Ərazidə demək olar ki, eroziyanın bütün növlərinə (səthi, xətti, külək, irriqasiya) rast
gəlinir.
Ə.Ə. İbrahimov [1] göstərmişdir ki, Azərbaycan ərazisinin 34,4%-i (2972,4 min ha) səthi,
4,3 %-i (367,8 min ha) külək və 3,1 %-i irriqasiya eroziyasına uğramışdır.
Ərazidə eroziya prosesinin inkişaf etməsinə təbii amillərlə yanaşı təbii-təsərrüfat
sahələrindən düzgün istifadə olunması və bu prosesə qarşı kompleks mübarizə tədbirlərinin
aparılmaması böyük təsir göstərir.
Məlum olduğu kimi eroziya prosesinin təsiri nəticəsində uzun müddət əmələ gəlmiş və
formalaşmış, Yer qabığının üst münbit qatını təşkil edən torpaq örtüyü eroziya prosesinə
uğramaqla yanaşı onun tərkibində bitki üçün zəruri olan mühüm qida maddələri də hədər yerə
yuyulub relyefin çökək sahələrinə aparılır.
Bununla da eroziyaya uğramış sahələrdə bitkilər normal inkişaf edə bilmir və onların
məhsuldarlığı yuyulmamış sahələrə nisbətən 3-5 dəfə az olur.
Respublikamızda torpaq eroziyası prosesinin geniş yayıldığı bölgələrdən biridə Gəncə-
Qazax zonasında yerləşən ərazilərdir.
Respublika Dövlət Torpaq və Xəritəçəkmə Komitəsinin verdiyi məlumata görə iqtisadi
zonanın ümumi sahəsi 1,242308 ha olub, onun 180371 ha-nı suvarılan sahələr təşkil edir. Əkin
sahəsi isə 184133 min ha olmaqla, ondan 143342 ha-ı suvarılan torpaqlardan ibarətdir. Bu
ərazilərdə müxtəlif mailliyə malik olmaqla yanaşı torpaqlar da fiziki xüsusiyyətlərinə və
aqrokimyəvi tərkiblərinə görə də müxtəlif olması ilə səciyyələnirlər. Ərazidə kənd təsərrüfatı
məqsədləri üçün ən çox dağ boz-qəhvəyi (şabalıdı) torpaqlardan istifadə olunur. Belə torpaqların
üst əkin qatında fiziki gilin (<0,01 mm) miqdarı 56,6% olmaqla yanaşı humusun miqdarı 3,0-
4,5%-dən çox olmur. Bütün bunlara baxmayaraq ərazi torpaqlarından hələ də çox yerdə düzgün
istifadə olunmayır. Belə ki, çox vaxt torpaqların əkin və səpin üçün hazırlığı sahənin eni
istiqaməti əvəzinə uzunu istiqamətində aparılır. Və yaxud da sahələr çox vaxt selləmə üsulu ilə
suvarılır, maili sahələrdə səthi hamarlama işləri həyata keçirilmir, sahələrə normadan artıq su
verilir, torpaqqoruyucu növbəli əkin sistemi tətbiq edilmir və s. Ən başlıcası isə torpaq
eroziyasına qarşı sınaqdan müvəffəqiyyətlə çıxmış – şırımların çəkilməsi, yarıqaçma, bufer
zolaqlarının tətbiqi və s. işlər aparılmır.
Ədəbiyyat materiallarının
təhlili göstərir ki, torpaq eroziyasına qarşı mübarizədə tədbirlərin
tətbiqi olduqca əhəmiyyətli sayılır. Bu haqda ətraflı məlumatlar Q.S.Rəhimov [3, 4],
Q.S.Rəhimov, M.Y.Xəlilov [5], V.L.Korobov [6], İ.D.Ağayev [7], Q.A.Ağabəyli,
Q.T.Ələkbərov [8], Q.S.Rəhimov, V.L.Korobov [9], M.N.Zaslavskiy [10], Y.Q.Kərimov
[11,12], E.B.İsgəndərov [13], E.B.İsgəndərov, Ç.İ.Məmmədov [14], F.Q.Hüseynov [15, 16, 17],
Q.T.Ağabəyli, F.Q.Hüseynov [18] və başqa tədqiqatçıların əsərlərində verilmişdir.
Yuxarıda göstərilən tədqiqatçıların əsərlərinin burada tam xülasəsini verməyə lüzum
olmadığına görə yalnız onu göstərmək olar ki, əkin (dəmyə və yaxud suvarılan) sahələrində
torpaq eroziyasına qarşı tətbiq olunan aqrotexniki tədbirlər nəticəsində bütün hallarda torpağın
aqro-su-fiziki xassələri yaxşılaşmaqla torpaqda bitkilər üçün zəruri olan mühüm qida
maddələrinin qorunub saxlanılması təmin olunur. Bununla da bitkilərin inkişafı üçün normal
şərait yaranır. Bu da bol və sabit məhsulun əsasını təşkil edir.
