80
(Kalinino), Vardenis (Basarkeçər), Kirovakan, Axtin, Dilican rayonlarında və İrəvan
şəhərində yaşayırdı.
1988-ci ildən başlayan “Qarabağ müharibəsi” illərində Ermənistan hökuməti “etnik
təmizləmə siyasəti yeridərək, 200 mindən çox azərbaycanlı ilə yanaşı, 20 minə yaxın
müsəlman kürdünü də ölkəni tərk etməyə məcbur etdi (mənəvi təzyiq, terzər və silah
gücünə). (1937-ci ildə də 20 minə yaxın müsəlman kürd Orta Asiyaya sürgün edilmişdi).
Müsəlman kürdləri həmin dövrdə əsasən Ararat (Vedi) rayonunun-Xalisa, Şidli,
Qaralar, Yengicə, Dəvəli, Şirazlı, Taytan, Çimən, Şahablı, Arazdəyən, Şıxlar, Kiçik Vedi,
Avşar; Masis rayonunun-Zəhmət, Yuxarı Nəcitli, Aşağı Nəcitli (hər iki kəndin adı
kürdcə “Ovçu” mənasında olan “Neçirvan” sözündən yaranmışdır), Nizami, Çobankərə,
Dəmirçilər, Rəhimabad, Mehmandar, Qaraqışlaq, Ağcaqışlaq, Hacıelyas, Sarvanlar,
Zəngi və s. (bu kəndlərin hamısının adı dəyişdirilmişdir); Vardenis (Basarkeçər)
rayonunun Qolovino, Semyonovka; Eçmədzin rayonunun-Kürd kənd (Kürokənd) və s.
yaşayış məntəqələrində yaşayırdı.
Kürdlər qeyd olunan bu kəndlərdə əsasən azərbaycanlılara birgə yaşadığından (bu
kəndlərin 80%-dən çoxunda azərbaycanlılar üstünlük təşkil edirdi) 1988-ci ilin payızında
elə onlarla birlikdə doğma yerlərindən qovuldular.
İlk illərdə müsəlman olmadıqları üçün və Ermənistanda qoyunçuluq təsərrüfatının
80%-dən çoxunun zəhmətini çəkən Ezdi (onlara Yezidi demək yanlışdır; bax: I. IV)
kürdlərinə dəyməyən və onları qızışdıraraq müsəlman kürdlərinin üstünə basqına
göndərən ermənilər, Dağlıq Qarabağı işğal etdikdən sonra (1993-cü ildən) onları da
sıxışdırmağa başladılar. Nəticədə Ezdi kürdlərinin də xeyli hissəsi (bəzi məlumatlara
görə 20 mindən yuxarı) öz doğma yurdlarını tərk etməyə və xarici tutmağa məcbur oldu.
Beləliklə, “monoetnik” (təkmillətli) ölkəyə çevrilən Ermənistanda bu gün dağlıq
rayonlarda ermənilər üçün qoyun sürülərini saxlayan bir neçə min Ezdi kürdlərindən
başqa, demək olar ki, bir nəfər də olsun azərbaycanlı və müsəlman Kürdü qalmamışdır.
Gürcüstan Respublikasında (1920-1991-ci illərdə Gürcüstan Sovet Sosialist
Respublikası) 1989-cu ilin məlumatına əsasən 33,3 min nəfər kürd yaşayırdı. Gürcüstan
ərazisində də kürdlərin qədim zamanlardan yaşadıqlarına baxmayaraq, onların böyük
qismi XIX əsrin əvvəllərindən XX əsrin əvvəllərinədək davam edən dövrdə, xüsusilə,
Rus-İran (1804-1813; 1826-1828) və Rus-Türk (1853-1856; 1877-1888) müharibələri
zamanı köçmüşlər.
Bəzi gürcü alimlərinin verdiyi məlumata görə indiki Gürcüstan ərazisində
kürdlərin məskunlaşması ən azı X əsrin ortalarından başlamışdır (9,134)
81
Kürdlərin orta əsrlərdə Gürcü dövlətinin ictimai-siyasi həyatında mühüm rol
oynamaları barədə bir sıra tarixi faktlar mövcuddur. Məsələnə, təkcə onu qeyd etmək
kifayətdir ki, gürcülərin məşhur çarı Tamaranın (1184-1212) baş sərkərdələri İvane (İvo,
İbo- İbrahim) və Zaxare (Zahar) qardaşları kürd idi (111,8).
