Tarmoqlanuvchi algoritm; Tarmoqlanuvchi operatorlar

3- MA’RUZA


MAVZU: TARMOQLANISH VA UZILISHLARNI TASHKIL ETISH OPERATORLARI. TARMOQLANUVCHI OPERATORLAR (IF VA SWITCH) VA ULARNI ISHLASH KETMA KETLIKLARI

Reja:

1. 
   Tarmoqlanuvchi algoritm;
   
2. 
   Tarmoqlanuvchi operatorlar;
   
3. 
   Shartli operator - to‘liqsiz tarmoqlanish;
   
4. 
   To‘liq tarmoqlanish;
   
5. 
   Ternar operatori;
   
6. 
   Shartsiz o‘tish operatori;
   
7. 
   Tanlash operatori.
   

Annotatsiya:
Tarmoqlanuvchi hisoblash jarayonlarini algoritmlash va dasturlash. Ko‘pgina masalalarni yechishda ba’zi bir jarayonlar ma’lum shart yoki shartlarning qo‘yilishiga nisbatan bajariladi. Bunday jarayonlar tarmoqlanuvchi jarayonlar deb yuritiladi va bu jarayonlarning algoritmik tavsiflari bilan avvalgi boblarda tanishgan edik.
Tarmoqlanuvchi hisoblash jarayonlari oddiy va murakkab bo‘lishi mumkin. Bu esa jarayondagi tarmoqlar soniga bogʻliq. Ma’lum bir tarmoqlanuvchi jarayon tarkibida yana tarmoqlanishlar bo‘lishi mumkin. Bunday tarmoqlanishlari bor bo‘lgan hisoblash jarayonlari murakkab tarmoqlanuvchi hisoblash jarayonlari deb ataladi. C++ tilida tarmoqlanuvchi jarayonlarni dasturlash uchun shartsiz, shartli o‘tish va tanlash operatorlaridan foydalaniladi: if, case.
Kalit so‘zlar: Tarmoqlanuvchi algoritm, if else, switch case, goto, nishon, ternar operatori, break, continue


Tarmoqlanuvchi algoritm
Topshiriq. Ikkita butun sonni kiriting va ulardan kichigini ekranga chiqaring.
Yechim gʻoyasi: Ekranga birinchi son chiqishi kerak, agarda u ikkinchi sondan kichik bo‘lsa, yoki ikkinchi son chiqishi kerak, agarda birinchi sondan kichik bo‘lsa.
Farqli tomonlari: amalni bajarilishi bir necha shartlarga bogʻliq (agar … yoki …).
Agar algoritm bajarilish ketma-ketligi bir nechta shartlarga bogʻliq bo‘lsa u tarmoqlanuvchi deb ataladi.