SHARQ MUTAFAKKIRLARINING OILAVIY MUNOSABATLARNI
TARKIB TOPTIRISHGA OID QARASHLARI
Norqo’ziyeva Manzura Abduraxmonovna
JDPI Maktabgacha ta’lim metodikasi
kafedrasi o’qituvchisi
Sanaqulova Sitora
JDPI Maktabgacha ta’lim yo’nalishi
3-kurs talabasi
Annotatsiya
:
Ushbu maqolada oila muhiti, oila a'zolarining o`zaro
yuksak axloqiy munosabatlarining mazmuni yoritilgan.
Аннотация:
В статье раскрывается семейная среда, содержание
высоких нравственных отношений между членами семьи.
Annotation:
This article describes the family environment, the content of
high moral relations between family members
Kalit so’zlar:
Oila,millliy tarbiya,axloq,odob, insoniy munosabatlar, mehr-
u oqibat, farzand tarbiyasi
Oila ijtimoiy hayotning doimiy ekanligini avlodlarning davomiyligini,
tarbiyaning bosqichma bosqichligini boshqaradigan kelajak avlod uchun farzandlar
qanday bo'lib yetishishiga o'z tasirini o'tkazadigan makon hisoblanadi. Jamiyatning
iqtisodiy, madaniy, ma'naviy va ijtimoiy rivojlanishi oilada bolalar tarbiyasi
bilan bеvosita uzviy bog`liq. Har bir kishi
ilk rivojlanishni oiladan
shakllantiradi. Oila mehr - muhabbat, jipslik, birdamlik, manbaidir. Ana shu
o'zbekona qadriyatlar asosida jamiyat rivojlanib boradi. Haqiqatdan ham asrlar
davomida sharqona va milliy tarbiyada shaxsning umuminsoniy umummadaniy
dunyoqarashi shakllanishi oiladan boshlanadi. Inson farzandining milliy tarbiyasi
asosida manaviy tomondan salohiyati rivojlanib boradi.
Milliy tarbiya bu - ota
bobolarimiz tomonidan qadrlangan eng buyuk hislatlarning oilada farzandlarga
singdirish asosida yuzaga chiqib boradi. Qadimdan sharq mutaffakkirlarimiz o’z
asarlarida oila tarbiya o’chog’i sifatida qarab kelganlar. Oila tarbiya o’chog’i
ekanligi ,oilada farzand tarbiyasi buyuk mutaffakkirlarimiz asarlarida xam o’z
aksini topgan. Sharq mutafakkirlarining barchasini g’oyaviy jihatdan birlashtirgan
asos shu bo’lganki, ular shaxs tarbiyasi va kamolotida oilaning o’rni, ota-ona va
yaqin kishilarning yo’naltiruvchi va tarbiyalovchi vazifalariga alohida e’tibor
berganlar. Ular faqat oiladagina rivojlanishi mumkin bo’lgan sifatlar – halollik,
poklik, mardlik, mehribonlik, haqgo’ylik kabi qator fazilatlarni barcha sifatlardan
yuqori qo’yishlari bilan birga insoniy munosabatlarda nomoyon bo’lgan yuksak
fazilatlar, avvalo, ota-onadan bolaga o’tishi va ularning
jamiyat taraqqiyotiga
ijobiy ta’siri kabi qimmatli fikrlar va bu boradagi amaliy ko’rsatmalarni o’z
falsafiy-axloqiy, sotsiologik va psixologik qarashlarida ifodalab berganlar. O’rta
asrlarning buyuk arbobi, olim-ensiklopedist Abu Rayhon Beruniy (973-1048)
ko’pgina asarlarida inson odobi va axloqi xususidagi noyob fikrlar o’z ifodasini
topgan, Mutaffakkir o’zining “Minerologiya”, “Geodeziya”, “Hindiston”, “O’tgan
avlodlar obidalari” nomli asarlarida ayol shaxsi, uning komoloti, aql-idroki,
halovat va lazzati,
sabr-toqat va kamtarlik, go’zallik va did, poklik va xudbinlik
kabi tushunchalarga inson ruhiyatining bilimdoni sifatida ta’rif bergan. Abu Nasr
Forobiyning inson kamoloti, baxti, ta’lim va tarbiyasi, umuman axloqi, dinga
munosabati haqidagi qarashlari umumfalsafiy qarashlar
va tushuntirishlardan
iborat o’g’it bo’lib, axloq nazariyasini boyitadi. Uning ta’limotlarida
keltirilishicha, haqiqiy baxt bir odamning boshqasiga nisbatan g’ayirligi, zulmi
yo’qolgandagina bo’ladi, oila a’zolarining bir-biriga samimiy munosabatlari, mehr-
u oqibatlari esa ana shu oiladagi odamlarning baxtini tashkil qiladi. Yusuf Xos
Hojib o’zining “Qutadg`u -bilig” asarida Oilaviy tarbiya-bolalarning axloqiy
qiyofasini shakllantirishda eng asosiy narsaligini alohida ta'kidlaydi.
