1 Ramiz Də
Yüklə 2,51 Mb. Pdf görüntüsü
|
266 gəmisində losman işləmişdir. Dediyinə görə La-Plata körfəzinin sahillərini beş barmağı kimi tanıyırdı. Lakin nə Magellan boğazı ilə, nə də ki, Cənubi Amerikanın qərb sahilləri ilə tanışlığı var idi. Ümumiyyətlə, belə bir losman “Destino”ya lazım deyildi. Losman gəmiyə qitənin şərq sahilində yox, qərb sahilində lazım idi. “Vanquardia”nın losmanı hər iki gəmi üçün bəs edərdi. Lakin hər ehtimala qarşı hər iki gəmidə losman gərək idi. Çünki karavellalar Atlantik okeanını keçəcək, okeanda isə hər an bir-birindən ayrı düşə bilərdilər. Özü də, “Destino” birinci dəfə idi ki, okeanı qət etməyə cəhd göstərəcəkdi. Bu isə heç də asan iş deyildi. Bir az keçmişdi ki, kapitanın əmri ilə gəminin siqnal fanarları yandırıldı. Hava qaralmaq üzrə idi. Bu gecə də hava bürkü keçəcəkdi. Sübhə qədər güman var ki, limanda külək qalxacaq. Ona görə ki, üç gün idi Barselonada hava çox isti keçirdi. Belə bir havada hökmən külək qalxmalı idi. Bunu hər bir dənizçi yaxşı bilirdi. Ən təcrübəli şturman isə əvvəlcədən havanın neçə dəyişəcəyini təyin etməli idi. Buna baxmayaraq, bu səyahət zamanı Ameriqo öz işi üzrə çoxlu təcrübə qazana bilər, sənətini bu sahə üzrə xeyli təkmilləşdirə bilərdi. Bütün ekspedisiyanın ən cavan üzvü coğrafiyaşünas Bartolomeunun kiçik oğlu, Xristofor idi. O, gəmidə həkim
267 vəzifəsini icra edəcəkdi. Yaşının az olmasına baxmayaraq, on altı yaşa təzəcə qədəm qoymuş Xristofor, həkimlik
işindən çox yaxşı başı çıxırdı. Atasının dediyinə görə bu onda xüsusi vergidir. O, bu işin öhdəsindən çox bacarıqla gəlirdi. Bir sözlə, Xristofor ekspedisiya iştirakçılarının ən cavan üzvü idi. Kapitana xəbər etdilər ki, on çəllək çaxır gətirilib. Çaxırın ümumi çəkisi min beş yüz kiloqram idi. Çaxırın gəmiyə qəbul edilməsi Qarsiaya tapşırıldı. Kapitan isə Migel ilə birlikdə gəminin ehtiyat hissələri barəsində müzakirə edirdi. Göyərtə üçün on kub hazır taxta, yelkən üçün otuz kvadratmetr mahud parça, fallar (yelkənləri qaldırıb, aşağı salmaq, bayraqları və siqnallar qaldırmaq üçün xüsusi ləvazimat), şkotlar (düz, aşağı və əyri yelkən- ləri gəminin arxasına çəkmək üçün xidmət edir) və s. ləvazimatlar anbara yığılıb doldurulmuşdu. Bu tədarük kapitan Markosun uzaqgörənliyindən xəbər verirdi. Gəmi okeanı keçərkən qasırğaya və ya fırtınaya düşə bilərdi. Gəminin bəzi detalları sıradan çıxandan sonra həmin ehtiyat hissələrindən istifadə etmək lazım olacaqdı. Gəmi yola düşməmişdən əvvəl losman Uqo, bosman Sanços və baş matros Xose kapitan körpüsündə dayanıb kapitanın və ya Migelin sərəncamlarını gözləyirdilər. Demək olar ki, onların hər üçü nizam-intizama riayət edən
268 adamlardı. Uqo ortaboylu, ortabədənli, yaşının qırx yeddi olmasına baxmayaraq çevik hərəkətli bir adam idi. Üzü bir balaca uzunsov, burnunun uçu şiş ağzındakı dişlərinin yarısı tökülmüş, qaşları düz, gözləri balaca, ağzı o qədər də yekə deyildi, başının tükləri yarı ağarmış halda qısa və biz- biz şəkildə idi. Burnunun ucunda balaca nöqtə kimi şiş və ağzının sağ tərəfi üstə xal vardı. Uqo ümumiyyətlə, öz işinin ustası sayılırdı. Onun gəmini idarə etməkdə xüsusi bacarığı vardı. Uqonun dediyi kimi Atlantik okeanın qərb sahilində üzərkən min-bir çətinliklərlə üzləşmişdir. Hətta belə bir keçidin birində onların gəmisinə Antil adalarının cənub-şərq sahilində üzərkən dəniz quldurları hücum etmiş və kiçicik müqavimətdən sonra onlardan uzaqlaşa bilmiş- dilər. Kapitan Markos öz köməkçisinə bu haqda qısaca məlumat vermişdi. Lakin Migel özü bu haqda losmadan lazımlı məlumat almaq istəyirdi. Səyahət zamanı vitse- kapitanın bütün bu məlumaları toplamaq üçün, kifayət qədər vaxtı olacaqdır. Baş matros Xose losmandan bir balaca hündür idi. Bədəni elə onun bədəni kimi eyni, lakin əzələli və möhkəm idi. Xose də cəld hərəkətli sayılırdı. Onun sifətinin ifadəsi başqalarına nisbətən sərt görünürdü. Buna baxmayaraq, Xose qəribə xasiyyətə malik idi. Komandir qarşısında özünü ən nizam-intizamlı və öz işinin öhdəsindən məharət-
269 lə gələn adam kimi göstərirdi. İşdə öz adamlarına qarşı tələbkar, lakin asudə vaxtı onlarla elə şit-şit zaraftlar və elə qəribə rəftar edirdi ki, guya Xose bütün matroslar kimi sadə adamdır. Lakin onun tərs damarı tutanda heç kim onun qabağında dura bilməzdi. Xose tez hirslənən və emosiya- lara uyan bir adamdır. Əlinin altında olan matrosların heç bir məsləhətinə qulaq asmazdı, hətta dərk etsə ki, həmin məsləhət onların ümumi işinə xeyir gətirəcəkdir. Yalnız ona verilən əmrləri can-başla yerinə yetirər, heç vaxtı onu müzakirə etməzdi. Bu baş matros Xosenin həm mənfi, həm də müsbət cəhətləri idi. Xose ispan olsa da, qədim romalı- lara oxşayırdı. Onun bənizi qalın gönə bənzəyirdi, almacığı üstündəki sümüklər qabaqa çıxmış, burnu nə böyük, nə də ki, balaca lakin düz idi, dodaqları o qədər də qalın deyildi, gözləri balaca, iti baxışları içəri girmişdi, qaşları qalın, sarı qısa qıvrım saçları, əynində sadə dənizçi paltarı vardı. Yaşı iyirmi yeddini təzəcə keçmişdi. Əllərinin və ayaqlarının iriliyi onun bədəninin iri sümüklü olmasından xəbər verirdi. Migel onun bir neçə münaqişədə iştirak etdiyini görmüş və baş matrosun nəyə qadir olduğunu bilmişdi. Bosman Sanços hündürboy, enlikürək, iribədənli, iriqamətli, enlisifət iyirmi üç yaşında ağır hərəkətli bir adamdır. Ağzı o qədər də yekə olmayan, alt dodağı bir az qalın, sifətinin iri, yumru olmasına baxmayaraq, burnu
Yüklə 2,51 Mb. Dostları ilə paylaş:
|