Tarix fakulteti tarix kafedrasi

O’ZBEKISTON RESPUBLIKASI
OLIY VA O’RTA MAXSUS TA’LIM VAZIRLIGI

MIRZO ULUG’BEK NOMIDAGI
O’ZBEKISTON MILLIY UNIVERSITETI
TARIX FAKULTETI TARIX KAFEDRASI

KURS ISHI

MAVZU: BUXORO VOHASI O’RTA ASR ARXEOLOGIK YODGORLIKLARI

Tayyorladi: Asatullayev I
Qabul qildi:Qo’yliyev R


Toshkent – 2022

Mundarija:
KIRISH
1-BOB. BUXORO VOHASINING O‘RGANILISH TARIXI
1.1. Buxoro vohasida amalga oshirilgan dastlabki ilmiy tarixiy, arxeologik tadqiqotlar
1.2. Shahar yoshini aniqlash bo‘yicha olib borilgan tadqiqotlar
2-BOB. POYKENT VA VARAXSHA ARXEOLOGIK YODGORLIKLARI
2.1. Vohadagi Poykent, Varaxsha yodgorliklari arxeolog L.A.Zimin va V.A.Shishkin tadqiqotlarida
XULOSA
Foydalanilgan adabiyotlar ro’yxati

KIRISH
Mavzuning dolzarbligi. Hozirgi kunda O’rta Osiyo jumladan O’zbekistonning umumjahon svilizatsiyasiga qo’shgan ulkan hissasini butun dunyo tan olmoqda. Zero, O’rta Osiyo kishilik taraqqiyoti tarixidagi eng muhim va qadimgi hududlardan biri sanaladi. Biz tarixni chuqur o’rganishimiz va xulosa chiqarishimiz zarur. Prezidentimiz Shavkat Mirziyoyev tabiri bilan aytganda: “…yoshlarimizni tarixdan saboq olish, xulosa chiqarishga o‘rgatishimiz, ularni tarix ilmi, tarixiy tafakkur bilan qurollantirishimiz zarur”¹.
Buxoro O‘zbekistonnig qadimiy madaniy maskanlaridan biri.Uzoq yillik tarixga ega ushbu hudud o’zining boy tarixi bilan ajralib turadi. Uning tarixi, madaniyati O‘zbekistonda yashovchi barcha xalqlar o‘tmishining bir bo‘lagi hisoblanadi. Nafaqat O’zbekistonda yashovchi balki butun O’rta Osiyo xalqlari tarixi Buxoro bilan chambarchas bog’liq.
Shunday ekan, Buxoro tarixini, ayniqsa uning arxeologik tarixini o’rganish va tahlil qilish bugungi kundagi dolzarb mavzulardan biri hisoblanadi.
Mavzuning o’rganilish darajasi. Bugungi kungacha Buxoro tarixiga doir ko’plab kitoblar,monografiyalar,dissertatsiyalar hamda maqolalar chop etilgan. Buxoro tarixiga doir Ya.G‘ulomov, A.Muhammadjonov, A.Asqarov, B.Ahmedov, V.Bartold, O.Suxareva, B.Lunin, Q.Rajabov, S.Inoyatov, U.Rashidov, J.Barakaev, B.Mirzaqulov, A.Sagdullayev, J.Kabirovlar L.A.Zimin, V.A.Shishkin, kabi olimlar tomonidan olib borilgan tatqiqotlar alohida ahamiyat kasb etadi.
Ayniqsa Poykant va Varaxshada L.A.Zimin va V.A.Shishkin tomonidan olib borilgan tatqiqotlar alohida ajralib turadi.