Ümummilli lider Heydər Əliyev – 90 59
Tarix və onun problemləri, №2 2013
RƏFAEL SÜLEYMANOV
Bakı Dövlət Universitetinin professoru,
tarix elmləri doktoru
E-mail: TarixVeOnun Problemleri@gmail.com
BAKI DÖVLƏT UNİVERSİTETİNƏ HEYDƏR ƏLİYEV QAYĞISI
Açar sözlər: Azərbaycan, Universitet, Heydər Əliyev, təhsil, yubiley
Ключевые слова: Азербайджан, Университет, Гейдар Алиев, образование, юбилей
Key words: Azerbaijan, Universitety, Haydar Aliyev, education, anniversary
1918-ci ildə müstəqillik qazanaraq öz dövlətini – Azərbaycan Demokratik Respublika-
sını elan edən Azərbaycan xalqı neçə yüz illərdən sonra milli və ictimai tərəqqidə elmin, təhsi-
lin rolunu həqiqi mənada qiymətləndirmək imkanı əldə etdi. Buna görə də təsadüfi deyil ki,
Azərbaycan Demokratik Respublikasının həyata keçirdiyi tədbirlərdən ən önəmlilərindən biri
1919-cu ildə Bakı Dövlət Universitetini yaratmaq oldu. Heydər Əliyevin qeyd etdiyi kimi,
«Bakı Dövlət Universiteti qısa ömürlü Azərbaycan Demokratik Respublikasının qiymətli ya-
digarıdır» [5, s.539-540].
Bakı Dövlət Universitetinin təsis edilməsi haqqında qanun Parlament tərəfindən 1919-
cu il sentyabrın 1-də qəbul edildi və ilk tədris ilində 2 fakültə (tarix-filologiya və tibb) təşkil
olundu. 1919-cu il noyabrın 15-dən dərslər sistemli şəkildə keçirilməyə başladı.
Beləliklə, Şərqlə Qərbin qovuşuğunda dayanan, Şərqin zəngin sərvətlərini və ənənələri-
ni Qərbin elmi doktrinaları ilə birləşdirməyi bacaran Bakı Dövlət Universiteti fəaliyyətə başla-
dı. Təsadüfi deyildir ki, «Azərbaycan» qəzeti 17 noyabr 1919-cu il tarixli sayında uzaqgörən-
liklə yazırdı ki, «darülfünunun həyat və fəaliyyətə başlaması tarixi olan 15 noyabr yeni bir tə-
rəqqi dövrünün açılmasının bir ibtidası olacaqdır» [1]. Qəzet qeyd edirdi ki, Afina universiteti
yeni bir Yunanıstan yaratmış, Sarbon universiteti Fransanı bütün dünyaya tanıtdırmış, Berlin
və Hamburq Universitetləri Almaniyanı şöhrətləndirmiş, ictimai tərəqqidə misilsiz rol oyna-
mışlar. Azərbaycan Parlamentinin təsis etdiyi universitet də Respublikanın sosial-mədəni ye-
niləşməsində həmin universitetlər kimi əhəmiyyət kəsb edəcəkdir.
XX əsrin əvvəllərindən bu günə kimi Azərbaycan elminə və maarifinə çıraq tutan uni-
versitetimizin yaradılması xalqımızın tarixində ən əlamətdar mədəni hadisədir.
90 ildən bir qədər artıq yaxın bir müddət ərzində Universitet böyük inkişaf yolu keç-
miş, Azərbaycanın həyatının bütün sahələrinə güclü təsir edərək xalqımız qarşısında əvəzsiz
xidmətlər göstərmişlər.
Bakı Dövlət Universiteti xalqımızın fəxr etdiyi yüzlərlə böyük alimlər, yaradıcı ziyalı-
lar, ictimai və dövlət xadimləri yetirmişdir.
