Keywords:
Khorezm, Seljuks, Rashididdin, Hovizi Abru, Sultan Sanjar,
Qutbiddin Muhammad, Muhammad Arslankhan, Alovuddin Atsiz, Alovuddin
Takash, Alovuddin Muhammad, Karahitays, Jaloliddin Manguberdi, Genghis Khan,
Kurds, Mayafarqina.
Qadim zamonlardan buyon Xorazm taqdiri jahon tarixchi olimlarining diqqat-
e’tiborini tortib keladi.Xorazm Amudaryoning quyi oqimi havzasida joylashgan
bo’lib, arxeolog qadimshunoslar buyerlarda eng qadimiy dehqonchilik madaniyati
o’choqlarini topganlar. Miloddan avvalgi ming yillik o’rtalaridayoq bu yerlarda
yuksak taraqqiy etgan sug’orish tarmoqlari suv inshootlari barpo etilgan. Miloddan
avvalgi I ming yillik o’rtalarida esa Xorazm markaziy Osiyo va Eron olamida ham
eng muhim iqtisodiy madaniy markazlardan biri edi. XII asr oxiri va XIII asr
boshlaridan musulmon sharqining eng yirikva eng qudratli davlati Xorazm saltanati
edi.Tadqiqotchilar bu davlat tarixiga kata qiziqish bilan qarashlarning yana bir sababi
-xorazm butun musulmon sharqida mug’ul istilochilari hujumining zarbalarini
birinchi bo’lib qaytarishga uringan, qo’shinlari son jihatdan mug’ullarnikidan ustun
bo’lsa ham (sulton Alouddin Muhammadning noto’g’ri siyosati tufayli)
mag’lubiyatga uchragan ammo mug’ul bosqinchilarining eng ko’p dodini bergan
davlat edi.Markaziy osiyo shaharlari ichida xorazmning bir qancha shaharlari (O’tror,
Xo’jand, Marv Urganch, Xiva Buxoro Samarqand va b.) aholisi mug’ul istilochilariga
qarshi juda qattiq qarshilik ko’rsatdilar. So’nggi xorazmshoh sulon Jaloliddin
Manguberdi mug’ul bosqinchilariga eng uzoq va mardonavar qarshilik ko’rsatganligi
dovyuraklik, mardlik kabi shaxsiy fazilati bilan butun musulmon olamida shon
shuhrat qozongan edi.
Xorazmshoh - Anushteginiylar sulolasining asoschisi Anushtagin yoshligida
(tarixiy manbalarga ko’ra) Garjistonda yashagan turk quli edi (manbalarda uni
mamluk deyilgan, mamluklar qul yoki yollanma jangchi bo’lishi ham mumkin).
Tarixchilar Rashididdin va Hovizi Abru uning o’g’uz turklarining “bek dili”
urug’idan deb yozishadi. Anushtaginning yoshligida isfaxsolor Izziddin onar (unar)
Bilgitagin (vafot etgan 1098) sotib olgan va u saljuq sultoni Malikshoh I (1072-1092)
ning saroy a’yonlardan biri, sulton hovuzlari va hammomlari ashyolarining
xazinachisi - tashtdorlik mansabida edi [1, 9-12 b]. Tashtdorlik mansabiga sulton juda
ishonchli odamlarini tayinlar edi va ko’p o’tmay Anush-tagin sultonning yaqinlaridan
biri bo’lib qoldi. Tashtdorlik uchun zaruz xarajatlar u zamonda Xorazm viloyatidan
"Science and Education" Scientific Journal / ISSN 2181-0842
April 2022 / Volume 3 Issue 4
www.openscience.uz
432
kelib turgani uchun sulton Malikshoh xos yaqin odami Anush-taginni xorazm
mutasarifi (sarflovchisi) mansabiga tayinlab unga Xorazm shixnasi (raisi,qal’a
boshlig’i) unvonini bergan edi. Bu vaqtda Xorazm hokimi sulton Malikshoh I ya’ni
bo’lg’usi ulug’ sulton Sanjarning o’g’liga tobe mamluk Ekinchi Ibn Qo’chqor bo’lib
u bir necha yillar davomida Markaziy Osiyoda yuz bergan siyosiy voqealarning faol
ishtirokchisi edi. Shuning uchun ham Xorazm shixnasi Anush-tagin u vaqtda
Xorazmda hokimiyat ishlariga aralasha olmas edi.
Qutbiddin Muhammad Xorazmda o’z mavqeini mustahkamlash uchun kuch
g’ayrat sarfladi. U sulton Sanjarga ixlos va sadoqat bilan xizmat qildi. Sulton ham uni
yaqin ko’rib saroy a’yonlarining turli hujum va ig’volaridan himoya qildi. Bir kuni
Qutbiddin Muhammad boshqa yerga ketganida (saljuqiylar dushmani) marhum
Ekinchi ibn Qo’chqor o’g’li Muhammad ibn Ekinchi - Turg’ul - tagin ko’chmanchi
turkiy qabilalardan iborat lashkaridan Xorazmga hujum qildi. [1, 8 b.] Bundan xabar
topgan Qutbiddin Muhammad sulton Sanjar huzuriga chopar yuborib yordam so’radi.
