4-Mavzu: Turli yosh guruhlarda “Bizning inoq mamlakatimiz” “Qo‘shni mamlakatlar”, “Dunyo mamlakatlari” mavzusida o‘yinli ta’lim faoliyatini tashkil etish

2. Tayyorlov guruhlarda “Qo`shni mamlakatlar” mavzusida o’yinli ta’lim faoliyatini tashkil etish.


Oy mavzusi: “G‘aroyib olam”
Hafta mavzusi: “Qo‘shni mamlakatlar”.
Fevral oyining 1- haftasi.
Guruh: Tayyorlov.
Markaz: “Til va nutq”
Faoliyat turi: Nutq o‘stirish.
Mavzu: “O‘zbekistonning qo‘shni davlatlari”.
(Tojikiston, Qirg‘iziston, Qozog‘iston, Turkmaniston, Avg‘oniston)
Maqsad: O‘zbekistonning qo‘shni davlatlar haqidagi g‘oyalarini shakllantirish.
Ta’limiy maqsad: Lug‘atni millatga tegishli so‘zlar bilan boyitish. O‘zbekiston atrofidagi qo‘shni davlatlar: Tojikiston, Qirg‘iziston, Qozog‘iston, Turkmaniston,
Avg‘oniston va u erda yashaydigan xalqlar , milliy liboslar, xalq raqsi va musiqasi haqida tushuncha berish.So‘zlashuv nutqini shakllantirish. So‘zlarni to‘g‘ri talaffuz qilish. Bolalar savollarga to‘liq javob berishni, jumlalarni to‘g‘ri tuzishga, kerakli so‘zlardan o‘rinli foydalanishga o‘rgatish. Chegarada, chegaradan tashqarida, chegara ichida so‘zlarini mustahkamlash.
Tarbiyaviy maqsad: Nutqning ifodaliligini tarbiyalash.
Rivojlantiruvchi maqsad: Vatanparvarlik tuyg‘ularini va o‘z Vataniga bo‘lgan g‘ururni rivojlantirish.
Davlat talabi: Tayyorlov guruhda lozim bo‘lgan bilim va ko‘nikmalarni bolalarga singdirish. Bola nutqni tinglaydi va anglaydi, so‘zlashadi va muloqat qiladi, qiziquvchan, intiluvchan, faol bilishga qiziqish bildiradi va unga ehtiyoji mavjud, atrofdagi borliqni ijodiy o‘zgartirish malakasiga ega.
Faoliyat uchun keraklik jihozlar: Mavzuga oid qo‘shni mamlakatlarning liboslaridan va yana shunga oid ko‘rgazmali rasmlari yoki slayd, xarita yoki globus, transportning har xil turlari tasvirlangan rasmlar, sambufer, chip, fleshka,
Faoliyatning borishi: Tashkiliy daqiqa.
Tarbiyachi: (Bolalar yarim doira shaklida turib oladilar)
Turli tuman bolalar ko‘p jahonda
Yig‘ilsalar sig‘mas ming-ming maydonga
Dunyo yuzi yana tinchu keng bo‘lsa
Har bolaning baxti doim teng bo‘lsa.
Vatanini, onajonin sevsalar.
Ular mehrin, g‘amho‘rligin sezsalar.
Bolalar, bugun barchangizni ko‘rib turganimdan juda hursandman. She’r mazmunimdan faxmlagandirsiz. Bugungi o‘yinlarimiz faqat qo‘shni mamlakatlar ijodiga bag‘ishlanadi. Kelinglar endi mehmonlarimiz bilan salomlashib olaylik.
Tong otadi ertalab-qo‘llar yuqoriga
Bizni chorlar ona yurt-qo‘llar o‘nga va chapga ko‘rsatiladi.
Men uyimdan chiqaman-qo‘l bilan o‘zini ko‘rsatadi.
Salom deyman ko‘chamga-qo‘llar u yon bu yonga harakatlanadi
Salom deyman hammaga-qo‘llar bosh uzra ko‘tariladi.
Salom deyman Qishga ham-qo‘llar pastga tushirilib gilamni silanadi
Salom deyman sho‘x-quvnoq-ikkita qo‘l ko‘rsatqich barmog‘i yonoqqa qo‘yiladi bosh saraklatiladi.
Izg‘irin shamolga ham -qo‘llar o`ngga chapga silkinadilar.
Asosiysi salomim-qo‘llar yuqorida.
Barcha mehmon, ustozga-tirsaklar bukilib qo‘llar ko‘krakka qo‘yiladi.
Tarbiyachi: Bolalar diqqatimizni doskaga qaratamiz. Ushbu ko‘rib turganingiz xarita deb ataladi Xaritada qaerda yashayotganimiz, yo‘llar, tog‘lar, keng maydon erlari, yashash joylari, chegaralar, shaharlar ko‘rsatilgan. Qaranglar yoningizda kimlar turibdi?(Slayd yoki globusdan ham foydalanisa ham bo‘ladi)