Öz xalqına, onun mədəniyyətinə və mənəviyyatına son dərəcə bağlı olan, öz şəxsiyyəti
ilə xalqımızın simvoluna çevrilən, Azərbaycan dövlətinin xilaskarı və qurucusu, dünya azər-
baycanlılarının lideri, dünya şöhrətli siyasətçi, iki dəfə Sosialist Əməyi Qəhrəmanı, beynəl-
xalq Atatürk mükafatı laureatı, Rusiya, Fransa və Ukraynanın ən yüksək ordenləri ilə təltif
edilmiş, Moskva Dövlət Universitetinin və digər nüfuzlu universitetlərin fəxri doktoru Heydər
Əlirza oğlu Əliyev Bakı Dövlət Universitetinin Tarix fakültəsinin məzunudur. Universitetin
çoxmilli kollektivi öz dahi məzunu Heydər Əliyevlə fəxr etdiyi kimi, Heydər Əliyev də Bakı
60 Ümummilli lider Heydər Əliyev – 90
Tarix və onun problemləri, №2 2013
Dövlət Universitetinin məzunu olmağı ilə fəxr etdiyini dəfələrlə bildirmişdir: «Mən çox xoş-
bəxtəm ki, Bakı Dövlət Universitetinin məzunuyam» [5, s.543].
1957-ci ildə universitet təhsilini başa vurduqdan sonra bilavasitə peşə fəaliyyəti elm və
təhsillə birbaşa bağlı olması da, Heydər Əliyevin Universitetlə əlaqəsi heç zaman ara vermə-
yib. Heydər Əliyevin Universitetdəki təhsil illəri və bu təhsil ocağı ilə sonrakı əlaqələri Bakı
Dövlət Universitetinin şanlı tarixinin böyük və əlamətdar bir mərhələsini təşkil edir.
Universitetin məzunu olması ilə fəxr etdiyini dəfələrlə vurğulayan Heydər Əliyev bu
təhsil ocağını «Azərbaycan xalqının milli sərvəti, milli iftixarı» [7, s.54] adlandırmış, ona dai-
mi diqqət və qayğı ilə yanaşmışdır.
Bu gün dünya dövlətləri içərisində öz tarixi ənənələri ilə tanınan, demokratik yolla gə-
ləcəyə inamla addımlayan Azərbaycan Respublikası tarixinin 35 illik dövrü və bu illərdə Bakı
Dövlət Universitetinin qazandığı bütün nailiyyətlər Heydər Əliyevin adı və şəxsiyyəti ilə ay-
rılmaz surətdə bağlıdır.
Ümummilli liderimiz həm respublikada işləyərkən, həm də keçmiş İttifaqda yüksək və-
zifələrdə olarkən həmişə Universitetin həyatı ilə maraqlanmış, onun inkişafı qayğısına qalmış-
dır. Universitetdə elmin və təhsilin inkişafına qayğıya, onun adını və şöhrətini yüksəklərə
ucaltdığına, Azərbaycan xalqı və dövləti qarşısında misilsiz xidmətlərinə görə Bakı Dövlət
Universitetinin Böyük Elmi Şurası 1994-cü il 28 sentyabr tarixli qərarı ilə Azərbaycan Res-
publikasının prezidenti Heydər Əlirza oğlu Əliyevə Universitetin fəxri doktoru elmi adı ve-
rilmişdir [6, s.76].
Heydər Əliyevin Bakı Dövlət Universitetinə qayğısı və diqqətinin çox böyük göstərici-
lərindən biri onun yubileylərinin keçirilməsidir. Azərbaycan elminin, təhsilinin, mədəniyyəti-
nin inkişafında əvəzedilməz xidmətləri bütün dövrlərdə bütün rəhbərlər tərəfindən etiraf edilən
BDU-nun 90 ildən artıq fəaliyyəti dövründə onun cəmi altı dəfə yubileyi keçirilib: 1929-cu
ildə 10 illiyi, 1969-cu ildə 50 illiyi, 1980-ci ildə 60 illiyi, 1994-cü ildə 75 illiyi və 1999-cu ildə
80 illiyi, 2009-cu ildə 90 illiyi. Bunlardan dördü Heydər Əliyevin təşəbbüsü və fəal iştirakı ilə
reallığa çevrilib.
