& Tildin` ja`miyetlik xιzmeti

Metafora.
Metafora grektin` metafora – awιsιw degen so`zinen alιng`an termin. Predmet yamasa qubιlιslardιn` ekinshi bir predmet yaki qubιlιslarg`a uqsaslιq belgisine qaray awιspalι ma`nide qollanιwιna metafora dep ataladι.
Metaforalιq xιzmettegi so`zler o`z formasιn o`zgertpesten uqsas formadag`ι awιspalι ma`nige o`tedi. Bul metaforalιq ma`ni pikirge obrazlι –ekspressivlik ma`ni beredi. Sonlιqtan metaforalar ko`rkem obraz jasawshι stillik qurallardιn` biri retinde ko`rkem shιg`armalarda keo` qollanιladι.
Metaforalιq xιzmetti, ko`binese atlιq, kelbetlik ha`m feyil so`zler atqaradι.
Mιsalι: Sol tu`slik shιg`ιstan esken sa`wirdin` jipek samalι jerge mayday jag`ιp, son`g`ι qardι eritip ketti.
a`sirlik a`rmanlardιn` shιnlιq qanatιn , biz ushra bildik kosmosqa deyin.
Bul ga`plerdegi jipek, qanat so`zleri jipek (tovar), qanat (qustιn` qanatι) sιyaqlι so`zlerinin` tuwra ma`nisinde qollanιlιp turg`an joq. Bul so`zler jazιwshι ta`repinen ma`nisi awιstιrιlιp, usι so`zlerge uqsas, jaqιn ma`nidegi ekinshi bir so`z –obraz jasaw quralι retinde qollanιladι.
Giperbola.
Giperbola grek so`zi, asιra su`wretlew degen ma`nini bildiredi. Belgili bir predmetti yamasa ha`diyseni a`dettegisinen ku`sheytip, u`lkeytip, asιra su`wretlew arqalι obraz jasaw usιlιna giperbola dap ataladι.
Giperbola bolatug`ιn so`zler ha`m so`z dizbekleri, ko`binese folklorlιq shιg`armalarda, naqιl-maqallarda ko`plep ushιrasadι. Mιsalι:
On-onbesin qosaqlap,
Gu`layιmday bptιr qιz, Nayzag`a bir tu`yredi,
Batιrlιg`ιn bildirdi, Altιlg`an mιltιq sestinen,
La`shkerlerdin` birazιn Shabιlg`an qιlιsh ju`zinen,
Tas penen urιp o`ltirdi, Batιrlardιn` da`stinen,
Birazlarιn balιqtay, Qayraq bolg`an qara tas,
Nayza ushιna ildirdi, Pιt-shιtι shιqtι, buzιldι.
Sa`rbinazday batιr qιz.
Gu`zar joldιn` da`rbent-da`rbentin alιp mashina zιmιrag`anda, do`n`gelekleri jerge tiymey aspan menen jerdin` arasιnda ushιp baratιrg`anday ko`rinedi. Bul keltirilgen mιsallardag`ι qara ha`rip penen jazιlg`an so`zler giperbolalιq xιzmet atqaroadι.