Ang Kahulugan ng Huling Ikasampung Bahagi ng Marangal na Quran

 
176 
Talaga ngang itinangi ni Allah ang tao higit sa lahat ng mga nilikha. Ibinukod Niya 
iyon  sa  pamamagitan  ng  biyaya  ng  pagsasalita at ginawa Niya  ang  kasangkapan 
nito, ang dila. Ito ay isang biyayang nagagamit sa kabutihan at kasamaan. Kaya ang 
sinumang  gumamit  ng  biyayang  ito  sa  kabutihan  ay  pararatingin  siya  nito  sa 
kaligayahan  sa  Mundo  at  sa  mga  kalagayang  napakataas  sa  Paraiso.  Ngunit  ang 
sinumang gumamit nito sa iba pa roon ay ihahatid siya nito sa mga kapahamakan sa 
Mundo at Kabilang-buhay. Ang pinakamainam na magagamit sa pakikinabang ng 
oras matapos ang pagbabasa ng Qur’an ay ang pagsambit ng dhikr
1
 kay Allah. 
Ang kainaman ng dhikr kay Allah.
 May nasaad na maraming hadíth hinggil dito. 
Ang  ilan  dito  ang  sinabi  ng  Sugo 
(SAS)
: 
Hindi  ba  ako  magbabalita  sa  inyo  ng 
tungkol sa higit na mabuti sa mga gawain ninyo, higit na dalisay sa mga ito para 
sa Hari ninyo, higit na nakaangat sa mga ito sa mga antas ninyo, higit na mabuti 
para sa inyo kaysa sa paggugol ng ginto at pilak, higit na mabuti para sa inyo 
kaysa sa makatagpo ninyo ang kaaway ninyo at saka tatagain ninyo ang mga 
leeg nila at tatagain naman nila ang mga leeg ninyo? 
Sinabi nila: Siya nga po. 
Sinabi niya: 
Ang pag-alaala kay Allah.
 
Isinalaysay ito ni Imám atTirmidhí
.  
Ang  sabi  pa  ng  Sugo 
(SAS)
:
 
Ang  paghahalintulad  sa  isang  nag-aalaala  sa 
Panginoon  niya  at  sa  isang  hindi  nag-aalaala  sa  Panginoon  niya ay  tulad  ng 
buhay at patay. Muttafaq ‘Alayhi. 
 
Nagsabi si Allah sa Hadíth Qudsí:
 
Ako ay ayon sa palagay ng lingkod Ko 
sa  Akin  at  Ako  ay  kasama  niya  kapag  binanggit  niya  Ako.  Kaya  kung 
binanggit niya Ako sa sarili Niya ay binanggit Ko rin siya sa sarili Ko. Kung 
binanggit niya Ako sa isang madla ay binanggit Ko rin siya sa isang madla na 
mainam kaysa sa kanila. Kung nagpakalapit siya sa Akin ng isang dangkal ay 
nagpakalapit naman Ako sa kanya ng isang bisig.  
Ang sabi pa ng Sugo 
(SAS)
:
 
“
Nauna ang mga mufarrid.
” Nagsabi sila: “At ano 
po ang mufarrid, o Sugo ni Allah?” Nagsabi siya: 
“
Ang mga lalaking nag-aalaala 
kay Allah nang madalas at ang mga babaing nag-aalaala.
” 
Isinalaysay ito ni Imám 
Muslim
. 
Ang sabi pa ng Sugo 
(SAS)
 habang nagtatagubilin sa isa sa mga Kasamahan niya: 
Hindi  titigil  ang  dila  mo  sa  pagiging  basa  dahil  sa  pag-alaala  kay  Allah. 
Isinalaysay ito ni Imám atTirmidhí
. May iba pang mga hadíth. 
Ang  Pag-iibayo  ng  mga  gantimpala.
  Nag-iibayo  ang  mga  gantimpala  sa  mga 
matuwid  na  gawain  gaya  ng  pag-iibayo  ng  gantimpala  sa  pagbabasa  ng  Qur’an. 
Iyon  ay  dahil  sa  dalawang  bagay: 
1.
  alinsunod  sa  nilalaman  ng  puso  na 
pananampalataya,  katapatan,  pag-ibig  kay  Allah,  at  ang  mga  kaalinsabay  nito;       
2.
  alinsunod  sa  pagmumuni-muni  at  pagpapakaabala  ng  puso  sa  dhikr  sapagkat 
hindi nararapat na ito ay sa dila niya lamang. Kaya kung nalubos iyon, pagtatakpan 
ni  Allah  nang  lubos  ang  mga  masagwang  gawa  niya  at  bibigyan  siya  ng  buong 
kabayaran niya. Ang kakulangan ay umaalinsunod din doon. 
                             