Belə bir cəhəti qeyd etmək lazımdır ki, Heydər Əliyevin Respublika rəhbərliyində ol-
madığı dövrə təsadüf edən Universitetin 70 illik yubileyi qeyd edilməmişdir.
1993-cü ildə xalqın tələbi ilə respublika rəhbərliyinə qayıdan dahi rəhbər Heydər Əli-
yev universitetin yubiley sevincini özünə qaytardı.
1994-cü il sentyabrın 3-də Bakı Dövlət Universitetinin 75 illik yubileyinin keçirilməsi
haqqında Azərbaycan Respublikası Prezidenti fərman verdi [2]. Bu yubileyin keçirilməsi ilə
bağlı təşkil edilmiş dövlət komissiyasına Azərbaycan Respublikasının Prezidenti sədrlik etdi.
Heç də təsadüfi deyildir ki, bu cəhət H.Əliyevin Bakı Dövlət Universitetinə xüsusi münasibə-
tinin, onun elmə, təhsilə və mədəniyyətin inkişafına böyük hörmətin və diqqətinin ifadəsi idi.
Bu yeganə yubiley komissiyasıdır ki, onun sədri ölkə prezidenti olmuşdur.
Universitetin 75 illik yubiley şənliklərindəki çıxışında Heydər Əliyev qeyd etmişdir:
«Xoşbəxtəm ki, Bakı Dövlət Universitetinin 50 illik yubileyinin də, 60 illik yubileyinin də iş-
tirakçısı olmuşam. İndi Universitetin 75 illik yubileyinin iştirakçısıyam» [5, s.543].
1969-cu ildə Universitetin 50 illik yubileyi qeyd edilərkən Heydər Əliyevin Azərbay-
can dilində çıxışı yubileydə iştirak edən Moskvadan gəlmiş rəhbər işçiləri və xarici qonaqları
təəccübləndirmişdi. Çünki hakim dilin rus dili olduğu, respublikanın Moskvanın nəzarəti altın-
da olduğu o dövrdə belə bir addımı atmaq böyük cəsarət, eyni zamanda güclü milli hiss tələb
edirdi. Bunu o illərdə ana dilinin sıxışdırıldığı dövrdə yalnız Vətənini, xalqını, onun dilini se-
Ümummilli lider Heydər Əliyev – 90 61
Tarix və onun problemləri, №2 2013
vən bir şəxs edə bilərdi. Bu böyük bir sensasiya kimi qəbul olundu, təəccüb doğurdu. Sonralar
həmin çıxışı xatırlayaraq Heydər Əliyev demişdir: «Bəziləri məni bu hadisə münasibətilə təb-
rik etdilər, minnətdarlığını bildirdilər. Dilini sevən, milli ruhla yaşayan insanlar doğrudan da,
bunu böyük bir hadisə kimi qəbul etdilər. Mən isə onlara dedim ki, burada bir qeyri-adilik
yoxdur, nahaq təəccüb edirsiniz, bu mənim ana dilimdir və ana dilində çıxış etmək elə böyük
bir qəhrəmanlıq da deyildir. Ana dilini bilməmək isə, ana dilini qiymətləndirməmək isə şüb-
həsiz ki, xalq qarşısında qəbahətdir» [5, s.543]. Sonrakı dövrdə də həm Bakı Dövlət Universi-
tetində, həm də təhsil işçiləri və gənclərlə çoxsaylı görüşlərində doğma ana dilinin, Azərbay-
can ədəbiyyatının, tarix və coğrafiyasının dərindən öyrənilməsinin vacibliyini dəfələrlə qeyd
etmiş, bütün bunlarla əlaqədar qarşıya çox ciddi vəzifələr qoymuşdur.
