1. Kandakorlik Chinni idishlar to'plami go'zallik va inoyat bilan ajralib turadi

5. KANDAKORLIK SAN'ATI KANDAKORLAR TOMONIDAN TAYYORLANGAN MILLIY IDISHLAR

Reja:

1. Kandakorlik 
2. Chinni idishlar to'plami go'zallik va inoyat bilan ajralib turadi.
3. Ovqatlanish korxonalarida dasturxon ishlatiladi har xil turlari
4. Chinni va sopol idishlar.
5. Kristall va shisha idishlar.

Kandakorlik — amaliy sanʼat turi; oʻymakorlikning metall buyumlarni oʻyib, chizib naqsh, tasvir ishlash sohasi. Buyumlarni bezashda kandakori (oʻyib, kesib), qolipaki (qolip yordamida), simkori (simdan foydalanib), shuningdek, buyumlarning qismlari (qopqoq, dasta va b.) va ikki qavatli buyumlarni bezashda shabaka (panjarali qilib ishlash) usullari qoʻllaniladi, anʼanaviy usimliksimon (islimiy) va handasiy (girih) naqshlardan mujassamotlar yaratiladi. Naqsh yoki tasvir zamini poʻlat qalam (asbob)lar yordamida chuqur yoki sayoz oʻyiladi, zamin sayoz oʻyilganda rangli loklar bilan boʻyaladi, pardozlanadi, chekma, uyma, katak, parallel kesma chiziqlar bilan jilo beriladi. 1930 yil lardan metall sirtiga kimyoviy moddalar taʼsir ettirib naqsh, tasvir yaratish usuli ham (ilk bor Toshkent badiiy oʻquv i.ch. kombinatida) qoʻllaniladi. Arxeologik topilmalar (bronza qozon, mil. av. 6—5-asrlar, Fargʻona vodiysi, Oʻzbekiston xalqlari tarixi muzeyida; Amudaryo xazinasi tarkibiga kirgan metall buyumlar, mil. av. 4—2-asrlar, Britaniya muzeyida; Samarqand Registonidan topilgan metall buyumlarning yirik xazinasi va b.) K. badiiy hunarmandlik turi sifatida Oʻrta Osiyo (jumladan, Oʻzbekiston hududi)da juda qadimdan mavjudligini koʻrsatadi. Dastlab buyumlarga afsonalardagi qahramonlar tasviri ishlangan, arablar istilosidan keyin tasvirlar oʻrnini handasiy naqshlar, bezak darajasiga yetkazib ishlangan arab yozuv (bayt)lari egallagan. Temuriylar davrida yangi usullarning yuzaga kelishi oqibatida K. sanʼati yanada rivojlandi, bezak turlari koʻpaydi. 18— 19-asrlarda Buxoro, Samarqand, Xiva, Qoʻqon, Qarshi, Shahrisabz, Toshkent kabi shaharlarda K. markazlari boʻlgan. 19-asrning soʻnggi choragida K. maqsulotlariga boʻlgan talabning ortishi ularni sanoatda qolip yordamida kup nusxada i.ch.ta olib keldi. Bu, oʻz navbatida, K.ning maʼlum darajada susayishiga sabab boʻldi.