsr) fikrincə qədim
Albaniyanın, təqribən Kür və Araz çayları, M.Hafizzadın fikrincə isə İran və Kür
çayı arasındaki əraziyə təsadüf edirdi [Onullahi S. 2003; 219]. S.Onullahi yazır:
“Qərbdən Kiçik Asiya, şimaldan Muğan və Gürcüstan, cənubdan Ermənistanla
(indiki-E.Ə) həmsərhəd olan Arran Şirvan ilə Azərbaycanın cənub hissəsi arasında
olan ərazi idi” [Onullahi S. 1989; 5]. Türk mənbələrində “Aran”, “axur“ - havalı yer
«mülayim» mənasında işlənir, qışlaq yeri kimi göstərilirdi [Kırzıoğlu M.F. 1998;
368]. Monqolların dövründə isə (XIII əsr) Aran adı Qarabağ adıyla əvəz olundu.
Arrandakı Qarabağın «Arran Qarabağ» adlandırılması digər Qarabağlardan (mə-
lumdur ki, istər Azərbaycanda, istərsə də şərqin bir sıra ölkələrində «Qarabağ» adlı
yerlər mövcuddur), xüsusən Əfqanıstanın şimali-qərb və Türkmənistanın cənubi-
şərq ərazilərində mövcud olmuş Baqdis Qarabağından fərqləndirmək məqsədi üçün
istifadə edildiyi də güman edilir. Ərəb dövrünün Arranından fərqli olaraq, son orta
əsrlər Arranı yalnız Kür-Araz çayları arasındakı ərazini əhatə edirdi. «Tərkibində
Şəmkür, Gəncə, Bərdə, Ağdam, Bəyləqan kimi iri şəhərlər, Zəqəm, Xanagah-Şutur,
Qarxun, Dih-İsfahan, Lasub, Cuzbuq, Xeyrək, Kanqlıkənd, Bozarçıq, Ləmbəran,
Yanan, Xaçındarbatlı, Qandzasak, Bəkrəbad, Xar, Sərçabil, Dolanlar, Şuşa və s.
Yaşayış məskənləri, Çərek, Əkna, Crabert, Matris, İzz, Xaçın, Zaris, Xayzan və s.
qalalar var idi» [Piriyev V.Z. 2002; 100]. Qarabağ ərazisindən keçən təxmini 300 km
ticarət yolu 10-dan artıq yaşayış məntəqələrini özündə birləşdirmişdi.
Beləliklə, XVI-XVII əsrin birinci yarisinda 50 min ailə 225 min əhalinin
yaşadığı Qarabağ bəylərbəyiliyinin tarixi-siyasi coğrafiyasında ki, cüzi
dəyişikliklərinin səbəbini Səfəvi-Osmanlı münasibətlərinin nəticələri olduğunu
müəyyən etdik. Qarabağın inzibati-ərazisi, inzibati-idarə bölgüsü məhz Qarabağı
işğal edən dövlətlərin inzibati-ərazisinə və idarə sisteminə uyğunlaşdırılaraq
dəyişdirildi. Qarabağın siyasi sərhədlərindəki dəyişiklikləri nəzərdən keçirək.
KÜLTÜR EVRENİ - UNIVERSE OF CULTURE - ВСЕЛЕННАЯ КУЛЬТУРЫ
103
Qeyd etdiyimiz kimi, Osmanlı dövründə (1723-1735) Qarabğ bəylərbəyiliyinə
daxil olan bəzi torpaqlar – Lori, Pəmbək, Borçalı, Qazax inzibati cəhətdən mərkəzi
Tiflis olan Gürcüstan əyalətinin tabeliyinə verildi. Bu da Borçalı və Qazağın
könüllü olaraq Osmanlı Türkiyəsinə tabe olmaları ilə bağlı idi. Çünki Qazax və
Borçalının osmanlıların tabeliyinə keçdiyi zaman bəylərbəyiliyin digər vilayətləri
türklərə müqavimət göstərirdi. Ona görə də osmanlıların tabeliyində olan həmin
ərazilər də Gürcüstan əyalətinə qatıldı. Bəylərbəyilikdə Osmanlı idarə sistemi
yaradıldı. Osmanlı-Səfəvi qarşıdurması nəticəsində Qarabağın etnik strukturunda
dəyişikliklərin yaradılmasına səbəb oldu, boşalan kəndlərdə ermənilərin rüşvət və
miqrasiya yolu ilə yerləşdirilməsinə gətirib çıxartdı.