XX əsrin əvvəllərindən 1989-cu ilədək Gürcüstanda yaşayan KÜrdlər əsasən
Aspindz (Axçə, Çoldə, Nəkləkef, Bərtəqan, Timuk, Anakət, Danət, Zədəvarz
kəndlərində); Adıgün (Blorzə, İntələ, Pərihev, Küpəli,Ş Rustav kəndlərində); Ahalkələk
((Axalkalak), Mirişxan kəndində) rayonlarında, Batumi şəhərinin ətraf kəndlərində, Tiflis
şəhərində yaşayırdılar. Tiflisdə əsasən Ezdi kürdləri yaşayırdı.
Ermənistanda olduğu kimi Gürcüstan SSRI-də də Sovet hakimiyyətinin ilk
illərində kürdlərin sosial iqtisadi və mədəni inkişafı üçün müəyyən addımlar atıldı. Belə
ki, kolxoz quruculuğuna fəal qoşulan kürdlər üçün savadsızlığı ləğv edən kurslar, kürd
balaları üçün doğma dildə ibtidai məktəblər açıldı və s.
Lakin kürdlərin bu “xoş” günü uzun sürmədi. Belə ki, Stalin repressiyanın
qurbanları siyahısına Gürcüstanın Türkiyə ilə sərhəddində yaşayan kürdlər və Məhsəti
(Mesxet) türkləri də
düşdü. 1944-cü ilin noyabr ayında həmin xalqların
nümayəndəsindən ibarət 92 min nəfər yük qatarları ilə Orta Asiyaya sürgün edildi. Bəzi
mənbələrə görə bu rəqəm 115,5 min nəfərdir (12,53). Sürgün edilənlərdən çoxlu sayda
qadın, uşaq (həmin uşaqların ataları o illərdə cəbhədə “Stalin uğrunda”, “Sovet ittifaqı
uğrunda qəhrəmancasına vuruşurdu; Onlardan biri kürd Bəkir Mustafayev Sovet İttifaqı
qəhrəmanı adına layiq görülmüşdü) yollarda xəstəlikdən, aclıq və susuzluqdan məhv
oldu. Onu da qeyd edək ki, mənbələrin verdiyi məlumata görə həmin ildə sürgün
olunanların 20 mini müsəlman kürdü idi (1937-ci ildə Ermənistanda olduğu kimi, bu
dəfə də kürdlər müsəlman olduğu və türklərlə birgə yaşadıqları üçün sürgün edilmişdi).
Əslində burada kürdlərin (müsəlman olanların) sayı daha çox olmuşdur. Lakin həmin
illərdə türklər və azərbaycanlılarla birgə (eyni kənddə) yaşayan müsəlman kürdlərinin
sənədlərində bir qayda olaraq “azərbaycanlı” yazılırdı. Digər tərəfdən kürdlərlə ailə
qurub, onlarla qaynayıb-qarışan kürdləri də “türk” hesab edirlər. Hətta adını yuxarıda
qeyd etdiyimiz “xalis kürd” olan Bəkir Mustafayevin də sənədlərində, qəribədə olsa
“azərbaycanlı” yazılmışdır.
Sürgün illərindən sonra Gürcüstanda Tiflis, Batumi, Telavi və
Rustavi
şəhərlərində, həmçinin az miqdarda Kaxeti vilayətində yaşayan kürdlər istisna olmaqla,
demək olar ki, bir nəfər də olsun müsəlman kürdü qalmamışdır. Gürcüstanda da,
Ermənistanda olduğu kimi, millətçi qüvvələr hakimiyyətə gələn kimi (1989-1991-ci
illərdə “gürcü şovinizmi” tüğyan edirdi) erməni dostlarının irəli sürdüyü şüarı
(“Ermənistan-yalnız ermənilərindir!”) mənimsəyərək, “Gürcüstan-yalnız gürcülərindir”
Dostları ilə paylaş: |