Azərbaycan Paris Sülh Konfransında (1918-1920)
Yüklə 1,12 Mb. Pdf görüntüsü
|
| Ermənilər və bolşeviklər
Müsəlmanlar üçün məşum nəticələri olan bu qanlı hadisələrin baş verməsində hər yerdə olduğu kimi Bakıda da öz millətçi partiyalarının (Daşnaksütyun) ətrafında birləşmiş ermənilər fəal iştirak edirdilər. Daşnaksütyunun və digər erməni siyasi partiyalarının nümayəndələri erməni Milli Şurası yaradaraq 18-21 mart hadisələrindən az əvvəl Transqafqaz müsəlmanlarının Mərkəzi Komitəsinin nümayəndələri ilə danışıqlar aparmağa başladılar. Danışıqların məqsədi iki qonşu millət arasındada siyasi və milli münasibətləri nizama salmaq kimi qələmə verilirdi. Lakin sözdə bu cür vədlər verilməsinə baxmayaraq, nəinki Daşnaksütyun, hətta mühafizəkar Milli Demokratik Partiya da bolşeviklərin cərgələrinə daxil olmuşdular. Daşnaklar bu partiya ilə sıx əməkdaşlıq edir, hətta ehtimal ki, onlara yol göstərirdilər. Təxminən 7000 nəfər erməni əsgər Qərb cəbhəsindən qayıtdıqdan sonra Transqafqaz dəmir yolunun işləməməsi adı altında Bakıda saxlanılmışdı. Sonralar sübuta yetirildiyi kimi, həmin erməni əsgərlər Bakıdakı qanlı vətəndaş müharibəsində fəal iştirak etmişdilər. Bolşeviklərin hakimiyyəti ələ keçirmək üçün qızışdırdıqları bu vətəndaş müharibəsindən Bakıdakı erməni liderləri yerli azərbaycanlı əhaliyə amansızcasma divan tutmaq üçün yararlanmışdılar. Bu qanlı cinayətlərə səbəb nə idi? Bolşeviklərin hakimiyyəti bölüşdürmək planları, yoxsa milli intiqam hissi, məlumat dövriyyəsinin dayanması nəticəsində meydana çıxan nifaq duyğuları, yoxsa ərzaq məhsullarının qəhətə çəkilməsi? Həqiqət budur ki, ermənilər bolşeviklərin himayəsi altında müsəlmanların üzərinə kütləvi hücuma keçdilər və həmin dəhşətli günlərdə 12000-dən çox azərbaycanlı qətlə yetirildi. Öldürülənlərin çoxu qocalar, qadınlar və uşaqlar idi. Yəqin ki, gələcək tarixçilər bu hadisələrin üzərindən sükutla ötüb keçməyəcəklər. İndiki şəraitdə isə ümidvar olduğumuzu bildiririk ki, digər regionlarda yaşayan ermənilər öz soydaşlarının törətdikləri qanlı cinayətlərə haqq qazandırmamalıdırlar. Yüklə 1,12 Mb. Dostları ilə paylaş:
|