Ammo sultonning madad kuchlari yetib kelguncha Qutbiddin o’z kuchlari bilan yov
lashkarini Xorazmdan quvib chiqardi. Bu voqea ham xorazmshoh Qutbiddin
obro’sini sulton Sanjar nazarida yanada ziyoda qildi. Xorazmshoh Qutbiddin
Muhammad saljuqiylarning oliy hokimiyat uchun kurashida ham faol qatnashdi.
Hijriy 513 yil - jumodul avval oyining ikkinchi kuni milodiy 1119-yil 11-
avgustda Sova shahrida sulton Sanjar qo’shinlari qo’shinlari sultonning taxtga
da’vogar jiyani sulton Muhammad ibn Mahmud (bu sulton Barqyorug’ning o’g’li
bo’lsa kerak) qo’shinlari o’rtasida qattiq jang bo’ldi. [1, 9 b.]Bu jangda sulton Sanjar
g’alaba qozondi. Xorazmshoh Qutbiddin Muhammad sulton Sanjar tarafida jang qilib
g’alabaga munosib hissa qo’shgan edi. Sulton Sanjar (u 1118 yildan boshlab
xalifalikdan buyuk sulton unvonini olgan edi). Bir yili Samarqand hokimi
qoraxoniylar sultoni Muhammad Arslonxon (1102-1130) ga qarshi urush
boshlamoqchi bo’laganida Movarounnahr aholisi (ulamo va din arboblari)
xorazmshoh Qutbiddinga maktub yozib bu nizoni bartaraf etishda yordam so’radilar.
[1, 9 b.] Anashu vaqtda xorazmshoh Muhammad Arslonxon iltimosini inobatga olib
sulton Sanjar bilan xon o’rtasidagi nizoni tinch yo’l bilan hal etishga erishdi. Bu
vositachilik muvaffaqiyati ham xorazmshohning obro’yi va kuch-qudrati naqadar
ortganini dalolat beradi. Tarixiy yodgorliklarda xorazmshohning unvoni “
podshoh,qutbid-dunyo vad-din abul-fath muin amiral- muminin”(“dunyo va din qutbi
g’alabalar otasi mo’minlar amiri-xalifaning yordamchisi”) so’zlari ham
xorazmshohning obro’yi baland ekanligidan shohidlik beradi.so’nggi laqab
(mo’minlar amirining yordamchisi (bag’dod xalifasdi tomonidan sulton sanjar
ruxsatisiz berilgan bo’lsa kerak).
Xorazmshoh Qutbiddin Muhammad 30 yil davomida Xorazmda hukmronlik
qildi. U vafotigacha(1127) sulton Sanjarga sodiq fuqoroligini ishor qilib sulton
"Science and Education" Scientific Journal / ISSN 2181-0842
April 2022 / Volume 3 Issue 4
www.openscience.uz
433
xazinasiga xiroj o’lponlarini o’z vaqtida to’lab turdi (bu xirojlarni Qutbiddin
Muhammad o’zi yoki o’g’li Alovuddin Muhammad Otsiz yetkazib berar edi.) bu
bilan xorazmshoh sulton Sanjarning oliy hukmdorligini e’tirof qilardi. Shu sadoqati
uchun ham sulton Sanjar xorazmshoh Qutbiddin Muhammadning vafotidan so’ng
xorazmshohlar toju-taxtini uning o’g’li Al-Malik abu Muzaffar Alovuddin Jaloliddin
Otsizga topshirdi. Alovuddin Otsiz otasining taxtiga o’tirganida 29 yoshda edi. U
ham otasiga o’xshab sulton Sanjarning poytaxti Marvda yaxshi ta’lim olgan edi.
Otsiz musulmonlar podshohiga xos islom diniga va ilohiyot olimlariga homiylik
qilishdan tashqari turli fanlar va san’at ahlini qadrlar o’zi ham forscha qasida va
ruboiylar yozar juda ko’p shoirlarning baytlarini yoddan bilar edi. U Xorazm
aholisiga g’amxo’r adolatli podshohlik qildi. Bir manba’da aytilishicha fuqorolar
xorazmshoh Otsizni yaxshi ko’rar uning zamonida fuqorolar xavf-xatardan tinchlik
va osoyishtalikda adolatda yashadi. Alovuddin Otsiz jasur sarkarda edi, janglarda
tolei kulib boqar, sulton Sanjar xizmatida juda ko’p g’alabalarga erishgan edi. Bu
bilan o’z homiysi (syuzerini) dargohida yuksak izzat hurmat qozongan edi. Bir marta
u buyuk sulton Sanjarni o’limdan qutqarib qoldi va bu bilan yanada obro’yi ziyoda
bo’ldi.bu voqea 1130 yilda yuz bergan edi(524). [1, 11 b.] Shu yili sulton Sanjar
o’ziga qarshi isyon ko’targan Samarqand xoni Arslonxon Muhammad ibn
Sulaymonga qarshi yurish qildi. Sulton Sanjar Buxoroga yaqinlashganida vazirlari
fitna chiqarib uni shikor (ov) paytida o’ldirishga qasd qildilar. Sulton ovga bormagan
edi.
