129
lənət qazananlara rəhmət yeri görünmür. Belələri şeytanın
aqibətini yaşar.
İki cür lənət vardır: 1) Ümumi lənətlər; 2) Fərdi lənətlər.
Ümumi lənətdə ad çəkilməz, lənətlənən əməllər sadala-
nar. Bunlar ayə və hədislərdə bildirilmişdir. Belə əməlləri
işləyib tövbə etmədən ölənlərin aqibəti, ən yaxşı halda,
şübhəlidir. Şübhənin dünyada olduğu kimi Axirətdə də
müqəssirin lehinə olacağını deyə bilmərik. Çünki O dünya-
da məxluq deyil, Xaliq hökm verir. Onun üçün isə hər şey
şübhəsizdir.
Kafirlərin, zalımların lənətləndiyi ayələri öncədən qeyd
etmişdik. Lənətlik əməllərin siyahısı hədislərdə daha geniş
və müfəssəldir. Onlardan bəzisini burda xatırlatmaq yerinə
düşər:
“Cəbrail yanıma gəlib dedi: “Ya Muhəmməd, Allah Təala
içkiyə, onu emal edənə, etdirənə, satana, alana, içənə, içdi-
rənə, qazancını yeyənə, daşıyana, daşıtdırana lənət etdi.”
“Rüşvət verənə də, alana da, rüşvətə vasitəçi olana da
Allah lənət etsin.”
“Allah faiz yeyənə, yedirənə, faizə şahidlik edənə, faiz
yazana lənət etsin.”
“Allah Təala qadınlardan kişilərə bənzəməyə çalışan-
lara, kişilərdən də qadınlara bənzəməyə çalışanlara lənət
etsin.”
“İnsana çox lənət qazandıran iki şeydən çəkinin: Bun-
lar insanların yolu üzərində və dincəldiyi kölgəliklərdə
dəstəmaz pozmaqdır.”
“Adam zövcəsini yatağına dəvət edər və o qadın getməzsə
mələklər sabaha qədər o qadına lənət edər.”
Siyahını artırmaq da olar. Lakin daha vacibi təqvanı ar-
tırmaqdır. Çünki istənilən ağıllı adam nəyin pis olduğunu
öyrənməsə belə, dərk və hiss edir. Əgər pis əməllərdən
çəkinərsə yaxud əvvəllər çəkinmədiyi üçün tövbədə bulu-
narsa, Allahın bağışlayan və tövbələri qəbul edən olduğu-
nu görər.
130
İBRƏT Qul bir günah işləyər. Ardınca dua edər: “Allahım,
günahımı məğfirət eylə.”
Bu zaman Allah Təala mələklərinə: “Qulum bir günah
işlədi, fəqət günahı bağışlayacaq və günahına görə onu
cəzalandıracaq bir Rəbbi olduğuna inandı” buyurar və onu
bağışlayar.
Sonra bu qul təkrar günah işləyər. Yenə: “Ey Rəbbim!
Mənim günahımı bağışla” deyə dua edər.
Allah Təala buyurar: “Qulum yenə günah işlədi. Ancaq
günahını bağışlayacaq yaxud günahına görə cəza verəcək
bir Rəbbi olduğunu bildi. Ey qulum, Mən səni əfv etdim.”
HƏDİSİQÜDSİ “Ey Adəm oğlu! Sən Mənə heç bir
şey ortaq qoşmadıqdan sonra yer üzü dolusu xətalarla da
gəlsən, Mən də səni yer üzü dolusu məğfirətlərlə qarşılaya-
ram.”
“Ey Adəm oğlu! Sən Mənə dua edib məğfirətimə ümid
etdiyin müddətdə böyüklüyünə-kiçikliyinə baxmadan bü-
tün günahlarını bağışlayaram.”
Can boğazdan çıxmamış tövbə edən doğuşdadı
Sorğusu olsa da sərt, sonda doğma ağuşdadı.
Hər xəta bir quyudu, hər günah amma uçurum
Tövbəsiz can verənlər bir əbədi yoxuşdadı.
Mal və mövqe hərisi öz hirsinin girovudur
Zahirən milyonçu, zatənsə qəpik-quruşdadır.
Məğlub o kimsədi ki, Rəbbi ilə rəqabətdə
Qalib o kimsədi ki, nəfsi ilə boğuşdadı.
Oyun, ey qul, olsa da, bəxt oyunu deyil dünya
Bir oyundur ki, ancaq oynamayan uduşdadı.
131
Ümumi lənətlərdə ad vurğulanmasa da, lənətlənən
əmə lin sahiblərinə aid əlamətlər Quranda və sünnədə
açıq göstərilmişdir. İstənilən şəxs onların işığında özü-
nün məlun olub-olmadığını asanlıqla müəyyən edə bilər.
