2-metodning SWOT tahlili
Kuchli tomoni
|
|
Kuchsiz tomoni
|
|
Imkoniyatlari
|
|
Tahdidlari
|
|
3-metod. Test va SMS
Har 10 ta mavzudan keyin test olardim. Testni shunchaki olishni xohlamasdim. Har bir talabaning testi bo‘yicha chiqqan natijasini tahlil qilishni, qaysi mavzuda oqsayotganini, mavzularning qaysi joyini o‘zlashtira olmayotganini tahlil qilishni xohlardim. Va eng asosiysi har bir talabaga testdan olgan natijasini shaxsan etkazishni xohlardim. Bu bilan har biringizga e’tibor qilyapman, Siz ham shunga yarasha javob qaytaring deyishni xohlardim.
Bilasizmi, test natijalarini talabalarga qanday etkazganman? To‘ppa-to‘g‘ri, SMS orqali! Yuborganda ham, erinmasdan har biriga individual javob yozganman. Tahminan mana bunday: “Falonchibek, sizning test natijangiz – 20 ta to‘g‘ri, 10 ta noto‘g‘ri. O‘zlashtirish foizingiz 67%”
Va har bir natijaning tagiga alohida gap yozganman. Agar natija zo‘r bo‘lsa, maqtaganman. Yanada yaxshi o‘qing deganman. O‘rtacharoq bo‘lsa, sustlashmaslikni aytganman. YOmonroq bo‘lsa, o‘qishini yaxshilashi keraqligini, unga ishonishimni, meni boshqa uyaltirmasligini yozganman.
Albatta 100 kishiga bittalab bunaqa SMS yozish uchun ko‘p vaqt ketadi. Tag‘in har bir natijani hisoblab chiqqan bo‘lishingiz ham kerak.
Ha, endi, jon chekmasang janona qayda deyishadi-ku. Qiyin bo‘lganmi yo‘qmi, bilmadim-u, lekin menga qiziq bo‘lgan. O‘zim sevgan kasbim bilan shug‘ullanib, rohatlanganman.
Ha, aytgancha, o‘zi individual SMS yuborishni keyinchalik ham bir necha marotaba qo‘lladim. Ayniqsa, bayramlar bilan tabriklash vaqtida. Bilasizmi, hammaga yuboriladigan uzundan-uzun shablonlardan ko‘ra, ismingiz yozilgan kichik SMS ko‘proq ta’sirliroq bo‘ladi. Men ham matnini bir xil yozganim bilan, lekin ismlarni har bir kishiga erinmasdan yozib chiqishga harakat qilardim.
Dostları ilə paylaş: |