|
Andijon iqtisodiyot va qurulish institute-2021 yillarda “Trastbank” xususiy aksiyadorlik bankining rivojlanish strategiyasi
|
səhifə | 2/9 | tarix | 28.11.2023 | ölçüsü | 71,58 Kb. | | #138288 |
| AMALLIYOT HISOBOTI
2019-2021 yillarda “Trastbank” xususiy aksiyadorlik bankining rivojlanish strategiyasi
Strategik rivojlanishning maqsadlari:
bankning kapitallashuv darajasini oshirish, banklarning xalqaro moliyaviy prinsiplari talablari doirasida tijorat banklarning kapitalligi, likvidligi va barqarorligini moliyaviy-iqtisodiy ko‘rsatkichlarini mustahkamlash;
faoliyatning barcha soxalarida yuridik va jismoniy shaxs bo‘lgan mijozlar bazasini son va sifat jihatdan kengaytirish, yirik omonatchilar hisobiga pul mablag‘larini qisqartirish, yuridik shaxslarning uzoq muddatli depozit bazasini oshirish;
aktivlar sifatini oshirish, qisqa muddatli kreditlar berish amaliyotini kengaytirish, muammoli kreditlarni so‘ndirish, asosiy qarz va foizlar bo‘yicha muddati o‘tgan qarzdorliklarni kelgusida bo‘lmasligini oldini olish bo‘yicha tizimli ravishda ishlarni olib borish;
filiallarning Bosh bank bilan qo‘shimcha kelishuvsiz mustaqil ravishda qarz berish to‘g‘risida qaror qabul qilish huquqini kengaytirish;
kichik biznes loyihalarini keng jalb qilish va rivojlantirish maqsadida halqaro moliya-kredit institutlari, xorijiy banklar bilan hamkorlikni kengaytirish, postmoliyalash asosida dokumentar amaliyotlar bo‘yicha ishlarni faollashtirish;
bankning daromadliligini saqlab olgan holda va bank xizmatlarining jozibadorligini oshirgan holda yangi mijozlarni jalb qilish;
«elektron navbat» tizimini joriy qilish, taqdim etilayotgan xizmatlar sifatidan qoniqish darajasini baholash uchun mijozlar o‘rtasida yozma va elektron so‘rovlar o‘tkazish;
nogironlar uchun xizmat joriy etish: innovatsion «onlayn ro‘yxatdan o‘tish» xizmati, nogironlar uchun panduslar va maxsus avtoturargohlar tashkil etish;
«HUMO» milliy to‘lov tizimiga ulanish, mazkur tizimda plastik kartalarni chiqarish va terminallarni o‘rnatish;
bank kartalari (kartalik biznes) sohasidagi tadbirkorlik faoliyatini yanada kengaytirish, turli-xil plastik kartalarni, shu jumladan overdraft, kredit, kobeydjing va virtual kartalarni chiqarish, shuningdek ular bo‘yicha to‘lovlarni amalga oshirish bilan bog‘liq zamonaviy bank xizmatlari turlarini kengaytirish;
zamonaviy kontaktsiz to‘lov usullarini (QR-kod) joriy etish, xalqaro plastik kartalar bo‘yicha (VISA, MasterCard) yangi mahsulotlar va xizmatlarni joriy qilish;
bank xatarlarini baholash va boshqarish tizimini, xalqaro standartlarga muvofiqligini, mustaqil ekspertlar tomonidan baholashni tashkil etish;
9-sonli Xalqaro moliyaviy hisobot standartiga muvofiq moliyaviy aktivlarni tasniflash va baholash uchun yangi talablarni hisobga olgan holda moliyaviy hisobotlarni tayyorlash sifatini yaxshilash;
korporativ boshqaruv tartibini xalqaro standartlar asosida, zarurat tug‘ilganda, Bankning rahbariyat tartibiga xalqaro ekspertlarni jalb qilgan holda rivojlantirish;
bankning mintaqaviy tarmog‘ini rivojlantirish;
xodimlar uchun xorijiy banklarda va tashkilotlarda iqtisodiy tadqiqotlar, treninglar, stajirovkalarni tashkil qilish;
bank xodimlari va tarkibiy bo‘linmalarining asosiy ko‘rsatkichlari samaradorligi tizimini (KPI) ishlab chiqish va joriy etish.
Dostları ilə paylaş: |
|
|