Məsələn, zülmün ən lənətlik əməl olduğu məlumdur.
Qurani-Kərimin bir neçə yerində Allah zalimlərə lənət et-
miş və fərqli ayələrdə bu zümrənin nişanələrini açıqlamış-
dır. Onlardan bəzisini xatırlayaq:
“Allahın hədlərini kim aşarsa, məhz onlar zalimdirlər”
(əl-Bəqərə, 229).
“Həqiqətən, yetimlərin malını zülmlə yeyənlər qarın-
larına od yemişlər və onlar Cəhənnəm atəşində yanacaq-
lar” (ən-Nisa, 10).
“Ey iman gətirənlər! Bir qövm başqa qövmə məsxərə
etməsin. Bəlkə də onlar özlərindən xeyirlidirlər. Qadın-
lar da başqa qadınlara (məsxərə etməsin). Bəlkə onlar
özlərindən xeyirlidirlər. Birbirinizi rüsvay etməyin və
pis ləqəblərlə çağırmayın. İmandan sonra fasiqlik nə pis
addır. Kim də tövbə etməzsə, məhz onlar zalimdirlər!” (əl-
Hücurat, 11).
“Ey iman gətirənlər! Allaha qarşı gəlməkdən çəkinin və
möminsinizsə, faizdən qalanı tərk edin. Belə etməsəniz
Allah və Rəsulu ilə hərbə girdiyinizi bilin. Tövbə
edərsinizsə malınızın sərmayəsi sizədir. Zülm etməyin,
sizə də zülm edilməz” (əl-Bəqərə, 278-279).
“Ey iman gətirənlər! Mallarınızı aranızda haqsızlıqla
yeməyin. Ancaq öz rizanızla etdiyiniz ticarət istisnadır.
Birbirinizin canına qıymayın. Həqiqətən, Allah sizə
mərhəmətlidir. Kim qəsdən və zülm ilə bunları edərsə,
Biz onu oda atarıq və bu, Allaha asandır” (ən-Nisa, 29-30).
“Kim Allahın nazil etdiyi ilə hökm etməzsə, məhz
belələri zalimdirlər” (əl-Maidə, 45).
Kimlərin zalimlərdən, yəni lənətə uğrayanlardan oldu-
ğunu hədislər də bildirməkdədir:
132
“Borcunu ödəməyə imkanı olan kimsənin borcunu
ödəməməsi zülmdür.”
“Sizdən biri məzlum bir adamın döyüldüyü yerdə dayan-
masın. Çünki lənət onu müdafiə etmədikləri zaman orada
bulunanlar üzərinə enər.”
“Kim ərzdən bir qarış yeri haqsız zəbt edərsə Qiyamət
günündə yerin yeddi qatı halqa kimi onun boynuna keçirilir.”
“Beş adam var ki, Allah onlara qəzəb etmişdir. Dilərsə
onlara dünyada qəzəbini icra edər, dilərsə axirətdə atəşə
atılmalarını buyurar:
1) Təbəəsindən öz haqqını nöqsansız alıb onlara qar-
şı insaflı davranmayan və onlara zülmdən vaz keçməyən
dövlət başçısı və idarəçiləri;
2) Güclülərlə zəiflər arasında bərabər davranmayan və
öz nəfsinin istəyinə uyğun danışan və buna rəğmən qövmü
tərəfindən sayılan qəbilə başçısı;
3) Ailə üzvlərinə Allaha itaəti əmr etməyən və onlara
vəzifələrini öyrətməyən ailə başçısı;
4) İşçini çalışdırdıqdan sonra muzdunu ödəməyən iş sa-
hibi;
5) Qadının mehrini verməyən kişi.”
İBRƏT Tavuz əl-Yəmani həzrətləri bir gün Əməvi
xəlifəsi Hişam ibn Abdulməlikin hüzuruna girərək deyir:
“Nida günündə Allahdan qorx!”
Xəlifə: “Nida günü nədir?” deyə soruşur.
Tavus Allah Təalanın bu ayəsini oxuyur: “Bu zaman ara-
larında bir münadi: “Allahın lənəti zalimlərin üzərinədir”
deyə nida edər.” (əl-Əraf, 44)
Hişam ayəni eşidincə bayılır. Tavus deyir: “O dəhşətli
anın vəsf edilməsi insanı bu zillətə düşürürsə, o anı birbaşa
müşahidə etmənin nəticəsi nə olar?”
Ey qul, padşahsan əgər, səmavi fərmanə yanaş
Şahlıq dərd, qulluq dərman, dərdə yox, dərmanə yanaş.
Dostları ilə paylaş: | 
