safyandan, bəzən də tumac və meçindən tikilir, müxtəlif tikmə
naxışlarla bəzədilirdi.
Əhali arasında Şirvanın “qaytarmaburun”, Gəncəbasarın isə
yanları hörmə rezinli və ya adi aşılanmış göndən tikilmiş alçaqdabanlı,
uzunboğaz çəkmələri geniş istifadə olunmuşdur. Bir qayda olaraq,
boğazlığı qırmız, ayaqlığı isə yaşıl. Qara, göy rəngli dərindən
hazırlanan belə ayaq geyimi özünün formasına, materialına, tikilmə
tərzinə görə Kazan tatarları arasında “içeki” adı ilə məhşur olan dabanlı,
üstü tikmə naxışlarla bəzədilmiş qadın çəkmələri ilə tipoloji oxşarlıq
təşkil edir. [94]
Təsərrüfat işləri zamanı qadınlar corab və badışın üstündən
çarıq da geyirdilər. Qadın və kişi çarıqlarının tikilmə tərzi və
materialları arasında heç bir fərq olmasa da, qadın çarığı ölçüsünün
kiçikliyinə görə seçilirdi. [95]
Ev şəraitində geyilən ayaqqabılar içərisində nisbətən yumşaq
dəridən hazırlanan “məst” yüngül geyim növü olub, başlıca olaraq
qara, qırmızı, tünd göy, yaşıl rəngli safyandan və tumacdan dabansız
tikilirdi. “Çust” isə həm şəhər həm də kənd qadınlarının başmağa
nisbətən üstünlük verdikləri ayaq geyimi idi. Onun altı aşılanmış
göndən, üstü isə müşkü və tumacdan hazırlanırdı. Çust, bəhs olunan
dövrdə həm qadın həm də kişi ayaq geyimi olmuşdur.
Şəhərli qadınlar ev şəraitində daha çox nəleyin və kəlik
geyməyə üstünlük verirdilər. Digər ayaqqabı növlərindən fərqli olaraq,
nəleyin və kəliyin dabanı yastı olub, ev işləri görərkən daha rahat hesab
edilirdi. İlin isti mövsümlərində imkansız qadınlar həyətin eşik (məişət)
bölməsində ev işləri görərkən çox zaman ayaqlarına köhnəlmiş
ayaqqabılardan dabanın kəsməklə düzəldilən “şap-şap”, “sürütmə”,
“çəkələk” və s. geyir, toxunma yun corabın altına keçə və ya dəri tikib
ayaqqabı düzəldərək istifadə edirdilər. Əksər hallarda isə ayaqyalın
gəzməyə üstünlük verilirdi.
XIX yüzilliyin sonu XX yüzilliyin əvvəllərindən başlayaraq
iqtisadi-ticarət əlaqələrinin güclənməsi, əmtəə itehsalının artması,
əhalinin maddi və mədəni həyat səviyyəsinin nisbətən yüksəlməsi ilə
əlaqədar olaraq, qadın ayaq geyimlərin də də əsaslı dəyişikliklər baş
vermişdir. Fabrik istehsalı mallarının xalq məişətinə kütləvi sürətdə
daxil olması, Rusiya və digər Şərq ölkələri ilə ticarət münasibətlərinin
genişlənməsi əhalinin ayaq geyimlərində tufli, səndəl, qaloş və b. geyim
növlərinin üstün yer tutmasını zəruri etmişdir.
KİŞİ GEYİMLƏRİ
XIX-XX yüzilliyin əvvəllərində azərbaycanlıların ənənəvi kişi
geyimləri biçim üsuluna və tikiş texnikasına görə Ümumqafqaz
səciyyəsi daşınmaqla, yalnız çox da böyük əhəmiyyəti olmayan lokal-
məhəlli xüsusiyyətləri ilə seçilirdi. Ənənəvi kişi geyimləri alt (can) və
üst köynəyi, dizlik, çalvar, arxalıq, içlik (canlıq, cılıtqa, pambıqlı), çuxa,
kürk, yapıncı, eləcə də müxtəlif formalı və adlı baş və ayaq
geyimlərindən ibarət idi. XIX yüzilliyin 80-ci illərində Qazax qəzası
Salahlı kənd əhalisinin kişi geyimlərindən bəhs edən B.Veniaminov
yazırdı ki, onlar çit və ağdan tikilmiş köynək, ipək və onun üstündən
tikilmiş yun arxalıq (kəmər və xəncərlə birlikdə), yun və ya mahud çuxa,
yun başlıq və mahuddan tikilmiş şalvar, qoyun dərisindən papaq,
başmaq. Kürk və yapıncı geyirlər. [96] Bu geyimlər gündəlik (iş paltarı)
və boğçalıq (xeyir-şər paltarı) olmaqla iki dəstdən ibarət hazırlanırdı.