Sulton Sanjarning barcha harbiy yurishlarida Otsiz uning yonida bo’lgan. Sulton
boshqa bir jiyani - Ma’sud ibn Muhammad Topar (1133-1152) bilan jang qilganda
Otsiz qo’shinining Javong’ori chap qanotiga qo’mondonlik qilgan edi. Sulton Sanjar
va Ma’sud o’rtasidagi bu jang hijriy 526 yilning sakkizinchi rajabida (1132 yil 26-
mayda) Hamadon yaqinidagi Doy-Marg degan mavzeda yuz bergan va sulton Sanjar
g’alabasi bilan tugallangan edi. [1, 11-12 b.] Xorazmshoh Otsiz sulton Sanjar farmoni
bilan Balx qal’asining qutvoli ( komendanti) bo’lib turgan edi. Sulton qo’shini bilan
Balxga yetib kelganida u lashkarni oziq ovqat bilan otlarini yem- xashak bilan
ta’minlar edi. Sulton Sanjarning bu kelishida xorazmshoh o’z yurtiga (Xorazmga)
ketishga ruxsat so’radi. Sulton uning tilagini inobatga oldi. Xorazmshoh Otsiz Balx
qal’asidan chiqib ketishi bilan sulton Sanjar vaziru vuzarolariga qarab “ bu odamni
boshqa ko’rmayman” dedi. Shunda a’yonlari sultondan “unday bo’lsa ne uchun uning
xorazmga qaytishiga ruxsat etdingiz?” deb so’radilar. Sulton sanjar aytdi: bu
odamning bizga qilgan xizmatlari borki biz uning oldida ancha muncha burchlimiz
unga ziyon zahmat yetkazish bizning xizmatli va muruvatli bo’lish istagizmizga
to’g’ri kelmaydi.
Xorazmshoh Otsiz saljuq sultoni Sanjarga o’n yil mobaynida (1128-1138) ixlos
va sadoqat bilan xizmat qildi,u bilan urush qilishni yo farmonga qarshi chiqishni
"Science and Education" Scientific Journal / ISSN 2181-0842
April 2022 / Volume 3 Issue 4
www.openscience.uz
434
xayoliga ham keltirmagan edi. [1, 11-12 b.] Xorazmshoh o’z mamlakati ichkarisini
va chegaralarini mustahkamlab, kuch to’plashga kirishdi.Sulton Sanjarning barcha
vassallari kabi, xorazmshoh Otsiz ham Xorazm hokimi bo’la turib, o’z chegarasi
tashqarisidagi “ kofir” ko’chmanchilarga qarshi umumiy hujumlar uyushtirib, ularni
bo’ysundirishi kerak edi. Sulton Sanjar xorazmshoh Otsizning bu o’zboshimchaligi
(isyoni) dan xabar topgach, uning ta’zirini berib qo’yishga qaror qildi. Hijriy 533-
yilning muxarram oyida (mil.1138 - yilda oktyabr oyida) sulton Sanjar Xorazm
tomon qo’shin tortib keldi. Katta qo’shin bilan Hazorasp qal’asini qamal qildi. Bu
jangda xorazmshoh Otsiz yengildi. Mana shu jangda xorazmshoh lashkaridan
o’lganlar 10 mingga yetdi. O’lganlar orasida xorazmshohning o’g’li Otliq ham bor
edi. Xorazmshoh o’g’lining o’limiga qattiq qayg’urdi va iztirob chekdi.