1994-cü ildə Universitetin 75 illik yubileyində çıxış edən Heydər Əliyev bəlkə də çox-
larının bilmədiyi bir məsələyə toxunaraq xatırlayır ki, «1968-ci ildə mən Respublikada Dövlət
Təhlükəsizliyi Komitəsinin sədri idim. Universitetdə bir neçə adam Azərbaycan tarixini araş-
dırarkən Azərbaycanın Rusiyaya birləşməsi haqqında mübahisə aparmışdı ki, Azərbaycan Ru-
siyanın tərkibinə könüllü surətdə girmişdir, yaxud elə-belə girmişdir, ya da məcburi girmişdir.
Bunu o vaxtlar şişirtdilər. Şübhəsiz ki, elm adamları elmi axtarışlar zamanı gərək həmişə bü-
tün versiyaları yoxlasınlar. O vaxt isə ümumi qərar belə idi ki, Azərbaycan Rusiyanın tərkibi-
nə könüllü daxil olmuş, özü bunu xahiş etmişdir. Şübhəsiz ki, bu tarixi həqiqətdən uzaqdır.
Ancaq belə olmuşdur və bu hadisə də bayram kimi qeyd edilmişdir. Amma bir neçə alim o
vaxt bunu şübhə altına alaraq öz fikirlərini söyləmişdi. Bu, böyük bir iğtişaş yaratdı. Başladı-
lar araşdırmağa ki, bunlar millətçidirlər, yaxud başqa fikirləri var, dövlət mövqeyindən kənar
fikirlə yaşayırlar və s. Düzdür, bundan ötrü o vaxtlar bəzi adamları xırdaca cəzalandırdılar.
Ancaq mən bilirəm ki, o adamların hamısı indi də fəaliyyətdədir, işləyir və ondan sonra da
yaxşı fəaliyyətdə olmuşlar» [5, s.543].
Heydər Əliyev bununla bir daha xatırlatmaq istəyir ki, «Universitet həqiqətən axtaran,
milli ruhu inkişaf etdirən bir ocaq, mənbə olmuşdur. Azərbaycanın müstəqilliyi, milli azadlığı
uğrunda mübarizə aparan insanların da çoxu burada təhsil almış, universitet divarları arasında
işləmiş, fəaliyyət göstərmişdir və bu gün də göstərirlər. Ona görə də Bakı Dövlət Universiteti-
nin Azərbaycan dilinin inkişafında, millin ruhun, milli şüurun inkişafında, vətənpərvərlik ru-
hunun inkişafında olan xidmətlərini bir daha xüsusi qeyd edirəm» [3].
Universitet təhsildə də, elmin inkişafında da, maddi bazanın möhkəmləndirilməsi sahə-
sində də ən böyük nailiyyətləri məhz Heydər Əliyevin Azərbaycana rəhbərlik etdiyi dövrlərdə
qazanıb. Heydər Əliyevin Azərbaycana rəhbərlik etdiyi 1969-cu ildən 1982-ci ilə qədər olan
birinci dövrü və 1993-cü ildən sonrakı dövrü sözün həqiqi mənasında xalqımızın elminin, mə-
dəniyyətinin, təhsilinin hərtərəfli tərəqqisi ilə seçilən mərhələlər adlandırmaq olar.
Hələ Azərbaycan Sovet Respublikasına rəhbərlik etdiyi 70-80-ci illərdə Heydər Əliyev
bütün başqa sahələrdə olduğu kimi ali təhsil sistemində də böyük dəyişikliklər həyata keçirdi.
Bunlar dövrün tələblərindən, yaranmış şəraitdən düzgün nəticə çıxaran Heydər Əliyev siyasə-
tindən irəli gəlirdi.
Heydər Əliyev Azərbaycanda inzibati orqanların işini, bu orqanlarda kadrların yerləşdi-
rilməsi vəziyyətini təhlil edərək ciddi nöqsanlar aşkar etmişdi. O, qeyd edirdi ki, inzibati or-
qanlarda qohumbazlıq, yerlibazlıq kök salmışdır, bu əlaqələr hər hansı bir cinayətin həll edil-
məsinə ciddi təsir edirdi. Ona görə də birinci növbədə, inzibati orqanların rəhbərliklərində qo-
humbazlığa, yerlibazlığa son qoymaq vəzifəsini qarşıya qoydu.
