Dədə Qorqud ● 2015/I 82
dur. Bu işin əsas məqsədi isə İsa Muğannanın müraciət etdiyi əxlaq və davranış
normalarını öyrənməkdir.
İsa Hüseynov – Muğanna yaradıcılığında diqqət yetirilməli mühüm istiqa-
mətlərdən birisi milli əxlaq və davranış normalarının tarixi kimlik göstəricisi
müstəvisində araşdırılmasıdır. Məlum olduğu kimi, Azərbaycan nəsri bütün za-
manlarda mövzu, düşüncə, təhkiyə özünəməxsusluqları ilə xarakterizə olunur.
Keçən əsrin altmışıncı illərində isə bədii nəsr yeni sferaya daxil olur. Bu, əlbəttə,
bütünlükdə ədəbi-bədii düşüncədə özünü göstərən fakt kimi bir aydınlıqla mü-
şahidə olunur. M.Hüseynin “Yeraltı çaylar dənizə axır”, R.Rzanın “Qızılgül ol-
mayaydı”, S.Rəhmanın “Əliqulu evlənir”, “Yalan” komediyaları, İ.Şıxlının “Dəli
Kür”, İ.Əfəndiyevin “Geriyə baxma qoca”, B.Vahabzadənin “Gülüstan”, İsa Mu-
ğannanın “Yanar ürək”, “Saz”, “Tütək səsi”, “Kollu Koxa” və s. əsərləri ciddi
dönüşün yeni mərhələdə başlanğıcı idi.
İsa Muğanna yaradıcılığı üçün xarakterik xüsusiyyət “sərt üslub”da tarixi
kimliyin bütöv görünə biləcək mahiyyətini təqdim edə bilmək idi. Çünki “sərt
üslub”, düşüncələrini “boyaqsız-bəzəksiz” yazıya gətirmək Muğanna üçün yazıçı
xarakteri, yazı üslubu ilə bağlı idi. Ona görə də onun bütün yaradıcılığı boyu
hadisələrin təsvir və təqdimində epik təhkiyə ləngərli, orijinal düşüncə tipi ilə
seçilir. Artıq bu üslubla İsa Muğanna sovet ideoloji sisteminin müəyyənləşdirdiyi
birmənalı düşünmə modelini pozdu. Milli-mənəvi dəyərlərin, bəşəri əxlaq və dav-
ranış normalarının bədii ədəbiyyata bir sistem olaraq gətirilməsi yolunu tutdu.
Sovet imperiya sistemi özünün müəyyənləşdirdiyi sərt və düşünülmüş ideoloji
konsepsiyasında “sovet adamı” formulunu yaratmaqla üst qatda milli dəyərlərdən
uzaqlaşma yolunu tutmuşdu. Əslində belə deyildi. Ona görə də bədii-estetik
məfkurə, milli yaddaş həmin imperiya təsəvvürlərinin təlqinini birmənalı, birsəsli
qəbul və davam etdirmədi. Çünki burada milli əxlaq və davranış normalarının,
tarixi kimlik sisteminin pozulması üstünlük təşkil edirdi. İ.Muğanna, İ.Şıxlı,
İ.Əfəndiyev, R.Rza, B.Vahabzadə, N.Xəzri, Qabil, N.Həsənzadə və s. sənətkarlar
öz individual düşüncə tərzi ilə milli davranış və əxlaqi dəyərləri əks etdirən bədii
nümunələr yaratmaq yolunu tutdular. Bir növ bədii düşüncədə sosialist realizmi-
nin müəyyənləşdirdiyi sistemdən kənara çıxan əsərlər yaratdılar. İsa Muğanna
məhz yeni tendensiyanın, folklor təfəkkürünün bədii arenaya gətirilməsinin, milli
yaddaşın hərəkətinin və mühitdə əsas olaraq görünüşünün başlanğıcını qoydu.
“Anadil ötən yerdə”, Toy”, “Cəbhədən məktub”, “Yanar ürək”, “Saz”, “Tütək
səsi”, “Kollu Koxa”, “Quru budaq”, “Doğma və yad adamlar”, “Faciə”, “Ömür
karvanı”, “Şəppəli”, “Məhşər”, “İdeal” və s. sırf milli düşüncənin hadisəsi olaraq
bədii sferanı hərəkətə gətirdi. Mənəviyyatın ekologiyasındakı pozuntuları, başlan-
mış çatları aradan qaldırmağa çağırış səsini ucaltdı. İ.Muğanna bədii ədəbiyyata
yeni təfəkkür və düşüncə modelini gətirdi. Belə mənəvi-əxlaqi, sosial yaddaş
modeli bir növ etnosun dəyərlər sisteminin kodlarının açılmasına və bütün
Dədə Qorqud ● 2015/I 83
olanların bu sistem üzərində qurulmasına üstünlük verirdi. İsfəndiyar kişi, Qılınc
Qurban, Axsaq Hacı, Bəkir, Gövhər, Şolloy, Səməd, Meşəbəyi Mirqasım, Şamil,
Zəhra, Şərqiyyə, Kollu Koxa, Sultan Əmirli, Cavanşir və s. zəngin obrazlar
qalereyası mühiti, etnosun həyat kredosunu, qaynar məişətini, bütünlükdə ma-
hiyyətini ifadə etmək anlamına gəlir. "Kollu Koxa”, “Saz”, “Tütək səsi” bütün
mahiyyəti ilə mətn hadisəsi olaraq tarixi kimliyə, milli əxlaq və davranış prinsip-
lərinə üstünlük verməklə yaranmış nümunələrdir. “Kollu Koxa”da başlanğıc epi-
zoda diqqət yetirək: “ – Cında qarı, Dingə Dəmir, Həsir Haşım!..