Sulton Sanjar Xorazmni egallagach, jiyani Sulaymonshohga iqto ( sovg’a, mulk)
qilib berdi, unga vazir, otabek va hojib tayinladi. Xorazmni qanday boshqarish
usullarini usullarini aniqlab berdi. Sulton Sanjar 1139-yilning fevralida Marvga
qaytib ketishi bilan xorazmshoh Otsiz qo’shinlari bilan kelib, Xorazm aholisi istagi
va ko’magi bilan Sulaymon - Shohni quvib chiqardi va yana o’z hokimiyatini
o’rnatdi. [1, 13-14 b. ] Lekin Otsiz bu xabarni eshitsa, sulton Sanjar g’azablanib, yana
qo’shin tortib kelishidan qo’rqdi va tez fursatda sultonga maktub va elchilar yuborib
tobelik izhor etdi. Bu voqea xorazmshoh Otsizning uzoqni ko’zlab ish tutishini
ko’rsatdi. U, kelgusidagi janglarga tayyorlanish uchun, nafas rostlab olishni o’ylab,
tobelik izhor etgan edi. 1139 yilning o’zida xorazmshoh qo’shni mamlakatlarga
hujum boshladi. U dastavval Jurjon tomonga qo’shin tortdi, shu yili Kabul-Jomani
bosib oldi, uning Ispahbadi Alouddavla Ali ibn Shahriyorni asir oldi. Ispohbadning
o’g’li Shoh-G’ozi Rustam shaxsan o’zi xorazmshoh huzuriga kelib, otasining
gunohidan o’tishini so’ragach,Ispohbad ozod qilindi. [1, 14 b.] Xorazmshohir necha
oydan so’ng yana sulton Sanjarga qarashli viloyatlarga bostirib kira boshladi. U hijriy
534 (1139) yilda Buxoroga hujum qildi, shaharni egallab, sulton Sanjarning voliysi
amir Zangi ibn Alini qatl qilib, qal’ani va shahar devorlarini yiqitdi. Ikki yil
davomida Buxoro qal’asi vayron bo’lib yotdi. Bir necha vaqtdan so’ng Bag’doddan
xorazmshoh Otsiz nomiga faxriy liboslar, sovg’a-salomlar va uning so’ragan yerlarda
to’lahuquqli hukmdorligini e’tirof etib, sulton oliy martabasi berilgani haqida farmon
yetib keldi. Shu vaqtddan boshlab (1141), otsiz o’z nomidan tilla tangalar zarb ettira
boshlaydi.
Aloviddin Otsiz Xorazmni mustaqil boshqarish maqsadida bir necha marta
Sulton Sanjarga qarshi (1138, 1141-1142, 1147-1148 yy) isyonlar qilgan bo’lsa-da,
butunlay mustaqil bo’lish unga nasib etmadi. Otsizning asosiy maqsadi va
siyosatining asosi Xorazmda o’z hokimiyatini mustahkamlash edi. O’zining uzoq
yillik humronligi davrida (u 29 yil davlatni boshqargan) Otsiz Bag’dod xalifalari
bilan aloqalarini mustahkamlashga intilib, Sulton Sanjarga qarshi kurashda Bag’dod
"Science and Education" Scientific Journal / ISSN 2181-0842
April 2022 / Volume 3 Issue 4
www.openscience.uz
435
xalifasini ittifoqchi qilishga ham harakat qilib ko’rdi. 1156 yilda Otsiz qoqshol
kasaliga uchrab vafot etadi va taxtga uning o’g’li Elarslon (1156-1172 yy) taxtga
o’tiradi. [2, 317 b.] Elarslon otasiga qaraganda ancha qo’lay vaziyatda taxtni
boshqardi. Chunki 1157 yilda Sulton Sanjar vafot etganidan so’ng Saljuqiylar davlati
mayda viloyatlarga bo’linib ketdi va Xorazmni mustaqil siyosat olib borishi chun
keng yo’l ochildi. Elarslon Xurosondagi Saljuqiylarning o’zaro kurashlaridan
foydalanib Kaspiy bo’ylaridagi Dehistonni bosib oldi. Shuningdek u, otasi davrida
Xorazmga bo’ysundirilgan ko’chmanchi turkman va qipchoq qabilalari yordamida
Movarounnahrning ichki ishlariga ham tez-tez aralasha boshlaydi. 1158-yilda u katta
qo’shin bilan Movarounnahrga bostirib keldi. Bu vaqtda qoraxitoylarga vassal
bo’lgan qoraxoniylar ko’chmanchi qarluq qabilalari bilan jang olib borayotgan edi.
Elarslon qarluqlarga Buxoro va Samarqand uchun olib borilgan janglarida yordan
beradi. Lekin qoraxitoylar qo’shinlari yordamga yetib kelishi bilan Elarslon
Xorazmga qaytishga majbur bo’ldi. U bir necha marotaba Xorazmga yurish qilgan
bo’lsa-da, muvaffaqiyatga erisha olmadi.
1171-1172 yillarda qoraxitoylarning katta qo’shini Xorazmshohning o’lponni
o’z vaqtida to’lamayotganligini bahona qilib Xorazm ustiga yurish qiladi.
Elarslonning buyrug’i bilan Sirdaryodagi katta to’g’onlar ochtirilib, Xorazm poytaxti
yaqinidagi yo’llar suvga bostirildi. Bu qoraxoniylar qo’shini yurishini qiyinlashtirdi
va Xorazmning poytaxti Gurganj (Urganch) talon-taroj qilishdan saqlab qolindi.
Ammo, qoraxitoylarning bu yurishi davrida Elarslon kasallikdan vafot etdi (1172-y).
