1. kimyanin ilk qanunlari. Stexiometrik qanunlqar

Alüminiumun təbiətdə tapılması. Alüminium təbiətdə ən geniş yayılmış metaldır. . Təbiətdə yayılmasına görə oksigen və silisiumdan sonra bütün elementlər arasında 3- cü, metallar arasında isə 1-ci yeri tutur. Ona təbiətdə yalnız birləşmələr şəklində təsadüf olunur. Əsas təbii birləşmələri aşağıdakılardır:
Al₂ O₃ · 2SiO₂ · 2H₂O - kaolinit və ya ağ gil
K₂O · Al₂O₃· 6SiO₂ - çöl şpatı və ya ortoklaz
Al₂O₃ · nH₂O - boksit, alüminium filiz
Na₃AlF₆ - kriolit
Al₂O₃ – korund, tərkibində Cr₂O₃ olduqda yaqut, titan və dəmir oksidləri qarışığı olduqda sapfir adlanır.
Alınması. 1825 – ci ildə Danimarka alimi Ersted kalium ilə alüminium – xloridi hava daxil olmadan qızdırmaqla sərbəst alüminium almışdır.
AlCl₃ + 3K → Al + 3KCl
Alüminium almaq üçün susuzlaşdırılmış və kənar qatışıqlardan təmizlənmiş boksitdən (Al₂O₃ · nH₂O) istifadə edilir. Boksitin elektrik keçiriciliyini artırmaq və ərimə temperaturunu (2050⁰ C) aşağı salmaq üçün 6-8% boksit ilə 92-94% kriolit qarışığı götürülür ki, bu da elektrolizi təxminən 1000⁰C – də aparmağa imkan yaradır. Elektrolizor vannasının divarları və dibi istiliyi keçirməyən materiala döşənir və üzərinə qrafitdən üz çəkilir. Proses zamanı bu hissə katod rolunu oynayır. Anod kimi vannaya kömür çubuqlar daxil edilir. Elektroliz prosesində ərimiş boksit aşağıdakı sxem üzrə dissosasiya edir:
Al₂O₃ (Al AlO₃) → Al³⁺ + AlO₃^3-