Aniq fanlar

Kurs ishlarining maqsadi:

Talabalarning algebra va sonlar nazariyasi fanidan chuqur tahlil qilish qobiliyatini oshirish, tafakkurini chuqurlashtirish va kengaytirish

fannnig zamonaviy yutuqlari, muammolari, tadqiqot metodlaridan xabardor qilish

fan boʼyicha nazariy va amaliy bilimlarni mustahkamlash va kengaytirish, olingan bilimlarni muayyan ilmiy, texnikaviy, ishlab chiqarish, iqtisodiy, ijtimoiy, madaniy vazifalarni hal etishda qoʼllash;

- jodiy ishlash, ishlab chiqilayotgan masalaning (muammoning) qoʼyilish jaryonidan boshlab, uni toʼla nihoyasiga yetkazish boʼyicha qaror qabul qilishda boʼlgan masʼuliyatni his qilishga oʼrgatish;
- yangi axborot texnologiyalarini egallash, pedagogik dasturiy vositalarni chuqur oʼrganish, jamiyatni, shuningdek, taʼlimni axborotlashtirilayotgan sharoitda ishlash uslublarini egallash.
2. Kurs ishi mavzusini tanlash va unga rahbarlik.
Kurs ishlari mavzusi mutaxassis chiqaruvchi kafedra tomonidan belgilanadi va fakulьtet ilmiy kengashida tasdiqlanadi Kurs ishi mavzulari tanlangan fan boʼyicha birinchi darsda eьlon qilinadi.Talabalarga mavzuni tanlash imkoniyati берилади.
Kurs ishi rahbari etib kafedra professor oʼqituvchilari tayinlanadi.
Kurs ish rahbari:
-topshiriq beradi;
-asosiy adabiyotlar, maʼlumot va arxiv materiallarini hamda mavzu boʼyicha boshqa manbalarni tavsiya etadi;
-talabalar bilan muntazam ravishda konsulьtatsiyalar oʼtkazadi;
-kurs ishning bajarilish jarayonini nazorat etadi;
-talaba bajargan kurs ishning sifati va muallifligiga javob beradi, mavzularning qaytarilishiga yoki koʼchirilishiga yoʼl qoʼymaydi.
Belgilangan tartibda rasmiylashtiriladigan kurs ishi talaba tomonidan rahbarga taqdim etiladi. Rahbar, kurs ish talab darajasida bajarilganligiga ishonch bildirgandan soʼng, ishni oʼz taqrizi bilan birga kafedra mudiriga taqdim etadi. Taqrizda talabaning faolligi, qabul qilingan qarorlardagi yangiliklar va kurs ishning boshqa ijobiy tomonlari tavsiflanadi soʼngra ishning kamchiliklari koʼrsatilib, kamchilikni bartaraf etish taklifi beriladi.
Talaba kurs ishi mavzusini tanlaganda quyidagi maqsadlarni oʼz oldiga qoʼyishi kerak. Tahlil qilinayotgan mavzusini katta qiziqish bilan oʼrganishi, oʼzining bilim darajasini kengaytirishi va uni kelajakda amaliyotga tadbiq qila olish imkoniga ega boʼlishi muhim hisoblanadi. Аyniqsa, talaba mavzusini oʼz mutaxassisiligi yoʼnalishiga qarab tanlasa, bu ishning muvaffaqiyatli bajarilishi va ijobiy baholanishida alohida ahamiyatga ega boʼladi.
Kurs ishi rejasini(1-ilova) oʼqituvchidan maslahat olib tuzish maqsadga muvofiq.