Shundan so’ng uning o’g’illari Aloviddin Takash va Sultonshoh Mahmud o’rtasida
uzoq yillar toj-taxt uchun kurash bordir. Aloviddin Takash 1172-yilning dekabrida
qoraxitoylar malikasi Chen Tiyon yordamida rasman taxtga o’tirgan bo’lsa-da, aka-
ukalar o’rtasida kurash davom etdi. Chunonchi, 1174-yilda Sultonshoh Mahmudning
onasi Turkon xotun Nishopur hukmdori Oy-Aboga qimmatli sovg’alar yuborib,
Takashga qarshi ittifoq taklif qildi. O’sha yili Gurganjdan 20 farsah uzoqlikdagi
Subvurni shahri ostonasida Oy- Abo qo’shinlari Alovuddin Takash qo’shinlari bilan
to’qnashdi. Bu jangda Takashning qo’li baland kelib, Oy-Abo asir olindi va qatl
etildi. Turkon xotun va Sultonshoh Kaspiy dengizining sharqiy sohilidagi Dehistonga
qochdilar. Shundan so’ng Aloviddin Takash Xorazmda mustahkam o’rnashib,
qoraxitoylarga va’da bergan o’lponni to’lashdan bosh tortadi. Bunga javoban
qoraxitoylar yana Xorazmga yurish qildilar, lekin muvaffaqiyatsizlikka uchrab,
Sultonshoh ixtiyoriga kichik bir qo’shin qoldirib o’zlari orqaga qaytadilar. Bu davrga
kelib Xurosonning anchagina qismi Xorazm davlatiga qo’shilgan bo’lsa-da, Marv va
uning atroflarda, Sabzavorda Sultonshoh Mahmud hukmronlik qilardi. 1187 yilda
aka-ukalar o’rtasida Nishopur ostonasida yana to’qnashuv bo’lib, Takash g’olib
bo’ldi. Sultonshoh Marvga chekinishga majbur bo’ldi.
"Science and Education" Scientific Journal / ISSN 2181-0842
April 2022 / Volume 3 Issue 4
www.openscience.uz
436
1188 yilda Xurosonning ulamolari va taniqli amirlari vositachiligida Sultonshoh
bilan Takash o’rtasida sulh bitimi tuzildi. Bu paytga kelib Takashning harbiy qudrati
va obro’si oshib ketgan bo’lib, Sultonshoh uning barcha shartlarini qabul qilishga
majbur edi. Ammo, bu uzoqqa cho’zilmay Sultonshoh G’o’r viloyati hukmdorlarini
akasiga qarshi kurashda o’ziga ittifoqchi qilib oldi. 1193 yilning bahorida Takash
yana Sultonshohga qarshi yurish boshladi. Xorazmshoh qo’shinlari Obivardga
yetganida har ikala tomonning vakillari bo’lgan ulamo va din arboblari aka-ukalarni
yana yarashtirib qo’yish uchun mo’zokaralar boshladilar. [1, 14 -16 b.] Bu orada
Saraxs qal’asining boshlig’i Badriddin Chaqir xorazmshoh Takash tomonga o’tib
ketib, qal’a kaliti va Sultonshohning barcha xazinalarini unga topshirdi. Bu
voqealarni ko’tara olmagan Sultonshoh 1193 yilning ko’zida vafot etdi. Shu tariqa
xorazmshoh Elarslonning ikki o’g’li o’rtasida 20 yildan ziyodroq davom etgan
kurashga yakun yasaldi. Xorazmshoh Takash 1193 yilning dekabrida Marv shahrini
fath etib, shahar va uning atroflariga katta o’g’li Nosiriddin Malikshohni voliy etib
tayinladi.
Bag’dod xalifasi Nasr (1180-1225 yy) va G’arbiy Saljuqiylar sultoni Tog’rul II
o’rtasidagi nizolardan foydalanib, Takash qo’shinlari 1194 yilning mart oyida
Tog’rul II ga qarshi urush ochdi va uni mag’lub etib Hamadon shahrini egalladi.
Xorazmshohning tobora kuchayib borayotganligidan xavfsiragan xalifa Nasr
qo’shinlari Takashga qarshi chiqdilar. 1196 yilning iyun oyida Takash qo’shinlari
xalifa qo’shinlarini yengdi. Shu tariqa Afg’oniston va Eronning katta qismi
Xorazmshohlar qo’liga o’tdi va Xorazm davlati hududlari birdaniga ikki baravar
kengaydi. [1.17-19 b.] Xorazm davlati endi Bag’dod xalifasiga tegishli joylar va
G’uriylar bilan chegaradosh bo’lib qoldi. Ammo, ko’p o’tmasdan xalifa Nasr bilan
Takash munosabatlari yana yomonlashganligi tufayli Xorazmshoh Iroqi Arab va
xalifalik poytaxti Bag’dodni bosib olishga qaror qildi. Lekin bu yurish paytida
Takash kasallanib, 1200 yil iyul oyida Xorazm bilan Nishopur orasidagi Shahriston
shahrida vafot etdi. SHu bois bo’lsa kerakki, Xorazmshoh - Anushteginlar
davlatining nisbatan kuchayishi, Aloviddin Takash faoliyatining ma’muriy idora
boshqaruvi o’zining qat’iyatligi va tartib intizomi bilan ajralib turadi. Lekin
Takashning katta xatosi shunda ediki, u o’zining xotini Turkon xotun mansub bo’lgan
qipchoqlar qabilasiga katta erkinliklar berdi, ularni doimo qo’llab-quvvatladi. Turkon
xotun (Uning shaxsiy muhrida «Ismat ud-Dunyo vad-Din Ulug’ Turkon malika niso
al-olamiyn», «Dunyo va uning pokdomoni, Ulug’ Turkon, olam ayollarining
malikasi» degan yozuv bitilgan edi) ularga tayanib katta hokimiyatga ega bo’ldi, o’z
homiyligidagi odamlarning yuqori lavozimlarni egallashini ta’minladi. Natijada bu
alohida turk harbiy-feodal tabaqasi paydo bo’lishiga olib keldi va amalda
xorazmshohlar davlatining inqiroziga sabab bo’ldi.