 
1
 Ang dhikr ay ang pag-alaala o ang pagsambit. Sa Islam, ito ay ang anumang pananalita o pangungusap 
na sinasambit sa pag-alaala kay Allah bilang papuri, pagluluwalhati, at panalangin sa Kanya. 

---

177 
Ang mga pakinabang ng dhikr.
 Nagsabi si Shaykh al’Islám: Ang dhikr para sa 
puso ay gaya ng tubig para sa isda. Kaya papaano na ang kalagayan ng isda kapag 
nahiwalay ito sa tubig? 
  Nagsasanhi  ito  ng  pag-ibig  kay  Allah,  pagkalapit  sa  Kanya,  kasiyahan  Niya, 
pagkatakot  sa  Kanya,  pangingilabot  sa  Kanya,  pagbabalik-loob  sa  Kanya, 
pagbabalik sa Kanya, nakatutulong sa pagtalima sa Kanya. 
 Nag-aalis ito ng ligalig at lumbay sa puso, naghahatak ng galak, at nagdudulot sa 
puso ng buhay, lakas, at kadalisayan. 
 Sa puso ay may pangangailangan at kakulangan na walang makatutugon kundi 
ang  pagsambit  ng  dhikr  kay  Allah,  at  katigasang  walang  makatutunaw  at 
makapagpapalambot kundi ang pagsambit ng dhikr kay Allah. 
 Ang lunas ng puso, ang gamot nito, ang lakas nito, at ang sarap nito na walang 
makatutumbas sa sarap; ang pagkalingat ang sakit nito. 
  Ang  kakauntian  nito  ay  patunay  ng  pagkukunwari  sa  pananampalataya,  ang 
dami nito ay patunay sa lakas ng pananampalataya at katapatan ng pag-ibig kay 
Allah dahil ang sinumang umibig sa isa ay dinadalasan niya ang pag-aalaala roon. 
 Ang tao kapag nakakilala kay Allah sa pamamagitan ng pagsambit ng dhikr sa 
Kanya sa panahon ng kaginhawahan ay kikilalanin siya [ni Allah] sa panahon ng 
kagipitan, lalo na sa sandali ng kamatayan at paghihingalo niya. 
 Isang dahilan sa kaligtasan mula sa parusa ni Allah at sa pagpapababa [ni Allah] 
ng katiwasayan, paglulukob ng awa, at paghingi ng tawad ng mga anghel. 
 Magpapakaabala rito ang dila sa halip na sa kabalbalan, panlilibak, paninirang-
puri, pagsisinungaling, at iba pang mga kinasusuklaman at mga ipinagbabawal. 
  Ang  pinakamadali  sa  mga  pagsamba,  at  kabilang  sa  pinakakapita-pitagan  at 
pinakamainam sa mga ito. Ito ay pananim sa Paraiso. 
  Dinadamitan  ang  nag-aalaala  ng  dignidad,  karikitan,  kaaliwalasan  ng  mukha. 
Ang dhikr ay liwanag sa Mundo, sa puntod, at sa Kabilang-buhay. 
  Nagiging  dahilan  ng  basbas  ni  Allah  at  pagdalangin  ng  mga  anhel  ng basbas 
para sa sumasambit ng dhikr. Ipagkakapuri ni Allah ang mga sumasambit ng dhikr 
sa mga anghel Niya. 
  Ang  pinakamainam  sa  mga  taong  may  mga  gawang  pagsamba  ay  ang 
pinakamarami  sa  kanila  sa  pagsambit  ng  dhikr  kay  Allah,  kaya  naman  ang 
pinakamainam sa mga nag-aayuno ay ang pinakamarami sa kanila sa pagsambit 
ng dhikr kay Allah sa sandali ng pag-aayuno niya. 
 Pinadadali nito ang mahirap, pinagiginhawa nito ang di-maginhawa, pinagagaan 
nito ang mabigat, hinahatak nito ang panustos, at pinalalakas nito ang katawan. 
 Itinataboy nito ang demonyo, sinsupil iyon, hinihiya iyon, at hinahamak iyon. 

---