KÜLTÜR EVRENİ - UNIVERSE OF CULTURE - ВСЕЛЕННАЯ КУЛЬТУРЫ
104
Mənbələrdən məlum olur ki, Qarabağ bəylərbəyiliyi tarixi-coğrafiyasında tək-
cə cüzi deyil, həm də əsaslı dəyişikliklərdə məruz qalıb. Əsaslı dəyişikliklərin
dövrü Nadir şahın hakimiyyəti (1736-1747) illərinə təsadüf edir. Məhz Qarabağ
bəylərbəyiliyini Osmanlı əsarətindən azad edən, bəylərbəyiliklərin tarixi-ərazilərini
birləşdirib Azərbaycan adı altında vahid inzibati bölgü yaradan, ölkənin tarixi-
siyasi, coğrafi baxımından müsbət tədbirlər görən Nadir şah tədricən Qarabağ
torpaqlarının parçalanma prosesinin başlanğıcını qoyur. Gəncə – Qarabağ
bəylərbəyiliyinin tabeliyində olan Borçalı və Qazax mahalını Kaxet çarı
Teymuraza hədiyyə verdi. Səfəvilər dövründə təxminən 400.000 kv. km ərazini
əhatə edən Azərbaycan Borçalını itirməklə ərazisinin sahəsi təxmini hesablamalara
görə 380.000 kv. km-ə endi Nadirin ölümündən sonra Azərbaycan 30 hissəyə
ayrılır [Piriyev V.Z. 2002; 89].
Məlumdur ki, XVIII əsrin II yarısında Qarabağ bəylərbəyiliyi ərazisində iqtisa-
di-siyasi cəhətdən bir-birindən asılı olmayan iki müstəqil - Gəncə və Qarabağ
xanlığı yarandı. Qarabağ xanlığı geniş bir ərazini – cənubdan Araz çayı, şimaldan
Gürcüstan sərhədlərində Sınıq körpü, şərqdən Kür çayı, qərbdən isə indiki
Ermənistanla həmsərhəd olan torpaqları əhatə edirdi. Qarabağ xanlığının sərhəddinə
indiki Laçın rayonundan Bərgüşad çayına qədər bütün Sisian mahalı, Zəngəzurdan
Qapana qədər, Tərtər çayının yuxarısından Göyçə gölünə qədər və Xudafərin
körpüsündən Gəncə yaxınlığındakı Kürək çayına qədər uzanırdı.
Hazırda, Qarabağın müəyyən edilmiş sərhəddi cənub tərəfdən Araz çayı və
şimal tərəfdən Gəncə sərhədində olan Kür çayıdır. Qarabağ vilayətinin eni bu iki
çay arasındakı məsafədən ibarətdir. Xanlar dövründə ölçülüb hesablandığı üzrə 26
mildir (1 mil – 7 verstdir). Şərq tərəfdən Cavad kəndi və qərb tərəfdən Küşbək,
Salvartı və Ərikli adlanan Qarabağ dağlarıdır. Qarabağ vilayətinin uzunluğunu
təşkil edən bu dağların boyu 39 mildir. Dəniz səviyyəsindən 1800-3000 metr
hündürlüyündə yerləşən Kiçik Qafqazın orta və son hissəsini əhatə edir. Buraya
Böyük və Kiçik dağ silsilələri, Qırxqız və Murovdağ silsilələri, Xonaşen və Ziyarət
silsilələri, Ala qaya və başqa dağ silsilələri daxildir [Qarabağnamələr. II kitab, 1991;
449]. Ən yüksək zirvə Kamışdağ zirvəsidir. Zirvənin hündürlüyü 3724 metrə çatır.