"Science and Education" Scientific Journal / ISSN 2181-0842
April 2022 / Volume 3 Issue 4
www.openscience.uz
437
Hijriy 596 yil 20 shavvol (1200 yil 3-avgust) da gurganch aholisi, davlat
a’yonlari va amirlari ishtirokida xorazmshohlar davlati taxtiga takish va turkon xotun
o’g’li qutbiddin Muhammad o’tirdi. Otasining aloiddin laqabini qabul qildi. Keyinroq
sanjar ikkinchi nomini oldi. Xorazmshoh aloiddin Muhammad hukmronligi
boshlanishida jiddiy mushkulliklarga duch keldi. Bular - sulola vorislarining toju taxt
uchun kurashlari va g’uriylar xorazmga qarashli yerlarga hujum qilib turishlari bilan
bog’liq chigalliklar edi. 1203 yilda qoraxitoylarning yordami bilan Xurosonni bosib
oldi. Undan keyin esa Hirot va uning atroflarini egalladi. Aloviddin Muhammad 1207
yilda Movarounnahrga yurish qilib, Buxorodagi Sanjar qo’zg’olonini bostirdi va
Buxoroni egalladi. [2, 326 b.] Xorazmshoh 1210 yilda qarluqlar bilan ittifoq to’zib
qoraxitoylar ustiga yurish qildi. Bu yurish Xorazmshohning g’alabasi bilan tugadi va
u qoraxitoylarning O’zganddagi boy xazinasini qo’lga kiritdi. Umuman, Aloviddin
Muhammad 1210 va 1212 yillarda qoraxitoylarga ikki marta qaqshatqich zarba berib
ularni butunlar tor-mor etdi. Buning natijasida uning obro’yi oshib ketib ikkinchi
Iskandar, ikkinchi Sulton Sanjar laqablarini olishga mo’sharraf bo’ldi. Aloviddin
Muhammadning say’i-harakatlari tufayli 1217 yilga kelib butun Movarounnahr,
Ozarbayjon, Eron, Xurosondan Hindistongacha bo’lgan yerlarda Xorazmshohlar
hukmronligi o’rnatildi. Ammo, mamlakatning ichki siyosiy holati mustahkam emas
edi. Bu holat mug’ul bosqini paytida yaqqol nomoyon bo’ldi.
1215-1218 yillar oralig’ida Xorazmshoh va Chingizxon o’rtasida bir necha
marta elchilar almashinadi. Rashiddin ma’lumotlariga ko’ra, Chingizxon 1218 yil
Horazmshohga yuborgan nomasida uni “o’z o’g’illari qatorida ko’rishini” ma’lum
qiladi. Sharq diplomatiyasiyada bu qaramlikni bildirishini Sulton Muhammad yaxshi
anglagan edi. Undan tashqari 1218 yilgi Chingizxon tomonidan Xorazmga
yuborilgan 450 kishilik elchilar guruhidagi 100ga yaqin savdogarlarga josuslik
vazifasi ham topshirilgan edi. [1, 16 b.] Shu bois bu karvon O’tror shahrida talon-
taroj qilinib, elchilar o’ldiradi.Bu voqeadan so’ng har ikkala tomon ham urushga
tayyorgarlik ko’ra boshlaydi, An-Nasaviy ma’lumotlariga ko’ra,Chingizxon bilan
bo’ladigan jang munosabati bilan Urganchda chaqirilgan mashvaratda Sulton
Muhammad o’rtaga tashlagan qator takliflarni inobatga olmadi. Chunonchi, to’ng’ich
o’g’li Jaloliddinning,Xo’jand hokimi Temur Malik singari sarkardalarning barcha
harbiy qismlarni asosiy nuqtalarga yoki bir yerga to’plab, dushmanga zarba berish
haqidagi maslahatlarga amal qilmadi va qo’shinlarni yirik shaharlarga bo’lib tashladi.