62 Ümummilli lider Heydər Əliyev – 90
Tarix və onun problemləri, №2 2013
Bunun qarşısının alınmasını kadr hazırlığının yenidən qurulmasında görürdü. Heydər
Əliyev çox cəsarətlə və düzgün hərəkət edərək Universitetin hüquq fakültəsinə yalnız fəhlə və
kəndlilərin balalarının qəbul edilməsini məsləhət gördü. Fəhlə və kolxozçu uşaqlarının hüquq
fakültəsinə qəbul edilməsi üçün geniş imkanlar yarandı. Bunlar öz müsbət nəticələrini göstər-
di. Hazırda, müstəqil Azərbaycanın inzibati orqanlarında rəhbər vəzifələrdə işləyən kadrlar
məhz Heydər Əliyevin həyata keçirdiyi köklü tədbirlər nəticəsində hazırlanmış mütəxəssis-
lərdir.
Ümumiyyətlə ali məktəblərə, o cümlədən Universitetə qəbul hazırlığı Heydər Əliyevin
bilavasitə rəhbərliyi altında aparılırdı. «Bilik əsas meyardır», «Qoy ədalət zəfər çalsın» devizi
tələbə qəbulunun əsas meyarı elan edilmişdir.
Heydər Əliyev BDU-nu respublikada ali təhsilin nəinki flaqmanı sayır, həm də onun bu
vəzifəni layiqincə yerinə yetirə bilməsi üçün zəruri tədbirləri görür, universitetə köməyini əsir-
gəmirdi. 70-90-cı illər ərzində Universitetin həyatında bir sıra çox mühüm irəliləyişlər baş
vermişdi ki, bunların da təşəbbüskarı Heydər Əliyev olmuşdur. Diqqət mərkəzində duran ən
mühüm məsələlərdən biri təhsilin maddi bazasını yaxşılaşdırmaq, tədrisin texniki vasitələrlə
təchizatı səviyyəsini yüksəltmək hesab olunurdu. Həmin dövrdə Universitetin əsas binasından
əlavə iki doqquz mərtəbəli tədris binaları istifadəyə verilmiş, üçüncü tədris binasının tikintisi
2008-ci ildə başa çatdırılmışdır. Yeni tədris binasının istifadəyə verilməsi Universitetin audi-
toriya ilə təminatına əsaslı surətdə yaxşılaşdıracaq, əyani təhsili bir növbəyə keçirmək imkanı
yaradacaqdır. 70-90-cı illərdə həmçinin tədris kinosu və televiziya laboratoriyası, hesablama
mərkəzi yaradılmış, laboratoriyaların zəruri avadanlıqla təchizatı xeyli yaxşılaşmış, elmi ki-
tabxananın fondu əhəmiyyətli dərəcədə zənginləşmiş, Universitet dünya informasiya (internet)
sisteminə qoşulmuş, fakültələrin kompüterlə təminatı əsasən başa çatdırılmışdır.
Heydər Əliyevin universitetin inkişafına, tədrisin keyfiyyətinin yüksəldilməsinə qayğısı
müəllim-professor heyətinin və tələbələrin sosial-mənəvi ehtiyaclarına qayğı ilə paralel surət-
də həyata keçirilirdi. Tələbələr üçün yeni yataqxanaların və yeməkxanaların inşası məhz 70-ci
illərin əvvəllərində başlayaraq müntəzəm şəkildə həyata keçirildi.
