To‘ylar, oilaviy tantanalar, ma’raka va marosimlarni ixcham va kamxarj o‘tkazish bo‘yicha targ‘ibot-tashviqot tadbirlarini olib borish
12.
|
O‘zbekiston Respublikasi Oliy Majlisi Qonunchilik palatasi Kengashining va Senat Kengashining qo‘shma qarori mazmun-mohiyatini targ‘ib qilish.
|
O‘zbekiston Respublikasi Oliy Majlisi Qonunchilik palatasi deputatlari, Senati a’zolari ishtirokida uchrashuvlar va davra suhbatlari tashkil etish.
|
2019-yil
sentyabr — dekabr oylari
|
Oliy Majlis palatalari, Qoraqalpog‘iston Respublikasi Jo‘qorg‘i Kengesi, xalq deputatlari viloyat, tuman va shahar Kengashlari, Xotin-qizlar qo‘mitasi, Yoshlar ittifoqi, “Nuroniy” jamg‘armasi, Fuqarolarning o‘zini o‘zi boshqarish organlari
|
13.
|
Fuqarolarning o‘zini o‘zi boshqarish organlari va uning huzuridagi to‘ylar, oilaviy tantanalar, ma’raka va marosimlar o‘tkazilishni tartibga solish bo‘yicha komissiyalar hamda jamoatchilik bilan birgalikda namunali to‘ylar o‘tkazilishini tashkil etish.
|
Xonadon egalari tomonidan rejalashtirilayotgan to‘ylar ro‘yxatini tuzish, ushbu xonadonda tadbirning namunali o‘tkazilishiga ko‘maklashish.
|
Ro‘yxat asosida
|
Fuqarolarning o‘zini o‘zi boshqarish organlari faoliyatini muvofiqlashtirish bo‘yicha Respublika kengashi
|
14.
|
To‘ylar, oilaviy tantanalar, ma’raka va marosimlar o‘tkazish bilan bog‘liq milliy va diniy qadriyatlarga, axloq qoidalariga zid bo‘lgan marosimlar, nomaqbul odatlar va ularning salbiy oqibatlari to‘g‘risida targ‘ibot ishlarini olib borish.
|
Joylarda keng jamoatchilik ishtirokida uchrashuvlar va davra suhbatlarini tashkil etish.
|
Doimiy ravishda
|
Qoraqalpog‘iston Respublikasi Jo‘qorg‘i Kengesi, xalq deputatlari viloyat, tuman va shahar Kengashlari, O‘zbekiston musulmonlar idorasi, Xotin-qizlar qo‘mitasi, Yoshlar ittifoqi, “Nuroniy” jamg‘armasi, Fuqarolarning o‘zini o‘zi boshqarish organlari, NNT
|
15.
|
To‘ylar, oilaviy tantanalar, ma’raka va marosimlarning ma’naviy va ma’rifiy asoslarini mustahkamlash borasida uchrashuvlar, davra suhbatlari va boshqa targ‘ibot tadbirlarini tashkil qilish. Bunda:
milliy qadriyatlarimizga yot bo‘lgan “ommaviy madaniyat”ning salbiy ko‘rinishlarining oldini olish;
nikohdan o‘tayotgan kelin-kuyovlarga oila ma’naviyati, axloqi va ajdodlarimizning mustahkam oila haqidagi o‘gitlaridan iborat tavsiyalar berib borish amaliyotini yo‘lga qo‘yish masalalariga alohida e’tibor qaratish.
|
Targ‘ibot tadbirlarini tashkil etish.
|
Alohida
chora-tadbirlar rejasiga muvofiq
|
Respublika Ma’naviyat va ma’rifat markazi
|
16.
|
Xotin-qizlar o‘rtasida to‘ylar, oilaviy tantanalar, ma’raka va marosimlarni ixcham va tartibli o‘tkazish bo‘yicha jamoatchilik muhokamalari hamda maslahatlashuvlar o‘tkazish, davra suhbatlari, uchrashuvlar tashkil qilish. Bunda:
to‘y-hashamlar o‘tkazishni rejalashtirgan xotin-qizlar bilan doimiy suhbatlar o‘tkazib borish;
xotin-qizlarga to‘ylar, oilaviy tantanalar, ma’raka va marosimlarni o‘tkazishda ortiqcha isrofgarchilikka berilish oila iqtisodiga va yosh oilaning mustahkamligiga salbiy ta’sir ko‘rsatishini hayotiy misollar orqali keng tushuntirish;
“Ota-onalar universiteti” mashg‘ulotlarida sarpo, buyum yig‘ishga ruju qo‘yish, oila budjetini noto‘g‘ri rejalashtirish va boshqa nosog‘lom orzu-havaslarning salbiy oqibatlarini tushuntirish masalalariga alohida e’tibor qaratish.