Ümumi xanlığın ərazisi 15 926 kvadrat verst, əhalisi isə 84000-dir.
Z.Burnaşov yazır: “Şimaldan Gəncə şəhərinin vilayətilə (Gəncə xanlığıyla –
E.Ə.) həmsərhəd olan Şuşa xanlığını Nuxa xanlığından Kür çayı, Araz çayı cənub-
şərqindən Muğan və Qaradağdan, qərbdən isə Naxçıvandan ayırır” [Бурнашев
С.Д. 1793; 6]. “Xanlıq şimali-qərb tərəfdən Kürək çayı və Qara çay sərhəd olmaqla
Gəncə xanlığı ilə həmsərhəd idi. Qarabağ xanlığı cənub-qərb tərəfdən Naxçıvan
xanlığı ilə, eyni zamanda, Gəncə və Naxçıvan xanlığı arasında İrəvan xanlığı ilə
həmsərhəd olmuşdur. Kür çayı boyunca şimal-qərb tərəfdən Şəki xanlığı ilə, yenə
də Kür sərhəd olmaqla Şirvan xanlığı ilə qonşu idi”. Qarabağ xanlığı o zaman
bütün Azərbaycanın mədəni-siyasi mərkəzi olan Təbriz xanlığı və eləcə də, Ərdəbil
xanlığı ilə əsasən Araz boyu, cənub-şərq istiqamətində qonşu olmuşdur. Bu
sərhədlər Pənah xanın dövründə müəyyənləşdirilmişdi. Qarabağ xanlığı şərq
tərəfdən – Kür - Araz çayının qovşağı olan Cavad; şimal tərəfdən Kür çayı, cənub
tərəfdən Araz çayı; şimal-qərbdən Gəncə xanlığından ayıran Tərtər çayı, cənub-
KÜLTÜR EVRENİ - UNIVERSE OF CULTURE - ВСЕЛЕННАЯ КУЛЬТУРЫ
105
qərbdən Naxçıvan xanlığı ilə həmsərhəd idi. İnzibati bölgü çərçivəsində sərhədini
qismən dəyişən Qarabağ maddi və mənəvi mədəniyyətinin xüsusiyyətlərini,
özünəməxsus təsərrüfat ənənələrini qoruyub saxlayır.
KÜLTÜR EVRENİ - UNIVERSE OF CULTURE - ВСЕЛЕННАЯ КУЛЬТУРЫ
106
KÜLTÜR EVRENİ - UNIVERSE OF CULTURE - ВСЕЛЕННАЯ КУЛЬТУРЫ
107
Cədvəl 7.
Beləliklə, Qarabağın strateji əhəmiyyəti onu Türkiyənin, İranın və Rusiyanın
diqqət mərkəzinə çevririr. XVI-XVIII əsrlərdə Qarabağın siyasi tarixində ki, Sə-
fəvi-Osmanlı, Rusiya-İran, Rusiya-Türkiyə münasibətləri, Qarabağın tarixi
coğrafiyasına ciddi təsir göstərərək, sərhədlərini azaldıb-artırdı, etnodemoqrafik
miqrasiya prosesini genişləndirdi, inzibati-ərazi, inzibati-idarə bölgüsündə dəyişik-
liklərin baş verməsinə səbəb oldu. Qarabağın siyasi tarixi tarixi-əhali coğrafiyasına
da təsir etdi. Müharibələr nəticəsində Qarabağdan sıxışdırılan türklərin yaşayış
məntəqələrinə köçən ermənilər, Qriqorian etiqadını qəbul edən qeyri-müsəlman
türk mənşəli albanları tədricən erməniləşdirərək erməni əhalisinin sayını artırdı.
