121
Əhməd Kamal Misirə getmişdi. Bir müddət Qahirə və
İskəndəriyyədə yaşayaraq buradakı mühacir “gənc
türklərin” Sultan istibdadına qarşı mübarizəsini əlaqə-
ləndirmək istəmişdi. Lakin niyyətinə nail ola bilmə-
diyini görüb həmfikirləri ilə daha sıx təmas qurmaq
niyyəti ilə Avropaya yollanmağı qərara almışdı. M.Ka-
yahan Özgülün yazdığına görə “növbə ilə İtaliya, Al-
maniya və Fransada bir neçə il yaşamış və oradakı
“jön türklərlə” (“gənc”, yaxud “yeni türklər” – Os-
manlı imperiyasında köklü islahatlar aparmaq istəyən
vətənpərvərlər müasir türk tarixşünaslığında əsasən bu
ad altında tanınmaqdadırlar – V.Q.), xüsusən də Əh-
məd Pza qrupu ilə sıx əlaqələr yaratmışdı”
1
.
Həmin dövrdə Qahirə “gənc türklər” hərəkatının
Orta Şərqdəki mühüm mərkəzlərindən biri idi. Misir
xədivi Abbas Hilmi Paşanın Osmanlı sarayı ilə o qə-
dər də isti sayılmayacaq münasibəti II Sultan Əbdül-
həmid əleyhdarlarına daha təhlükəsiz sığınacaq vəd
edirdi. Digər tərəfdən, Misir formal şəkildə də olsa
hələlik Osmanlı imperiyasının ərazisi sayıldığından
burada çap olunan qəzetləri və digər ədəbiyyatı Tür-
kiyə hüdudlarına gətirmək nisbətən asan idi. “Gənc
türklərin” Parisdəki mərkəzi hər iki mühüm amili göz
önünə alaraq Əhməd Kamalın Misir paytaxtına qayıt-
masını və nəşriyyat işlərinə başlamasını məqsədəuy-
ğun saymışdı.
O, Qahirəyə gələndə ingilis səfirliyi ilə bağlı ma-
cəranın iştirakçıları olmuş iki tale və qələm dostu –
1
M.Kayahan Özgül. Adıçəkilən kitabı, s. 25.
122
Hüseyn Siyrətlə Mehmet Ubeydullah burada idilər.
“Gənc türk”lərin fəal isimlərindən sayılan doktor
Abdullah Cövdətin gəlişi gözlənilirdi. Tezliklə “Doğ-
ru yol” adlı qəzet çıxarmağa hazırlaşan Ubeydullah
Əhməd Kamalı yeni nəşrin ədəbiyyat hissəsini tam
müstəqil şəkildə hazırlamağa dəvət etmişdi. 1905-ci
ilin oktyabrından başlayaraq o, “Doğru yol”da, no-
yabrdan isə Amerika təbəəsi Georg Nelken Vald-
berqin (sonralar dinini dəyişərək Mehmet Zeki bey
adını almışdı – V.Q.) təsisçiliyi ilə çıxan “Həqayiqi-
Şərq” qəzetlərində əsasən ictimai-siyasi və ədəbi xa-
rakterli mövzularda yazılarla çıxış edirdi
1
.
Bütün bu çoxcəhətli fəaliyyəti ilə bir sırada mü-
barizələrini işıqlandıran yeni və daha konkret hədəf-
lərə tuşlanmış mətbu orqanın təsisi ilə bağlı Parisdəki
məslək dostlarının istəyini də yaddan çıxarmamışdı.
1905-ci ilin sonlarında Qahirəyə gələn dokror Abdul-
lah Cövdət “İctihad” məcmuəsinin nəşrini təzələmiş-
di
2
. Digər tərəfdən, indiyə qədər mövcud olan “Doğru
yol”u bağlamaq, əvəzinə imtiyaz sahibi və baş re-
daktorluğu Əhməd Kamala məxsus “Doğru söz” adlı
qəzet təsis etmək qərara alınmışdı. Yeni nəşrin birinci
sayı “Füyuzat”dan bir neçə ay əvvəl, 1906-cı il martın
22-də çıxmışdı. Abdullah Cövdət ilk saya yazdığı mə-
qalədə redaktorun yüksək şəxsi məziyyətləri, poetik
1
M.Kayahan Özgül. Adıçəkilən kitabı, s. 32-36.
2
Abdullah Cövdətin bu dövrdəki fəaliyyəti və az sonra Əhməd Kamalın da
daxil olacağı Bakı mühiti, habelə Əli bəy Hüseynzadə ilə əlaqələri haq-
qında daha ətraflı məlumat üçün bax. Vilayət Quliyev. Abdullah Cövdətin
Əli bəy Hüseynzadəyə məktubları, “525-ci qəzet”, 9,16,23 mart 2016-cı il.
123
istedadı və ədəbi zövqü üzərində ayrıca dayanmışdı:
“Cəridə sahibinin qeyri-qabili-inkar olan qüdrəti-qələ-
miyyvü şeiriyyəsi bu mövcud cəridəyə bir kisveyi-
dilnişini-ədəb (ürək oxşayan ədəbi şəkil) vermişdir.
Doğru söz söyləmək kafi deyil, bir də doğru sözü gö-
zəl söyləmək də iktiza edər ki, bu müktəzayi (zərurəti)
ifaya Kamal bəyin qüdrəti-qələmiyyəsi kafidir”
1
.
“Doğru söz” türk mətbuatı tarixində bu adla çıxan
ilk mətbu orqan deyildi. 1869-1870-ci illərdə eyni adı
daşıyan qəzeti Paris və Londonda sultan rejiminin
başqa bir əleyhdarı – jurnalist, teoloq və islahat hərə-
katının pionerlərindən biri kimi tanınan Əli Süavi
(1838-1878) buraxmışdı
2
. Əli Süavi bizim milli ədə-
biyyatşünaslıq tarixində daha çox Mirzə Fətəli Axund-
zadənin ərəb əlifbasının islahı ilə bağlı açıq polemi-
kaya girdiyi türk ziyalılarından biri kimi tanınmaq-
dadır. Əslində isə, Süavi dövrün ictimai-siyasi fikrin-
də daha böyük islahat və dəyişikliklərə imza atmağa
çalışmışdı. 1878-ci ildə II Əbdülhəmidi devirib yerinə
qardaşı V Muradı hakimiyyətə gətirmək üçün İstan-
bulda qiyam hazırlamış, lakin lap başlanğıcda sultanın
mühafizə xidməti tərəfindən yerindəcə qətlə yetiril-
mişdi
3
. Bu da adının zülm və istibdad əleyhdarlarının
nəzərində bir rəmzə, simvola çevrilməsinə təkan ver-
mişdi.
1
“İctihad” məcmuəsi, 1906, sayı 10.
2
Bu barədə daha geniş məlumat almaq üçün bax. Vilayət Quliyev. Mirzə
Fətəli və Əli Süavi: Bir mübahisənin tarixçəsi. “525-ci qəzet”, 23-30 iyun
2012.
3
Başlanqıcdan Günümüze Kadar Büyük Türk Klassikleri. Tarih. Antoloji.
Ansiklopedi. c.IX, İstanbul, “Ötüken” Yayın evi, 1989, s. 46.
Dostları ilə paylaş: |