|
“ Talqin va tadqiqotlar ” ilmiy-uslubiy jurnaliqoraqalpoq-xalqining-kelib-chiqishi-va-qoraqalpoqlarning-dasturiy-madaniyati (1)“
Talqin va tadqiqotlar
”
ilmiy-uslubiy jurnali
№15
44
shug’ullanishgan.
Qoraqalpoq folklor namunalari 20 jildligining nashr etilgani fikrimizning
dalilidir. Ular so’z ustalari bo’lgan chechanlarni, baxshi (jirov)larini sevadilar. El
oqsoqollari, rahbarlari yonidan qissaxonlar arimagan. O’zbeklarning Afandisi kabi
qoraqalpoqlarning qiziqchisi O’mirbek laqqisi bor. O’mirbek laqqi o’z og’zaki
latifalarida ayrim shaxslar va jamiyatdagi kamchiliklar ustidan kuluvchi xalq
qahramoni sifatida gavdalangan. U adolatsiz amaldorlar, qozilar, so’zi bilan ishi mos
kelmaydigan ruhoniylar kirdikorlarini fosh qilib, mardlik, to’g’rilik, haqiqat, adolatni
kuylagan. U o’z latifalarini yengil mutoyiba, achchiq hajv bilan ixcham ifodalab,
tinglovchilarni xursand qilgan. Qoraqalpoqlarning qahramonlik dostonlari qadimdan
ma’lum. Ulardan “Qirqqiz”, “Alpomish”, “Qo’blan”, “Mastposhsho”, "Edigey"
dostonlarida qoraqalpoqlarning voqealarga boy tarixi kuylanadi. Masalan, "Edigey"
dostonida Amir Temur, To’xtamish faoliyati bilan bog’liq voqealar bayon
etilsa, "Qirqqiz" da qoraqalpoq xalqining XVIII asrda jung’or qalmoqlariga qarshi
ozodlik kurashi, Xorazm xalqining Eron shohi Nodirshohga qarshi kurashi o’z badiiy
ifodasini topgan. Qoraqalpoqlarning xalq qo’shiqlarida el-yurt yo’lboshchilari,
qahramonlari Maman botir, Esangeldi mahram, Oydo’stbiy, Ernazarbiylar
ulug’lanadi. Qozoq ma’rifatparvar olimi Cho’qon Valixonovning: "Qoraqalpoqlar
sahrodagi birinchi shoir ham qo’shiqchilardir, shundan keyin qirg’izlar va
turkmanlar", degan so’zlari bejiz aytilmagan. Qoraqalpoq adabiyotida XVII-XVIII
asrlardagi tarixiy voqealarni badiiy shaklda aks ettirgan "Qirqqiz" dostoni alohida
o’rin tutadi. Bu asar qoraqalpoq xalq qahramonlik eposidir. Bu doston atoqli xalq
baxshisi (jirovi) Qurbonboy baxshi Tojiboy o’g’lidan 1939-1940-yillarda yozib
olingan. Asar erksevarlik, vatanparvarlik va insonparvarlik g’oyalari bilan
sug’orilgan. Asarning bosh qahramoni Guloyim o’zining qirq nafar dugonasi va o’z
sevgilisi Arslon bilan birga Eron shohi Nodirshoh hamda jung’or xoni Surtoyshi
hujumidan yurtini himoya qilishga otlanadi. Guloyim Xorazmni ozod qilib
, u yerda
qoraqalpoq, turkman, o’zbek va qozoq xalqlari vakillarini birlashtirgan davlat tuzadi.
Asarda Guloyim bilan bir safda turib jang qilgan Oltinoy, O’tbosgan, Arslon
,
Sarvinoz kabilar timsolida mardlik, jasurlik, vatanparvarlik, insoniylik, ayni paytda
dushmanga nisbatan shafqatsizlik g’oyalari o’z ifodasini topgan.
Qoraqalpoq xalqining barcha voyaga yetgan ayollar kashtachilik hunarini
egallashgan. Erkaklar esa murakkabroq hunar turlari bo’lmish, yurtalar va musiqiy
asboblarni tayyorlash, yog’och o’ymakorligi, zargarlik buyumlari, terini qayta ishlash
va boshqalar bilan mashg’ul bo’lishgan.
Qoraqalpog’iston noyob va boy madaniy merosga ega. Bu uning qadimiy
arxeologik va me’moriy yodgorliklari, o’ziga xos xalq og’zaki ijodi, ijro san’ati, urf-
odatlari va milliy hunarmandchilik faoliyatida aks etadi. Qoraqalpog’iston hududida
ko’plab arxeologik va me’moriy yodgorliklar bo’lib, ular asosan mudofaa binolari va
|
|
|