Chingizxon 1219 yilda o’z o’g’illari boshliq 200 mingga yaqin asosiy harbiy kuchlari
bilan Xorazmshohlar davlati ustiga yurish boshladi. Bu kuchlar o’sha yili yozni Irtish
daryosi bo’yiga o’tkazib, sentyabr oyida chegaradan o’tadi. Chegaradan o’tgan
Chingizxon o’z qo’shini bilan janubiy qozoq cho’llarining Sirdaryoga tutashgan
joyidagi O’tror shahri yaqiniga to’plab uni to’rt qismga bo’ladi. Chig’atoy bilan
O’qtoy qo’shinning bir qismi bilan O’trorni qamal qilib egallash uchun qoldiradi.
"Science and Education" Scientific Journal / ISSN 2181-0842
April 2022 / Volume 3 Issue 4
www.openscience.uz
438
Ikkinchi qism esa Jo’ji boshchiligida Sirdaryoning yuqori oqimidagi Jand,Yangikent,
Borchilig’kent, Sig’noq shaharlarini bosib olish uchun yuboriladi. Uchinchi qismga
Uloq nuyon va Suketu Cherbu bosh bo’lib O’trordan janubga, Xo’jand va Banokatni
egallash topshiriladi. Chingizxonning o’zi bosh bo’lgan asosiy to’rtinchi qism yirik
shaharlar-Samarqand va Buxoroni egallash uchun yo’l oladi.
Bu yurishlar natijasida 1219 yilda O’tror, Jand, Yangikent, Borchilig’kent, 1220
yilda Xo’jand, Buxoro, Samarqand, 1221 yilda Termiz va Urganch shaharlari
mug’ullar tomonidan bosib olinadi. [1, 19-21 b.] Manbalarda “Jahon sultonlari
poytaxti” va “Insoniyat buyuk farzandlari beshigi” nomini olgan Urganch, “Qubbatul
Islom” nomini olgan Buxoro, “Sayqali ro’yi zamin” deb atalgan Samarqand kabi
shaharlar talon-taroj qilindi. Ba’zi shaharlar, masalan, O’rtor, Sig’noq, Borchilig’kent
kabilar uzoq vaqtlargacha dashtu-biyobonlarga aylanib qoldi. Shu davrda yashagan
arab tarixchisi ibn al-Asirjug’ul (1160-1244 yy.) mug’ul bochqini dahshatlarini
shunday ta’riflagan: “Ular (mug’ullar) hech kimga shafqat qilmadilar, aksincha,
xotinlar, bolalar, erkaklarni o’ldirdilar, homilador xotinlarning qorinlarini yorib,
tug’ilmagan go’daklarni nobud qildilar... Bu musibat to’lqinlari turli tomonlarga
tarqaldi va uning fojeasi umumiy bo’lib qoldi hamda u shamol bulutlarni turli
tomonga haydagani kabi butun viloyatlarga yoyildi. Xitoy chegaralaridan bir xalq
chiqib Turkistondagi Qashg’ar va Balasag’un kabi viloyatlarni vayron etib, qirg’in
qilib, talon-taroj qilib egalladi. Tatarlar hech qaysi shaharlarni omon qoldirmadilar,
ketayotib hamma yerni vayron etdilar. Ular nimaniki yonidan o’tgan bo’lsalar,
o’zlariga yoqmagan barcha narsalarga o’t qo’ydilar”. Shunday qilib, talon-tarojlik
urushlari natijasida XIII asr 20-yillari o’rtalariga kelib Chingizxon Sharqda Shimoliy
Xitoydan G’arbda Amudaryogacha bo’lgan hududlarda o’z hokimiyatini o’rnatishga
muvaffaq bo’ldi.
1227 yilning avgustida Osiyoning ichkarisiga, tang’utlar ustiga yurish paytida
Chingizxon vafot etganidan so’ng iroz muddat chingiziylar o’z ichki ishlari bilan
ovora bo’lib qoladilar va hatto ular Jaloliddin bilan yaqinlashishga qaror qiladilar.
1230 - yilda sulton Jaloliddin Hirot shahrini qamal qilib tugan kezlar(taxminan aprel
oyi) da singlisi Xonsultondan (Jo’chiga xotin bo’lgan,undan farzandi ham bor edi)
xat oladi. [2,320-321 b.] Jaloliddin bu xatni javobsiz qoldiradi.Jaloliddinga
kutilmaganda oyoqostidan yana bir dushmanni dunyoga keltiradi. Alovuddin
Qayqubod o’z ixtiyori bilan Jaloliddinga keli qo’shilgan bo’lsada, u bilan o’zaro
kelisha olmaydi va Jaloliddinga qarshi fitna uyushtiradi. Bu fitnaga Kichik Osiyodan
tashqari Shom (Suriya), shimoliy Mesopotamiya kabi davlatlar va boshqabir qator
shaharlarning hukmdor va beklari ham qatnashdilar. Fitnachilar bilan jang 1230-yil
10- avgustda bo’lib o’tadi. [2, 321 b.] Jaloliddin qo’shinlari mag’lubiyatga uchraydi.
