A410201-«Agronomiya» qánigeligi kurs magistrantları ushın

6-atızlı almaslap egiw tártibi (1:1:1:1:2)
1-túri. Bul sxemada ǵawashanıń salıstırma salmaǵı -50%, bir jıllıq ot-jemlik eginler -17%, biyday-17% hám basqa eginler 16% bolıp, bul atızǵa baw-baqsha, dán hám sobıqlı dánli eginler egiledi. Yaǵnıy, bir atız-ot-jemlik egin, bir atız-biyday, bir atız- basqa eginler hám úsh atız-ǵawasha boladı.Eginlerdin almasıwı birinshi jılı ot jemlik egin, 2-jılı ǵawasha, 3-jılı basqa egin, 4-jılı biyday hám 5-6 jılları ǵawasha egiledi. Bir rotaciya dáwiri 6-jılda pitedi. Usı dáwirde 2-hám 4-jılı bir gektarǵa 20 tonna esabınan jergilikli tógin beriliwi kerek. Basqa eginler ushın ajıratılǵan atızǵa bir jıllıq baw-baqsha, palız, dán hám sobıqlı dánli eginler egiledi. Bul sxemada jazlıq biyday egiw názerde tutılǵan. Biyday jıynap alınǵannan keyin topıraq ónimdarlıǵın arttırıw ham kelesi jılǵı eginge azıq retinde paydalanıw ushın siderat egiledi. Siderat yamasa kók tógin ushın biziń jaǵdayımızda surepica, raps, azıqlıq burshaq, soya hám basqa da bir jıllıq sobıqlı eginlerden birewi yamasa bir neshe turi aralastırıp egile boladı.
2-túri (1:1:1:1:2). Bul da 6 atızlı almaslap egiw sxeması bolıp, birinshi túrinen ózgelesheligi: 1-atızga ot jemlik eginniń ornına jazlıq biyday egiledi, bunda paxtanıń salıstırma salmaǵı 50%, biyday-34% hám basqa eginler-16% boladı.
Bul eki sxema topıraq ónimdarlıǵı joqarı bolǵan jerler ushın usınıs etilip, topıraq ónimdarlıgın arttırıp barıw, biydaydan keyin siderat egiw hám rotaciya dáwirinde eki ret gektarına 20 tonna esabınan jergilikli tógin beriw názerde tutılǵan (5-keste).
5-keste
5. Ǵawasha-dán almaslap egiw kestesi (1:1:1:1:2) boyınsha
eginlerdiń jaylasıwı.

Jıllar	Almaslap egiw atızları hám eginler