Rus-İran münaqişələri nəticəsində əyalətə gəlmə olan ermənilərin Qarabağa
axını başlayır. Rusiya “provoslavın kiçik qardaşı” saydığı ermənilərin harayına
çatdı. Ermənilər 1729-cu ildə də rus hökumətinə müraciət etdilər. Müraciətə
münasibətini Rusiyanın Bakıdakı nümayəndəsi Rumyansev məktublarında
açıqlayır: “Qarabağdakı sadə ermənilərə türklərdən heç bir ziyan dəyməz. Buna
baxmayaraq ağıldankəm Qarabağ yüzbaşıları inadkarlıqla sığnaqdakıları Xəzəryanı
yerlərə köçürməyi tələb edirlər. Bu yolverilməzdi. Çünki onlar Rusiyanın bu rayon-
dakı kəndlərini tələb etməklə kifayətlənməyəcək, müsəlman kəndlərinin də onlara
verilməsi məsələsini qaldıracaqlar”.
Ermənilərin Qarabağa daha çox axınının XIX
əsrin I rübünə təsadüf etdiyini göstərir [Əhmədova E.İ. 2009].
Ümumiyyətlə, Osmanlı-Səfəvi, Rusiya-İran, Rusiya-Türkiyə müharibələrinin
nəticələri Qarabağın tarixi-siyasi coğrafiyasında bəzi dəyişiklikləri yaratsa da onu –
Qarabağı Azərbaycanın tərkibindən, inzibati vahidliyindən ayıra bilmədi.
İSTİFADƏ OLUNMUŞ ƏDƏBİYYAT
1.
Fənə Mirzə Rəhim. Bakı:Yazıçı,1991, Tarixi-cədidi-Qarabağ // Qarabağnamələr II
kitab, s. 248-270
2.
Piriyev V.Z. Bakı: Araz, 2002, Azərbaycanın tarixi coğrafiyası. 152 s.
3.
Qarabaği Mirzə Camal Cavanşir. Bakı: Yazıçı,1989, Qarabağ tarixi // Qarabağna-
mələr I kitab, s.104- 148
4.
Mustafayev T.T. 1990, №4, 1723-1735-ci illərin osmanlı hakimiyyət dövründə A-
zərbaycanın vəziyyətinə dair // Azərb.SSR EA-nın Xəbərləri. Tarix, fəlsəfə, hüquq seriyası, s.
44-50
KÜLTÜR EVRENİ - UNIVERSE OF CULTURE - ВСЕЛЕННАЯ КУЛЬТУРЫ
108
5.
Qarabağnamələr II kitab / Tərtib edəni və çapa hazırlayanı N.Axundov. Bakı: Ya-
zıçı, 1991, 450 s.
6.
Onullahi S. Bakı: QAT, 2003, Dövrün farsdilli qaynaqlarında «Azərbaycan Qara-
bağ», «Arran Qarabağı» / Qarabağ Azadlıq Təşkilatı. «Qarabağ dünən, bu gün və sabah»: 2-
ci Ümumrespublika elmi-əməli konfransının materialları, s.217-220
7.
Onullahi S. Qarabağ XV-XVII əsrlərdə. «Azərbaycan» qəz., Bakı, 1989, 9 dekabr, s.
5
8.
Kırzıoğlu M.F. Ankara : Türk Tarih kurumu Basımevi, 1998, Osmanlılar’ın Kafkas
elleri’ni fethi (1451-1590), 550s.
9.
Rzaqulu bəy Mirzə Camal oğlu. Bakı: Yazıçı, 1991, Pənah xan və İbrahim xanım
Qarabağda hakimiyyətləri və zamanın hadisələri // Qarabağnamələr. I kitab, s. 204-248
10.
Бурнашев С.Д. Курск, 1793, Описание областей Адребижанских в
Персии и их политическое состояние. 36с.; НАИИ Азерб. Респ., ф. 1, д. №581
11.
Əhmədova E.İ. Bakı: «Elm və təhsil», 2009, Azərbaycanın Qarabağ bölgəsinin
siyasi tarixi və tarixi coğrafiyası (XVI–XVIII əsrlər) » 218 s.
Dostları ilə paylaş: |