Proceedings of Global Technovation- An International Multidisciplinary Conference
Hosted from Samsun, Turkey
https://conferencepublication.com
October 31
st
, 2020
91
ADABIY TA’LIMDAGI CH. AYTMATOV “OQ KEMA” ASARINI
OʻRGANISH HAQIDA
Ergasheva Iroda Abdumuxtor qizi
Alisher Navoiy nomidagi Toshkent davlat O„zbek tili va adabiyoti universiteti, Toshkent,
O„zbekiston
Annotatsiya
Mazkur maqolada mashhur qirg„iz adibi Chingiz Aytmatov ijodi, xususan uning “Oq kema” qissasi
tahlil qilinadi. Qissada ko„tarilgan mavzular hamda qaahramonlar haqida kuzatuvlar bayon qilinadi. Asarni
oʻrganishda “Kalit soʻzlar” hamda “Qayta hikoya” metodlarining ahamiyati ta‟kidlanadi. Xulosalar beriladi.
Kalit so‘zlar
:
qirg„iz adabiyoti, proza, Chingiz Aytmatov, “Oq kema” qissasi, oʻrganish metodlari.
Respublikamizdagi ta'lim tarbiya sohasidagi islohotlarning asosi metodika sohasiga qaratilgan. Ta'lim
beruvchi nazariy bilimlarini metodika bilan uyg'unlashtira olsagina ta'lim sifati oshadi. Bugungi kunda
o'quvchilarning badiiy adabiyotga bo'lgan
qiziqishlarini kuchaytirish, kitobxonlik madaniyatini oshirish va
bu orqali o'quvchilarning o'qib tushunish malakasini rivojlantirish, og'zaki nutqini oshirish va o'zlashtirgan
bilimlarini amaliyotda qo'llay olish orqali hayotga tayyorlab borish adabiyot o'qitish metodikasining muhim
vazifalaridandir. Umumta‟lim maktablarida o„quvchilarga o'zbek adabiyoti namunalari bilan bir qatorda
jahon adabiyotining durdona asarlari ham o'qitiladi. Xususan, qirg'iz xalqining
atoqli yozuvchisi Chingiz
Aytmatovning "Oq kema" asari ham o'quvchilarning badiiy tafakkurini o'stiradigan, dunyoqarashini
kengaytiradigan asar hisoblanadi. Asar asrlar davomida qadrlab kelingan an'ana, urf-odatlarga sodiqlik, ota-
bobolarga cheksiz hurmat, o'z o'zligi va tarixini unutmaslik ruhida yozilgan. “Ota-bobolarimizni eslasak,
bizni ajib his-tuyg„ular chulg„ab oladi. Ular uzoqqa ketmaganlar. Illo, o„zimiz
ham ularning qavatiga
kirajakmiz. Mudom ularni yodlab turish bizning burchimiz, ularning xotirasi o„zimiz uchun zarur. Ularning
mozoriga tashlaganimiz bir siqim tuproq – bizni bog„lab turgan rishta hisoblanadi.”
1
Asarda tilga qalamga
olingan mavzularni mangu mavzular deyish mumkin, ya‟ni hayotimizdagi barcha davr va bosqichlarda duch
kelishimiz mumkin bo„lgan jarayonlar, umuminsoniy tuyg„ular ifodasi uyg„unlashtirilgan.
Shuningdek,
asarda quvonch va azob, mehr va oqibatsizlik,
yaxshilik va yomonlik, xokisorlik va vahshiylik,
mehnatsevarlik va birovlar mehnati evaziga kun ko„rish ziddiyatlariga duch kelamiz. Asar
qahramonlarining qalb kechinmalari, quvonch-u azoblari milliylik bilan yo`g„rilgan. Asardagi Mo„min chol
va bolaning ruhiyati bilan kitobxon ruhiyati uyg„unlashib ketgandek. Mo„min cholning og„ir ruhiy
holatlarini ta‟sirlanmasdan o„qish ilojsizdek. Badiiy asarda aks etgan mavzu va muammoning aniqlab olish
asar tahlilida muhimdir. Asarni tahlil qilishda bir jihat o„quvchilarning e‟tiborini tortadi: asardagi
asosiy
qahramonlar Mo„min chol, bola, Bo„key va O„rozqulning o„z muammolari va iztirob-alamlari yozuvchi
tomonidan mahorat bilan tasvirlangan, lekin asar so„nggida hech bir muammo o„z yechimini topmaydi.
“Ko„p hollarda badiiy asarda birvarakayiga bir necha muammo ko„tariladi, ammo ularning katta qismi hal
etilmay qolib ketaveradi. Bu tabiiy hol . Negaki, badiiy adabiyot – hayotdagi
muammolarni hal qilishga
emas, balki ularning borligini ko„rsatishda diqqat qaratdigan hodisa.”
2
"Oq kema" asarining o'qitilishi
bo'yicha bir qancha tavsiyalarni berib o'tamiz. Shuni ta'kidlash kerakki, bugungi kunda darslarni innovatsion
texnologiyalar yordamida tashkil etish, bu jarayonda ta'lim oluvchining yosh xususiyatlarini hisobga olib,
ehtiyojlaridan kelib chiqqan holda metod va texnologiyalarni tanlay olish muhimdir.
1
Aytmatov Ch., Shoxonov M. Cho‘qqida qolgan ovchining ohi-zori”. T.,Sharq. 1998-y. 78-bet
2
Yo‘ldoshev Q., Yo‘ldosh M. Badiiy tahlil asoslari.T., 2016-y 66-bet