nəleyin, məst, lapçın (nafçıl), dabanlı uzunboğaz və yarımboğaz çəkmə,
quşkeçən, kəlik və s.-dən ibarət olmuşdur.
Qış aylarında ayaq geyimləri içərisində yundan toxunma
corablar əsas yer tuturdu. Adətən, onu saya (rezinli) və bəzəkli
(rezinsiz) toxuturdular. Saya corabların boğaz hissəsində 7-8 sm enində
rezin toxunurdu. Bunun üçün ilmələri “sülü ”adlanan dörd ədəd corab
milinə düzür, sərbəst qalan beşinci sülü ilə toxunma aparılırdı. Hər dəfə
ilmələrin bir cərgəsi toxunub başa çatdıqda sülülərdən biri sərbəst
qalırdı. Rezin hissə qurtardıqdan sonra ilmələr tərsinə deyil, avandına
düzülür və toxuma qurtarana qədər bu qayda ilə davam etdirilir.
Corabın ölçüsü hər kəsin ayağı üzərində gözəyarı təyin edilirdi.
Bəzəkli corablarda isə rezin toxunmur, hörmə içi rəngli iplər
vasitəsilə aparılırdı. Azərbaycan qadınları coraba bəzək vurmaq işində
mahir idilər. Əhali arasında “taxta-
müjə”, “ərsin”, “alamuncuq”,
“qarğaağzı”, “qoçbuynuzu”, “güllü-
xəmsə”, “dəhrəburnu, “cəhrəpəri”,
“gəldirgə”, “zəncir”, “göl”,
“quyrum” və s. kimi həndəsi, bitki
və xalça ornamentləri olan corablar
daha geniş yayılmışdı.
“Dəhrəburnu” naxışlı corabı
toxumaq üçün gülləri (ilmələri) yan-
yana düzür, ilmənin birindən o birinə “sındıra-sındıra” keçməklə hörmə
işini davam etdirirdilər. Bəzəkli corabların boğazında adətən, 30-40 sm
uzunluğunda yun ip saxlanılırdı ki, bununla corabı baldıra bağlayırdılar.
Üzərində xalça ornamentləri salınmış bəzəkli corablar Qarabağda
“gəbə corab”, Astara bölgəsində isə “şal corab” adlanırdı. Qış corabları
bəzən dizə qədər, əksər hallarda isə dizdən bir qarış aşağıyadək
toxunurdu. Azərbaycanın Qərb bölgəsi, Gəncəbasar, Şəki-Zaqatala,
Quba-Xaçmaz, Lənkəran, Naxçıvan və b. bölgələrində corab
toxuculuğu xarakterik olmuşdur.
Naxçıvan bölgəsində boyanmış ipək saplardan toxunan əlavə
naxışlı “keci corablar” da geyilirdi. Adətən belə cirablar ya qız evinin
adamları, bəzən də nişanlı qızın özü bəy, onun sağdışı və soldışı üçün
toxuyurdu. Belə corablar yüksək zövqlə toxunar, uzunboğaz olar,
tamam naxışlarla bəzədilərdi. Yalnız toy günü geyilən belə corablar
toydan sonra da uzun müddət yadigar kimi saxlanılır, qıyılıb geyilməzdi.
Ənənəvi xalq geyimlərindən bir də
badış idi. O, ayaqlığı olmayan corab kimi
toxunur, topuqdan yuxarı və dizdən aşağı qatma
ilə baldıra bağlanırdı. Badışı həm qadınlar həm
də kişilər geyirdilər. Əsasən köçmə maldarlıq
məşğul olan əhali arasında bu geyim növü daha
geniş yayılmışdı. Qadınlar dağ və aran köçü
zamanı, həm soyuqdan qorunmaq, həm də
sərbəst hərəkət etmək üçün taylı tumanın
balaqlarının badışın içərisinə yığırdılar.
Ev şəraitində Şirvan, Şəki-Zaqatala və
Quba-Xaçmaz bölgəsinin azərbaycanlı, tat və
ləzgi qadınları “şətəl” adlanan gödəkboğaz, hörmə, toxunma ayaqqabı
geyirdilər. Qalın yun iplərdən toxunan belə ayaq geyimlərinin altına
keçədən və ya aşılanmış dəridən altlıq salınırdı. Qalın pəncəli şətəlin
burnu şiş olub, yuxarı qatlanmış formada toxunurdu.