Jaloliddinning kuchsizlanib qolganligini bilgan Ozarbayjondagi ismoiliylar hukmdori
Alovuddin Muhammad III mo’g’ullarga maktub yo’llaydi. Maktubda Jaloliddin tor-
"Science and Education" Scientific Journal / ISSN 2181-0842
April 2022 / Volume 3 Issue 4
www.openscience.uz
439
mor keltirilganligi va uning qo’shinlari juda oz sonli ekanligi xabar qilinadi.
Mo’g’ullar katta qo’shin yuborishadi. Hatto uning eng yaqin vaziri Sharof Al-Mulk
ham unga qarshi fitna uyushtiradi. Buni sezgan Jaloliddin vazirni qatl etadi.
1231-yilning avgustida tunda mo’g’ullar Jaloliddin Manguberdi qo’rasiga hujum
qiladilar va shirakayf holatida yotgan sultonni qo’lga olib, otga bog’lab olib
qochadilar. Yo’lda o’ziga kelgan Jaloliddin qo’lini bo’shatib, yonidagi mo’g’ul
askarining qilichini tortib olib, ular bilan jang qiladi va ulardan o’zini ozod qiladi.
Yolg’iz qolgan Jalolidinni endi kurd qaroqchilari qo’lga oladilar. U o’zini
qaroqchilarning boshlig’iga tanishtirishga majbur bo’ladi: “Men shu yaqindagi bek
qo’liga topshirsang, ayniqsa Shahobiddin G’ozi mulkga eltsang, katta mukofot
olasan, mening o’zim seni mingboshi qilib qo’yaman”, deydi. Bu taklifga qaroqchilar
boshlig’i rozi bo’lib, Jaloliddinning qo’lini bog’lab, xotinini unga qorovul sifatida
qoldirib, ikkita ot olib kelish uchun qo’shni qishloqqa ketadi. Shu payt qo’lida nayza
ushlab turgan bir kurd paydo bo’ladi. U qo’li bog’liq asirning kimligini qorovul
ayoldan so’raydi. Ayol uning sultonligini, eri qo’lga olganligini aytadi. Kurd esa
bunga ishonmaydi. Uning akasini xorazmiylar Xilot qamali chog’ida o’ldirgan edilar.
Shu bois akasining o’chini olish maqsadida qo’li bog’liq qurolsiz mahbusning
ko’kragiga nayza sanchadi va o’ldiradi. Bu g’oyatda alamli voqea 1231-yil 17-20 -
avgustlar orasidasodir bo’ladi. Uning jasadi Mayafarqinaga keltiriladi. [2, 321-322 b.]
Bu yerda uni Al-Malik va Al-Muzaffar hukmdorining vaziri bo’lgan amakisi
O’tirxon taniydi. Xorazmshoh Jaloliddin Manguberdining jasadi tunda
Mayafarqinaga yaqin joyda dafn etiladi. Uning qabrini hech kim haqorat qilmasin
degan maqsadda u yer tekislab yuboriladi.
Xulosa: Xorazm yozma merosida o’zbek xalqining davlatchiligi tarixi masalalari
keng yoritilgani barcha mutaxassislarga ma’lum. Uch ming yillik davlatchilik
an’analariga ega bo’lgan xalqimiz o’tmishini turli til va davrlarda bitilgan yozma
manbalar orqali o’rganilishi manbashunos olimlar va tarixchilarning muhim ilmiy
yo’nalishlarini tashkil qiladi. Xorazmda bitilgan tarixiy yozma manbalar o’rta asrlar,
yangi davrda yaratilgan bo’lib, ular fors, arab va turkiy tillarda yetib kelgan. Davr
o’tishi bilan ko’pgina manbalar yo’qolib ketgani ham ma’lum. Shu davrlarda
yozilgan manbalar 1097 yildan, ya’ni Xorazmshoh - anushteginlar davlatining tashkil
topishidan to 1231 yilgacha bo’lgan davrni o’z ichiga oladi. Mazkur tadqiqotda
Xorazm vohasida yaratilgan shu yozma manbalardagi faqat Xorazmshoh -
anushteginlar davlati va ma’muriy boshqaruviga ahamiyat berildi. Mavzuning
tarixshunosligi va manbashunosligiga bag’ishlangan adabiyotlar va tadqiqotlar
mingdan ham ko’pdir. Xorazm tarixi va madaniyatining mo’g’ullar davrigacha
bo’lgan davri arab va fors tilidagi manbalarda yoritilgan. Ulardan Ibn al-Asirning
«Tarixi komil» asari, Shihobaddin Nasaviyning «Siyrat» va «Nafsat al-masdur»
"Science and Education" Scientific Journal / ISSN 2181-0842
April 2022 / Volume 3 Issue 4
www.openscience.uz
440
asarlari, Rashidaddin va Juvayniy, boshqa mualliflarning asarlarida Xorazm va
Xorazmshohlarning davri, ular faoliyati bilan bog’liq ko’p masalalar bayon qilgan.
Dostları ilə paylaş: |