Siyahı uzundur. Bizim Qaracalarda, uşaqları və yeniyetmələri çıxmaq şərti
ilə, neçə adam varsa, bir o qədər də ləqəb var. Hamısını uydurub yaraşdıran da
Koxadır. Daha doğrusu, Koxa idi. İndi o, kənddə yoxdur. İndi onun özünün də
ləqəbi var: Kollu Koxa. Bəs bu ləqəbi kim qoşub? Nə üçün Kollu? Koxa bunu
bilmir. Çünki, dediyim kimi, Koxa kənddə yoxdur. Gələndə görəcək ki, özünün
də ləqəbi var. Amma gələcəkmi? Ümumiyyətlə, bir də Qaracalara üz tutarmı? Bi-
zim aramızda baş vermiş hadisədən sonra mənim sədr olduğum kolxoza ayaq
basmaq istərmi? İstərsə nə olar?... Bu barədə fikirləşəndə məni dəhşət götürür.
Çalışıram ki, heç olmasa bircə saatlığa onu unudum, mümkün olmur. Koxa qar-
şımda dayanıb nəfəs alır, azacıq çəp baxan iri, bir az çıxıq gözlərindən gülə-gülə:
“Cında qarı, Dingə Dəmir, Həsir Haşım” – deyə sadalayır. Bununla da mənim iş-
gəncəm başlanır” (2, 259). İsa Muğanna insanın mənəvi aləmini, iç dünyasını
bütünlükdə etnosun dəyərlər sistemi ilə bağlı vermək baxımından əvəzsiz istedad
sahibidir. Sanki yazıçı düşüncəsi mətndə bir vahid olaraq kodlaşdırılır. Milli əx-
laq və davranış formalarının ifadəsi və müəyyənliyi baxımından Qılınc Qurban,
Cavanşir, Sultan Əmirli kimi obrazlardan daha çox Kollu Koxa, Feldşer Hacı,
İsfəndiyar kişi geniş mahiyyətlidir. “Qocaların dediyinə görə, Koxa yalnız atasına
rəhmət oxutdurmaq xatirinə bu işə girişmişdi. Bir parası da bu fikirdə idi ki,
Çopurlar, ümumiyyətlə, nəsilbənəsil, elə-obaya yaxşılıq eləyib bundan ruhlanar-
mışlar; Koxa da öz ata-babalarına oxşayıb. Hər nə isə fakt budur ki, Koxa gərək
ki, iki aya qədər, növbə ilə həyətlərdə kötük yardı. Bu müddətdə isə, indi suyun
altında qalmış Samux meşəsində anadan olub, orada da böyüdüyünə baxmayaraq,
ata-baba kəndinin camaatına isinişdi” (2, 259). Göründüyü kimi, bu mətn və bun-
dan əvvəl verdiyimiz epizod öz təbii təsvir və təfərrüatı ilə Azərbaycan xalqının
min illərlə tarixində daşlaşmış dəyərlər sistemini, yaddaşı, təsəvvürləri tarixi
kimlik nümunəsi olaraq özündə işarələyir. Qaracalar kəndinin timsalında bütün-
lükdə milli düşüncəni hərəkətə gətirir. Onun bütün əsərlərində olduğu kimi, bu-
rada da folklor təfəkkürü, şifahi dil modelləri, nitq janrları və aktları ilə mənəvi
dəyərlərin daşlaşmış formullarını təqdim edir. Kollu Koxanın verdiyi ləqəblər,
onların daşıdığı məna çalarları, işarələdiyi mahiyyət məhz etnosun milli dəyərlə-
rini özündə qoruyub saxlayan varislik kodlarıdır. Çünki müəllifin “Koxa yalnız
atasına rəhmət oxutdurmaq xatirinə bu işə girişmişdi. Bir parası da bu fikirdə idi
ki, Çopurlar, ümumiyyətlə, nəsilbənəsil, elə-obaya yaxşılıq eləyib bundan ruhla-
Dostları ilə paylaş: |