“Mobodo, bolalarning xulq-atvori yomon bo`lsa, bunda gap bolada emas ota
aybdor”, - dеydi. Bu fikrdan har bir oilada ota-onalar o`z farzandlariga
doimo barcha sohalarda namuna bo`lishlari shart dеgan g`oyani qo’yish
mumkin. O’zining nabirasi Gilonshohga atab yozgan “Qobusnoma” asarlari bilan
dunyoga mashxur allomalarimizdan biri Kaykovus ham o’a asarlarida oilaning
muqaddas ekanligi, uning farzand tarbiyasiga alohida o’rni mavjudligini ta’kidlab
o’tadi. Oilaviy munosabatlar va bu sohaga oid
qarashlar tizimida Sharq
mutaffakkirlaridan Abu Ali ibn Sinoning pedagogik va psixologik qarashlari
ijtimoiy asosda qurilgan bo’lib, u bola tarbiyasida umuminsoniy tamoyilining
qo’llanilishini yo’qlab chiqqan va tarbiyachi ota-onalarga bolan qattiq tana
jazosidan ko’ra, shaxsiy ibrat orqali tarbiyalash ma’qulligini uqtirgan. Axloqiy
tarbiya masalalarida alloma oilaning o’rnini alohida ta’kidlangan. Oila va oilaviy
munosabatlar masalasi uning “Tadbiri manzil” asarida o’ziga xos tarzda bayon
etilgan.
Ibn Sinoning bola tarbiyasi, tarbiya psixologiyasi va rahbarlarga qo’ygan
ushbu talablari o’sha davrda qanchalik taraqqiyparvar va zarur bo’lsa, bizning
bugungi kunimizda ham u o’z kuchini yo’qotgani yo’q.
Xulosa qilib aytganda, oila muhiti - bu qandaydir tarbiya vositasi emas,
balki ota-onalarning va katta yoshdagi kishilarning har taraflama olib
boradigan tarbiyaviy ish natijalari, oila a'zolarining o`zaro yuksak axloqiy
munosabatlarining yig`indisi va nihoyat kattalarning bolalarga ijobiy ta'sir
ko`rsatish namunasi natijasidir. Oila tarbiyaning asosi,
makoni va
poydеvoridir. Bolaning kim bo`lib еtishishi, asosan, oiladagi muhitga –
tarbiyaviy ta'sirga bog`liq. Oila tarbiyasining samarasi bеvosita oilada ota-
onalar obro`si va shaxsan namuna ko`rsatishlariga bog`liq. Axloq-odobga oid
hadislarning birida “Har bir ota o`z farzandlariga xulqi odobdan buyukroq mеros
bеrolmaydi”, -dеyilgan. O`zbеk xalq maqollaridan birida “Har kim ekkanini o`rar”,
-dеb bеjiz ta'kidlanmagan.
Shunday ekan, oilada ota-onalarning farzandlar oldida obro`ga ega bo`lishi
yuqorida sanab ko`rsatilgan ota-onalar obro`sining tarkibiy qismlarini ota-
onalarning ilmiy-nazariy o`zlashtirishlari va ularni oila sharoitida farzandlar
tarbiyasida nuqsonlarsiz, uzluksiz qo`llash bilan bog`liq ko`nikma
va tajribalari
bilan amalga oshiriladi hamda oila tarbiyasining samaradorligini ta'minlashga
zamin yaratadi.