XIX yüzillikdə daha xaraterik qadın aya geyimi növü başmaq
olmuşdur. Arxası açıq, hündür dabanlı, pəncə üstü müxtəlif rəngli
müşkü və tumacdan, altlığı isə aşılanmış göndən hazırlanan qadın
başmaqları “zənanə”, “miyanə” və “qız başmağı” olmaqla üç ölçüdə
tikilir, sifarişdən asılı olaraq yüksək zövq ilə bəzədilirdi. Uc hissəsi
yuxarı qatlanmış formada tiklilən belə başmaqlar, ayaqda gözəl
görünsün deyə, əlvan saplarla və qızılı simlərlə tikilir, daban oturcağına
əlvan parçlardan “döşəmə” qoyulurdu. Varlılarda başmağın daban
hissəsi gümüşdənvə ya qızıldan kəsilən lövhəyə tutulur, ətrafına
bəzəklər, (naxışlar) salınırdı. Başmağın pəncə üstü qalın qalın parçadan
(məxmərdən) tikildikdə, onun üzərini güləbətin tikmə ilə bəzəyirdilər.
Azərbaycanın Bakı, Şamaxı, Şuşa, Gəncə, Şəki və Naxçıvan (Ordubad)
kimi iri sənətkarlıq mərkəzləri başmaq hazırlanmasında
məşhurlaşmışdılar.
Azərbyacan şəhərlərində başmaq ustalarının say göstəricisi də
bu sənət sahələrini inkişafını təsdiqləyir. Belə ki, XIX yüzilliyin 30-cu
illərində Azərbaycan şəhərlərində 327 başmaqçı işləyirdisə, əsrin
oratalarında onların sayı 579 nəfərə çatmışdı. Başmaqçılığın Şamaxı
mərkəzində bu dövrdə 227, Nuxa (Şəki) mərkəzində isə 147 nəfər
başmaqçı işləyirdi. [92] Səriştəli başmaq ustalarının hazırladığı
başmaqlar çox zaman istehsal olunduğu sənət mərkəzinin adı ilə
tanınırdı: Gəncə başmağı, Qala başmağı, Ordubad başmağı, Şirvan
başmağı və s. Naxçıvanda mövcud olan üç bazar meydanından biri
məhz “Başmaqçı meydanı” adlanırdı. Ordubadın yaşlı sakinləri indi də
başmaqçı Ələkbərin yüksək zövqlə hazırdığı başmaqlarını (çəpiş
başmaq) yaxşı xatırlayırlar. İmkanlı ailələr “sağrı başmağ”a daha çox
üstünlük verirdilər.
Naxçıvan və Qərb bölgələrində geniş istifadə olunan qadın
ayaq geyimlərindən biridə “quşkeçən” idi. Onun dabanı hüdür
olduğuna görə, çox güman ki, bnelə adlandırılırdı. Naxçıvan
quşkeçənləri zərif aşılanmış dəridən üzlənir, üstünə muncuq düzülür,
qatma (qaytan) ilə bağlanır, burun hissəsi enli olurdu.
El şənliklərində, toylarda dikdaban (quşkeçən) geyən qızlara
gözaltı axtaran oğlanlar tərəfindən müştəri gözü ilə baxılardı. Naxçıvan
toylarında oxunan el mahnılarının birində deyilirdi:
Gəl gedək beləsinə,
Sarvanlar məhləsinə,
Axtarıb tapammasaq,
Od vuraq məhləsinə.
Ay sarı yaylıq, sarı kofta, badamı çittuman,
Yandırıb yaxar adamı dikdaban.
Adətən, quşkeçən ayaqqabıları nişanlı qızlara bayram və
toy hədiyyəsi kimi aparırdılar. Ümumiyyətlə, XIX yüzillikdə
Azərbaycanda gəlin köçməli olan hər bir nişanlı qıza oğlan evi
tərəfindən gönədirilən nişan (toy) libası içərisində bir neçə cüt
başmağın, uzunboğaz çəkmə və quşkeçənin olması vacib hesab
olunurdu. [93]
Qərb bölgəsində quşkeçən, uzunboğaz və yarımboğaz,
hündürdabanlı çəkmə növünə deyilirdi. Belə çəkmələrin üstü bəzən
Dostları ilə paylaş: |