Son 10 ildə BDU-nun siması tanınmaz şəkildə dəyişmişdir. Təmir-tikinti işləri səliqə-
səhmanla aparılmış, idman salonu, yeni stadion, üzgüçülük hovuzu, yüksək keyfiyyətlə məh-
sul buraxan mətbəə istifadəyə verilmiş, universitetin həyətinin başdan-başa yaşıllaşdırılması
başa çatdırılmış, Universitet müəllimləri üçün kooperativ mənzillərin tikintisi başa çatdırılmış-
dır. Universitetdə bu gün baş verən bu dəyişikliklər həm də ilk növbədə BDU-nun rektoru,
millət vəkili akademik A.M.Məhərrəmovun adı ilə bağlıdır.
Heydər Əliyev alimlərin elmi-pedaqoji əməyinin mənəvi vasitələrlə stimullaşdırılması-
nı vacib hesab edirdi. Onun Azərbaycana rəhbərlik etdiyi 70-90-cı illərdə, indi də alimlərin,
bütün ziyalıların əməyi daim dövlətin diqqəti və qayğısı ilə əhatə olunub. Təkcə onu demək
kifayətdir ki, 70-90-cı illərdə universitetdə elmin inkişafına, tədrisdə əldə edilən nailiyyətlərə
yüksək qiymət verildi, 100-dən çox alimi Azərbaycan hökumətinin yüksək mükafatlarına, fəx-
ri adlarına layiq görülmüşdür. Onların arasında Tarix fakültəsinin əməkdaşları da vardır. Fa-
kültə əməkdaşlarından iki nəfər (AMEA-nın müxbir üzvü prof.Y.M.Mahmudov və prof.S.S.
Əliyarlı) Respublikanın Əməkdar elm xadimidir. Prof.Y.Mahmudov Azərbaycan respublika-
sının Şərəf və Şöhrət ordenləri, Yusif Məmmədəliyev mükafatı laureatı medalı, prof.T.T.Vəli-
yev isə Şöhrət ordeni ilə təltif edilmiş və respublikanın Əməkdar müəllimi fəxri adına layiq
görülmüşdür. Fakültənin dekanı prof.S.T.Hacıyev, prof.M.M.Sofiyev və prof.A.C.İsgəndərov
Tərəqqi medalı, prof.İ.M.Hüseynova, prof.C.P.Həsənli və prof.Q.S.İsmayılzadə Respublikanın
Ümummilli lider Heydər Əliyev – 90 63
Tarix və onun problemləri, №2 2013
əməkdar müəllimi fəxri adına layiq görülmüşlər. Prof.Ə.İ.Muxtarova “Sara Xatun” adına fəxri
diplomla təltif edilmişdir. Prof. E.B.Muradəliyeva gənc tarixçilərin Ümumittifaq müsabiqəsi-
nin laureatı adını almışdır. Fakültənin 3 əməkdaşı – Y.Mahmudov, M.Qasımlı, F.İbrahimli
Azərbaycan Respublikası Milli Məclisinin deputatıdır.
Heydər Əliyev Universitetin müəllimlərinin mənzil-məişət şəraitinin yaxşılaşmasına da
böyük qayğı göstərirdi. Qurban Bayramov «Heydər Əliyev və Azərbaycan tarix elmi» adlı
əsərində göstərir ki, «Heydər Əliyev qəbul imtahanları keçirilən vaxt Universitetə gəlmişdi.
Müəllimlərlə xeyli söhbət etdi. Onların məişət vəziyyəti, elmi yaradıcılıqları ilə maraqlandı.
Söhbət vaxtı müəllimlərin ev-mənzil şəraiti ilə maraqlandı. Belə bir tarixi həqiqəti xatırlatdı
ki, ən böyük alimlər heç də həmişə tam təmin olunmuş mənzil şəraitində yazıb-yaratmamışlar.
Elə şəraitdə də elmə böyük hədiyyələr vermişlər. O, qeyd etdi ki, buna baxmayaraq, Universi-
tet müəllimlərinin vəziyyəti həmişə mənim diqqətimdədir. Çalışıram köməklik edim. Heydər
Əliyevin göstərişi ilə Bakı şəhərinin mərkəzində Universitet müəllimləri üçün bir yaşayış evi
tikildi. Böyük minnətdarlıqla qeyd edirəm ki, mən də həmin evdə mənzillə təmin edilmişəm.
