Azərbaycan Respublikası Dövlət Neft Şirkəti Təlim, Tədris və Sertifikatlaşdırma İdarəsi

 
 
 
138 
3.1.3.
 
Microsoft Word 2007 Mətn Redaktorunda Mətnlə İş 
(Mətn Sahələrinin Seçilməsi və Seçilmiş Sahə İlə İş) 
1.
 
Mətnin daxil edilməsi: 
 Mətn  sahəsindəki  yanıb  sönən  işarə  kursor  adlanır.  Kursor  klaviaturadan  daxil 
ediləcək simvolun yerini göstərir. Simvollar daxil etdikcə kursor sağa doğru yerini dəyişir.  
Böyük hərflərlə yazmaq üçün Caps Lock düyməsini sıxmaq lazımdır. Bu zaman Caps 
Lock  indikatoru  yanır.  Yenidən  kiçik  hərflərlə  yazmaq  üçün  Caps  Lock  düyməsini  sıxmaq 
lazımdır. Bir neçə böyük hərfi yazmaq üçün Caps Lock düyməsini sıxmağa ehtiyac yoxdur. 
Bunun  üçün  Shift  düymələrindən  birini  sıxıb  saxlamaqla  uyğun  hərf  düyməsini  sıxmaq 
vacibdir. Durğu işarələrini də daxil etmək üçün Shift düymələrindən istifadə edə bilərik.  

 
Bir sətir dolduqda növbəti söz və kursor avtomatik olaraq yeni sətrə keçir.  

 
Kursoru abzas məsafəsinə gətirmək üçün Tab düyməsindən istifadə edilir.  
Yeni  abzasdan  başlamaq  üçün  Enter  düyməsi  sıxılır.  Hərf  və  işarə  səhvlərini 
düzəltmək üçün klaviaturadakı ox düymələri ilə kursoru simvolun sağında yerləşdirib Delete 
və solunda yerləşdirib Backspace düyməsini sıxmaq lazımdır. 
İki simvol arasına yeni bir simvol daxil etmək üçün kursoru bu simvolların arasında 
yerləşdirib uyğun düyməni sıxmaq lazımdır.