Azərbaycan qirğinlari şƏKİl və SƏNƏDLƏRDƏ

AR DA, f. 1061, siy. 1, iş 110, vər. 22. 
Baxış protokolu 
1918-ci il, 9 noyabr.
Mən, Azərbaycan Hökuməti yanında Fövqəladə Təhqiqat Komissiyasının 
üzvü  İsmayıl  bəy  Şahmalıyev,  şahidlər  -  Şamaxı  şəhər  sakini  Siracəddin 
Əfəndiyevin  və  Şamaxı  qəzası  Əngəxaran  kənd  sakini  Daşdəmir  Oruc 
oğlunun iştirakı ilə Əngəxaran kənd məscidinə baxış keçirdim və aşağıdakıları 
müəyyən etdim: 
Yarımdağılmış hasarla əhatə olunmuş və kiçik həyəti olan məscid kəndin 
mərkəzində  yerləşir,  sahəsi  təxminən  20-22  kvadrat  sajındır,  uzunluğu  18, 
eni 10 və qismən dağılmış divarların hündürlüyü 4 ½ arşındır; məscidin dam 
örtüyü  yoxdur,  tamamilə  yanıb  və  onun  dəmir  təbəqələri  məscidin  içinə 
səpələnib; məscidin bütün taxta hissələri də yanmışdır, pəncərə və qapıların 
çərçivələrinin izləri qalmayıb.
Məscidin şəkli 59-cu № ilə çəkilib. 
Şahid: Daşdəmir Oruc oğlu savadsızdır.
Şahid: Siracəddin Əfəndiyev (imza). 
Komissiya üzvü: İ.b.Şahmalıyev (imza).