Bu binanın tikilməsindən əvvəl də, sonra da müəllimlərimiz mənzillə təmin edilirdi. Bu qayğı-
nı Universitetin müəllimləri heç vaxt unutmayacaqlar. Azərbaycan Respublikasının Prezidenti
Heydər Əliyevin xatirəsini əbədi yaşadacaqlar» [4, s. 189].
2009-cu ildə respublikamızın ictimaiyyəti, bütün xalqımız ali məktəblərimizin bayraq-
darı olan Bakı Dövlət Universitetinin 90 illik yubileyini Azərbaycan xalqının böyük bayramı
kimi qeyd etdi.
Bakı Dövlət Universitetinin kollektivi bu gün ölkəmizin prezidenti İlham Əliyevin da-
xili və xarici siyasətini tam dəstəkləyir, bu siyasətin uğur qazanmasına var gücü ilə kömək
göstərməyi özünün ən vacib vəzifəsi hesab edir.
ƏDƏBIYYAT
1.“Azərbaycan” qəzeti, 1919, 17 noyabr.
2.“Azərbaycan” qəzeti, 1994, 3 sentyabr.
3.“Azərbaycan” qəzeti, 1999, 28 dekabr.
4.Bayramov Q. Heydər Əliyev və Azərbaycan tarix elmi. Bakı, 2004.
5.Əliyev Heydər. Müstəqilliyimiz əbədidir. 2-ci kitab, Bakı, 1997.
6.Hacıyev S.T., Süleymanov R.C. Tarix fakültəsinin tarixi. Bakı, 2010.
7.Məhərrəmov A.M. Bakı Dövlət Universiteti. Bakı, 2009.
РАФАЭЛЬ СУЛЕЙМАНОВ
профессор Бакинского Государственного Университета.
доктор исторических наук
ЗАБОТА О БАКИНСКОМ ГОСУДАРСТВЕННОМ УНИВЕРСИТЕТЕ
ГЕЙДАРА АЛИЕВА
За более чем 90-летний период БГУ, пройдя долгий путь развития, оказал незаме-
нимые услуги азербайджанскому народу. Наш общенациональный лидер Г.Алиев, яв-
лявшийся выпускником БГУ, называя это учебное заведение национальным богатством
азербайджанского народа, уделял ему постоянное внимание и оказывал всяческую забо-
64 Ümummilli lider Heydər Əliyev – 90
Tarix və onun problemləri, №2 2013
ту. Г.Алиев не только считал БГУ флагманом высшего образования республики, но и
всегда интересовался жизнью Университета, заботился о его развитии. Инициатором
всех нововвдений, произошедших в жизни Университета, был Г.Алиев. Забота Г.Алиева
об Университете никогда не будет забыта.
RAFAEL SULEYMANOV
professor of Baku State Universitety,
doctor of historical sciences
ABOUT TAKING CARE OF BAKU STATE UNIVERSITY
BY HEYDAR ALIYEV
For more than 90-age period of Baku State University, passed by long development
way, common national leader Heydar Aliyev did great favour to azerbaijan people. Our
common national leader Heydar Aliyev is graduator of Baku State University, he called itself
this educational establishment as nationality wealth of Azerbaijan people, devote frequently
attention and regular cares.
Heydar Aliyev considered Baku State University flagman of the high education in re-
public, and also interested about this University life, and paid attention to about its develop-
ment. Initiator of all contemporaries innovations, which is occured in Baku State University`s
life was Heydar Aliyev. There are would not be forgotten Heydar Aliyev`s given attention,
and care.
Rəyçilər: t.ü.f.d.A.Cəlilov, t.e.d.A.C.İsgəndərov
Bakı Dövlət Universitetinin “Slavyan ölkələri tarixi” kafedrasının 22 noyabr 2012-ci il tarixli
qərarı ilə çapa məsləhər görülmüşdür (protokol №3).
Dostları ilə paylaş: |