1 Alohida ta’lim ehtiyoji bo‘lgan bolalar uchun ixtisoslashtirilgan (aqliy rivojlanishida nuqsoni bo‘lgan bolalar uchun) maktab va maktab-internatlarining 5-sinflar uchun
Yüklə 2,88 Mb. Pdf görüntüsü
|
|
Axloqsizlik va huquqbuzarlikka misollar keltiring. Burch tushunchasi (1 soat ) Burch – kishining biron shaxs, oila, jamoa, el – yurt, vatan oldidagi majburiyatini anglatuvchi axloqiy tushuncha. Inson o‘z majburiyatini bajarishi oila, jamiyat va davlat taraqqiyotida muhim o‘rin tutadi. Bu esa insondan iymon – e’tiqod, onglilik, halollik, vijdon kabi tushunchalarni shakllantirish muhimligini anglatadi. Burch tushunchasi keng qamrovli bo‘lib, ulardan umuminsoniy, shaxsiy, kasbga doir burchlarni olaylik. Umuminsoniy burchlarga vatanni sevish, uni asrab avaylash, tabiat va kelajak avlodlar oldidagi mas’uliyatni anglash. Ayniqsa, ona vatanga, xalqqa xizmat qilish, eng ulug‘ va sharafli burch hisoblanadi. Shaxsiy burchlarga ota – ona, ustozlar va yaqin qarindoshlarga samimiy munosabatda bo‘lish, Konstitutsiyada belgilab qo‘yilgan burchlarni bajarish va vijdonli bo‘lish. Kasbga doir burchlarga esa, o‘z kasbini ilmini puxta o‘rganish, kasbga sadoqat va mas’uliyat tushunchalarini anglash, o‘z ustida bilim, malaka, ko‘nikmalarini rivojlantirib borish. Shu o‘rinda o‘quvchilarning burchlariga ham to‘xtalib o‘tsak. O‘quvchilar avvalo, ustozlarini hurmat qilishi, a’lo baholarga o‘qishi, maktab ichki tartib qoidalariga amal qilishi, o‘quvchilar bilan do‘stona munosabatda bo‘lishlari lozim. Mustaqil yurtimizning kelajagi maktablarda ta’lim olayotgan yoshlar qo‘lida. Buning uchun har bir o‘quvchi o‘z oldiga ulkan maqsadlar qo‘yib, kelajakdagi mas’uliyatini anglashi lozim. 29 • Intizomli askar yengilmas. • Ishni istaganga emas bilganga topshir. Ikki do‘st Anvar bilan Sardor maktabga doim birga borishadi. Ikkisi ham sinfning faol o‘quvchilaridan. Ularning maqsadi kelajakda shifokor bo‘lish. Anvar futbol to‘garagiga qatnashadi. Sardor esa ingliz tilidan to‘garak mashg‘ulotlariga boradi. Mana bu yil ularni oxirgi o‘quv yili. Barcha bitiruvchi o‘quvchilar allaqachon o‘qishga kirish uchun tayyorgarliklarini boshlab yuborishgan. Keyingi vaqtlarda Anvar o‘qishga e’tiborsiz bo‘lib, ko‘proq vaqtini futbol o‘ynash bilan o‘tkazar edi. Sardor esa bilim olish, fanlarni yaxshi o‘zlashtirishga astoydil kirishgan. Gohida do‘sti Anvarga: “Imtihon kunlari yaqin, shuning uchun ko‘proq kitob o‘qib, futbol o‘ynashni biroz ozaytirish kerak”- deb bir necha bor ta’kidladi. Anvar esa uning so‘zlariga e’tibor bermadi. Nihoyat kutilgan onlar yetib keldi. Barcha sinfdoshlar oliygohlarga o‘zlari qiziqqan yonalishlari bo‘yicha imtixon topshirgani bordilar. Anvar bilan Sardor ham tibbiyot yo‘nalishida o‘qish maqsadida imtixon topshirdilar. Imtixon natijalari ham tez kunda ma’lum bo‘ldi. Hamma hayajonda! Ne ko‘z bilan ko‘rsinki Sardor yuqori bal bilan o‘qishga kiribdi. Anvar esa o‘qishga kirolmadi. 30 Shunda Anvar, o‘quvchilik davrida yo‘l qo‘ygan xatolarini esladi. Avvalo, darslarga o‘z vaqtida qatnashmadi. Ustozlari bergan topshiriqlarni bajarmadi. Ilmdan futbolni afzal bildi. Bir so‘z bilan aytganda o‘quvchilik burchlarini bajarmadi. Anvar qilgan ishlaridan qattiq pushaymon bo‘ldi. U o‘z oldiga maqsad qo‘ydi. Kelgusi yili o‘qishga kirishi uchun barcha fanlarni puxta o‘zlashtirib, oliygoh talabasi bo‘lishga qat’iy qaror qildi. Yüklə 2,88 Mb. Dostları ilə paylaş:
|