82
devizi ilə hərəkət etməyə başladılar. Nəticədə təkcə xeyli sayda azərbaycablılar deyil,
təzyiq və təqiblərə məruz qalan Ezdi kürdləri də ölkəni tərk etməyə məcbur oldu. Odur
ki, bu ölkədə kürdlərin sayı ildən-ilə azalır.
“Postsovet məkanında” Cənubi Qafqaz respublikalarından sonra kürdlərin ən çox
məskunlaşdığı ikinci regiona Orta Asiyadır. Bu regionda isə kürdlər ən çox Qazağıstan
Respublikasında (1920-1936-cı illərdə Kazaxıstan Muxtar Sovet Sosialist Respublikası;
1936-1991-ci illərdə Qazaxıstan SSR) yaşayır. Burada yaşayan kürdlər öz xoşları ilə
deyil, əsasən Türkiyə ilə həmsərhəd olan regionlardan 1937-ci ildə ermənistan SSR-də,
Naxçıvan MSSR, Azərbaycan SSR-nin Cəbrayıl, Zəngilan rayonlarından; 1944-cü ildə
Gürcüstan SSR-in yuxarıda qeyd olnunan regionlarından; 1988-1990-cı illərdən
Ermənistandan sürgün və departasiya nəticəsində məskunlaşmışlar.
2004-cü ilin rəsmi sənədlərinə görə Qazaxıstanda yaşayan kürdlərin sayı 32 min
nəfər olmuşdur. Lakin tətqiqayçıların hesablamalarına görə hal-hazırda həmin kürdlərin
sayı 100 mindən çoxdur (9,171). Bu respublikalarda yaşayan kürdlər əsasən Almatı,
Çimkənd, Cənubi Qazaxıstan, Cambal və Taldı-Kurqan vilayətlərində, həmçinin ölkənin
keçmiş (Almatı) və yeni (Astana) paytaxtında yaşayırlar.
Qazaxıstan öz müstəqilliyinə qovuşduqdan (1991-ci il, 16 dekabr) sonra buradakı
az saylı xalqların, o cümlədən kürdlərin milli mənəvi inkişafı üçün əlverişli şərait
yaranmışdır. Belə şəraitin nəticəsidir ki, kürdlərin kompakt yaşadıqları yaşayış
məntəqələrindəki orta məktəblərdə kür dili tədris olunur; Kürd mədəniyyət mərkəzləri
assosasiyası-“Bərbanq” (Şəfəq), bir sıra şəhər və vilayət mərkəzlərində milli-mədəniyyət
mərkəzləri; folklor kollektivləri fəaliyyət göstərir; “Jiyana Kurd” (“Kürd həyat”) adı
qəzet, “Nubar” adlı jurnal nəşr olunur və s.
Qazaxıstan kürdləri bu ölkələrin sosial iqtisadi və mədəni inkişaflarında
özünəməxsus rol oynayır. Belə ki, bu gün respublikanın elm və mədəniyyət
mərkəzlərində, iri istehsal müəssisələrinə, hüquq-mühafizə orqanlarından, ümumtəhsil və
ali məktəblərində, səhiyyə, idman və turizm təşkillatlarında, biznes sahəsində yüzlərlə
görkəmli kürd mütəxəssisləri çalışır. Həmin mütəxəssislərdən təkcə Qazaxıstanda deyil,
bütün Dünyada görkəmli neft-kimya mütəxəssis alimi kimi tanınan kimya elmləri
doktoru, professor, akaemik, dövlət mükafatı laureatı, N.R. Nadirova, tanınmış kürdşünas
alim, jurnalist, kürdlərin digər xalqlarla ədəbi əlaqələrinə dair samballı monoqrafların,
eələcə də ümumtəhsil mərkəzlərin ikinci sinifləri üçün iki cildli dərsliyin müəllifi,
filologiya elmləri doktoru, professor, akademik K.R.İ.Mirzəyevi beynəlxalq mineral
ehtiyatlar Akademiyasının müxbir üzvü, texnika elmləri doktoru mərhum professor Q.A.