|
Jamoatchilik muhokamalari, maslahatlashuvlar, davra suhbatlari va uchrashuvlar tashkil qilish.
|
Alohida
chora-tadbirlar rejasiga muvofiq
|
Xotin-qizlar qo‘mitasi
|
17.
|
To‘ylar, oilaviy tantanalar, ma’raka va marosimlarni o‘tkazish bo‘yicha muqaddas dinimizda ko‘zda tutilgan amallar va qoidalarni tushuntirishga qaratilgan tadbirlar o‘tkazish. To‘ylar, oilaviy tantanalar, ma’raka va marosimlarni o‘tkazishda imom-xatiblar e’tiborini:
FHDY organlari tomonidan kelin-kuyovlarga nikoh guvohnomasi berilgandan so‘ng shar’iy nikoh o‘qishga;
mahallalardagi diniy-ma’rifiy uchrashuvlar, an’anaviy suhbatlar va juma namozlarida to‘ylar, oilaviy tantanalar, ma’raka va marosimlarda isrofgarchilikka yo‘l qo‘ymaslik, to‘ylarga sarpo va buyum yig‘ishga ruju qo‘ymaslik, ularni o‘tkazishda belgilangan talablarga amal qilishga;
turli xil bid’at va xurofotlarning jamiyat hayotiga kirib kelishi oldini olish bo‘yicha nasihatlar berib borish zarurligi to‘g‘risidagi masalalarga qaratish.
|
Targ‘ibot tadbirlarini tashkil etish.
|
Alohida
chora-tadbirlar rejasiga muvofiq
|
O‘zbekiston musulmonlari idorasi
|
18.
|
Yoshlar o‘rtasida oilaning muqaddasligi, to‘ylar, oilaviy tantanalar, ma’raka va marosimlarning ixcham va tartibli o‘tkazilishi to‘g‘risida turli uchrashuvlar, tadbirlar, davra suhbatlari, maxsus o‘quv mashg‘ulotlari, ochiq darslar tashkil qilish. Bunda:
turmush qurish arafasida turgan yoshlar bilan ijtimoiy-psixologik suhbatlar uyushtirish, ularni oilaviy hayotga tayyorlash, to‘ylar, oilaviy tantanalar, ma’raka va marosimlarni ixcham va isrofgarchiliksiz o‘tkazish bo‘yicha targ‘ibot ishlarini olib borish;
yoshlar o‘rtasida urf bo‘layotgan “ommaviy madaniyat” (“Love story”, qimmatbaho mashinalar korteji va boshqalar)ning salbiy oqibatlarini ko‘rsatib beradigan targ‘ibot tadbirlariga alohida e’tibor qaratish.
|
Uchrashuvlar, davra suhbatlari, maxsus o‘quv mashg‘ulotlari, ochiq darslar va boshqa turli tadbirlarni tashkil qilish.
|
Alohida
chora-tadbirlar rejasiga muvofiq
|
O‘zbekiston yoshlar ittifoqi, Oliy va o‘rta maxsus ta’lim vazirligi,
Xalq ta’limi vazirligi
|
19.
|
To‘yxona egalari tomonidan to‘y xarajatlarining asossiz ikki-uch baravar miqdorda oshirilishining oldini olish.
|
To‘yxona egalari orasida uchrashuvlar va tushuntirish ishlarini olib borish.
|
Doimiy ravishda
|
Savdo-sanoat palatasi, Davlat soliq qo‘mitasi
|
20.
|
To‘ylar, oilaviy tantanalar, ma’raka va marosimlarni namunali tashkil etish bo‘yicha mahalla fuqarolar yig‘inlar raislari va ichki ishlar organlari profilaktika inspektorlari reytingini yuritish.
|
Mahalla fuqarolar yig‘inlar raislari va ichki ishlar organlari profilaktika inspektorlari reytingi mezonlarini ishlab chiqish.
|
2020-yil
1-yanvarga qadar
|
Ichki ishlar vazirligi, Fuqarolarning o‘zini o‘zi boshqarish organlari faoliyatini muvofiqlashtirish bo‘yicha Respublika kengashi
|
|