Boxçalıq paltarlar qoymətli parçalrdan tikilir, geyim elementlərinin
çoxluğuna, təzəliyinə və s. görə gündəlik geyimlərdən fərqlənirdi.
Burada bir məsələni də qeyd etmək yerinə düşər ki, Azərbaycan
etnoqrafiyası elmində ilk dəfə olaraq xalq geyimlərimizin, qeyri-dəqiq
olsa da təsnifatını verən görkəmli maarifçi-alim H.Zərdabi olmuşdur. O,
azərbaycanlıların geyim dəstlərinin “alt paltarı”, “uşaq paltarı”, “səfər
paltarı” və “yuxu və yatacaq paltarı”ndan ibarət hazırlandığını
göstərirdi.
Kişi geyimləri həmçinin, əhalinin sinfi mənsubiyyətində,
sosial vəziyyətindən, iqlim şəraitindən, təsərrüfat məşğuliyyətinin
istiqamətindən və s. asılı olaraq da bir-birindən fərqlənirdi. Buna işarə
edən B.F.Adler yazırdı ki, şəxsin cəmiyyətdəki sosial vəziyyəti
geyimlərdə öz əksini tapan xüsusi tələblərlə müşayiət olunurdu. Belə ki,
ovçu libası tacir libasına az bənzəyirdi; din xadiminin, şamanın,
monarxın geyimləri öz biçim üsuluna və rənginə görə müxətlif olurdu.
Böyüklərin, uşaqların və qocalarn da geyimləri eyni olmayıb, şəxsin
cəmiyyətdə mövqeyini və yaş xüsusiyyətlərinin tələbləri ödənməli idi.
[98] İqlim şəraiti Azərbaycanda mövsümi səciyyəli kişi geyimlərinin
(kürk, başlıq, yun corab, yapıncı, ayaq şalı və s.) , sosial mənsubiyyət
isə din xadimlərinin geyimlərinin (əba, qəba, əmmamə, çəltarı və s.)
formalaşmasında mühüm əhəmiyyət kəsb etmişdir.
Alt paltarları. Ənənəvi kişi alt paltarı alt köynəyi ilə dizlikdən
(kişi tumanı) ibarət idi. Qeyd etmək lazımdır ki, Azərbaycanın əksər
etnoqrafik bölgələrində fabrik istehsalı olan parçaların kəndli məişətinə
kütləvi surətdə daxil olduğu zamanadək ayrıca alt və üst köynəyi
olmamışdır. Adətən, köhnəlmiş yamaqlı köynəklər altdan, təzə və
bahalı parçalardan tikilən köynəklər isə üstdən geynilərdi. Necə
geyilməsindən (altdan və ya üstdən) asılı olmayaraq, hər iki köynəyin
biçim üsulu və tikiş texnikası eynilik təşkil edirdi.
Kişi alt köynəyi bez, qalın ağ, midqal, batist (patısğa), humyun
ağı, Tağıyev çiti, satin və s. parçalardan tikilirdi. Tuniki və kəsmə
üsulla biçilən belə alt köynəyinin Azərbaycanda “düzyaxa” forması
dəbdə olmuşdur. Adından məlum olduğu kimi, düzyaxa köynəyin
yaxası düzbiçimli
olurdu. Onu tikmək
üçün parçanı iki
qatlayıb ortadan
qövsvari boyun
kəsiyi və düzünə
yaxa kəsiyi
açırdılar. Gövdə,
yaxa və qollardan
biçilən alt köynəyi
tərs üzünə tikilərək
hissələr bir-birinə
birləşdirilir və avand üzünə çevrilirdi. Tikiş prosesində müxtəlif tikiş
növlərindən (“kökməmə” və ya “kökatma”, “basdırma” və ya
“qıraqbasma”, “xırdasırıq”, “közəmə” və s.) istifadə edilirdi. Adətən,
düzyaxa köynəyin qolları bilərziksiz (məcəsiz) tikilirdi. [99] Ensiz
parçalardan tikilmiş köynəyin qollarının altına bir qayda olaraq, xişdək
(qoltuqaltı) qoyulur, ətəyinin yanlarında isə 10-12 sm ölçüdə çapıq
saxlanılırdı. Yeniyetmələrin və nişanlı oğlanların alt köynəyinin
boyunluğu və yaxa kəsimi müxtəlif motivli tikmə naxışlarla bəzədilirdi.
Köynəyin yaxası ilgək-düymə, bəzən də rəngli ip-qaytanla bağlanırdı.
Dostları ilə paylaş: |