Musayevi, etxnika elmləri doktoru professor U.A. Sadıqovu,Turizm və İdman
Akademiyasının müdiri M.O. Mirzəyevi; respublikanın “Əməkdar müəllim”ləri:
83
A.K.Nadirovu, M.T.Süleymanovu, A.B. Nadirovu, S. İ. Seyidovu, İ. A. Əliyevi;
Kikboksinq üzrə Avropa çempionları: Mikayıl və İsmayıl Nadirova qardaşlarını,
Ramazan Səyadovu, Boks üzrə MOİK komandasının baş məşqçisi, idman ustası A.
Aslanovu və onlarla başqalarını misal göstərmək olar.
Orta Asiya regonunda kürdlərin daha çox yaşadığı respublika Qırğızıstandır.
Qırğızıstan Respublikasında (1917-1926-ci illərdə Qara Qağız muxtar vilayəti; 1926-
1991-ci illərdə Qırğızıstan SSR)
yaşayan kürdlər də Qazaxıstan Kürdləri kimi
1937,1944,1989-ci illər deportasiyaları nəticəsində bu yerlərə zorla köçürülmüşlər.
Sürgün edilən ( Cənubi Qafqaz respublikalarından) kürdlərin birinci ( 1937-
ci il) və ikinci (1944-cü il) dəstəsi əsasən OŞ vilayətinin Suzak rayonunda, kokyanqak və
cələlabat şəhərlərinin ətraf qəsəbələrində məskunlaşmışlar. 1989-cu ildən sonra
köçənlərin də bir qismi həmin rayonlara digərləri isə Bişkek şəhəri və onun ətrafındakı
şəhərlərə üz tutmuşdur.
1989-cu ilin rəsmi siyahıyaalınmasına görə Qırğızıstanda yaşayan kürdlərin sayı
14300 nəfər olmuşdur həmin dövrdə kürdlər əsasən Çu vilayətinin Alamudin və Sokuluk
rayonlarında; Tallas vilayətinin Manas və Kabarin rayonlarında; Oş vilayətlərinin, Rok-
Yanqaq və Cələlabad şəhərlərində; Bişkek şəhəri və onun ətrafında yerləşən kəndlərdə
(Karl Marks , Petrovkaha, Vasilyevka, Vinoqradnoye, Leninskoye və s.) yaşayırdı.
Hal –hazırda bu ölkələrdə yaşayan kürdlərin sayı tətqiqtçıların hesablamalarına
əsasən 25 min nəfərdən çoxdur (9,181).
SSRİ-nin dağıdılmasına doğru getdiyi illərdə (1988-1991) Qırğızıstanda da
ekstremist –millətçi qüvvələr az saylı xalqlara qarşı təzyiq və təqib kompaniyasına
başladılar. Başqa millətdən olan xalqların məskunlşadığı yaşayış məntəqələrinə hücum
edən quldur dəstələri Oş vilayətinin Sozak rayonundakı Oktyabr, Safarovka və
Mixaylovka kəndlərində yaşayan 300-dən yuxarı kürdü də öz doğma ev-eşiklərindən
didərgin saldılar. Həmin kürdlər Rusiyanın Krasnodar, Stavropol və Saratov vilayətlərinə
pənah aparmaq məcburiyyətnidə qaldılar.
1994-cü ildə, yanvar ayının 21-də çağrılan Qırğızıstan xalqlarının qurultayından
sonra ölkədə milli münasibətlərdəki gərginlik səngiməyə başladı. Həmin qurultayda
kürdlərin “Niştiman” (“Vətən”) assosasiyasının da daxil olduğu Qırğızıstan Xalqlarının
Assambleyasının Nizamnaməsi, həmçinin “Birlik, sülh və barışıq Bəyannaməsi” qəbul
edildi.
1993-cü ildə yaradılmış Qırğızıstan kürdlərinin “Niştiman” assosasiyası öz
sıralarını genişləndirərək “Midya” adlı Qırğızıstan Kürdlərinin İctimai Birliyinə çevrildi.
Dostları ilə paylaş: |