Bununla yanaşı tədqiqatçıların bəziləri torpaq eroziyasına qarşı aqrotexniki mübarizədə
hansı texniki maşınlardan istifadə etdik göstərilməmişdir. Biz bu məqsədlə yeni konstruksiya
edilmiş texniki vasitələrdən istifadə etməklə torpaq eroziyasına qarşı mübarizə vasitələrini
sınaqdan çıxarmışıq.
Tərəfimizdən Gəncə Regional Elm Mərkəzinin Bağbanlar qəsəbəsi ərazisində üzümlüklər
altında torpaq eroziyasına qarşı texniki vasitələr tətbiq etməklə bir sıra aqrotexniki tədbirlər
sınaqdan keçirilmişdir. Onlardan biri suvarılan əkin sahəsində “КПГ-2-150” markalı dərindən
yumşaldıcı-yarıqaçanın köməyi ilə yastıkəsici olmuşdur. Bu məsələni izah etməzdən əvvəl ilk
növbədə yarıqaçan qurğu haqqında aşağıda məlumat verilir (
Şəkil 1.).
Birinci variantlı yarıqaçan quruluşu 1-ci dayaq təkərinin dəstəyi, 2-ci troslu darayıb
çıxaranla birlikdə iki yaruslu yarıqaçan, 3-cü böyük en götürümlü yastı-kəsici ilə birləşdirilmiş
dərindən yumşaldıcı pəncərə, 4-cü çərçivə və 5-ci dayaq təkərindən ibarətdir.
Modullu yumşaldıcı-yarıqaçanın ikinci variantının sxeminə isə çərçivə; avtoqoşqu; dayaq-
nizamlayıcı təkər; nizamlayıcı qurğu; yumşaldıcı pəncə; ikiyaruslu yarıqaçanın dəstəyi; qabaq
yuxarı yarusun yarıqaçanı; arxa aşağı yarusun yarıqaçanı; böyük en götürümlü yastı kəsici və
troslu darayıb çıxandan ibarətdir.
İş prosesində qurğunun bütün hissələri saz vəziyyətə gətirilərək istənilən sahədə tətbiqini
həyata keçirmək mümkündür.
Modullu yumşaldıcı-yarıqaçanın bütün texnoloji iş prosesi çərçivənin qabaq hissənin
yanlarında mərkəzi oxu ikiyaruslu yarıqaçan, alətin uzununa simmetriya oxlu boyu ağırlıq
mərkəzi xəttindən arxada yerləşdirilən pəncələrin müşayiəti ilə torpaq 15-20 sm dərinlikdə
yumşaldılır. Yarıqaçanın yuxarı yarusu 25-30 sm dərinlikdə iki yarıq açır. Bundan sonra isə
ondan arxada yerləşdirilmiş yarıqaçanın aşağı yarusu isə 35-40 sm dərinliyində yarıq açır.
Bu qurğu laylı çevrilməsi ilə kotanla becərməni də əvəz edir. İş prosesində qurğu eyni
vaxtda 3 yarıq açır. Onlardan biri qabaqda, ikisi isə arxada torpaq daxili yumşaltma aparmaq
üçün kombinasiya edilir. Bu yumşaldıcı pəncələr alaq otu köklərini də kəsir. Troslu darayıb
çıxaran işçi orqan kəsilmiş alaq otlarının bir hissəsini torpaq layına digər bir hissəsini isə yerin
üst səthinə mulça kimi verir.
Belə bir proses yumşaldıcı-yarıqaçanın təkmilləşdirilmiş ikinci variantı üçün xarakterikdir.
Bu variantda hazırlanmış yumşaldıcı pəncələrin avtomlarından asılı olmayaraq
çərçivənin tinində
yerləşdirilir və həm dərinliyə nizamlanması, həm də eni bazada qabaq və arxa yaruslu
yarıqaçanların bir-birinə nisbətən müxtəlif məsafədə yerləşdirilməsinə imkan verir. Belə bir
texnoloji proses iki variantlı yumşaldıcı-yarıqaçanın ikinci variantı üçün də əhəmiyyət kəsb edir.
Ümumiyyətlə “КПГ-2-150” dərindən yumşaldıcı-yastıkəsicisi əlverişli olmaqla yüksək
texniki göstəricilərə malik olması ilə seçilir. Onlar aşağıdakılardan
ibarətdir (Cədvəl 1.):
Göstərilən qurğunun faydalı iş əmsalı yüksək olmaqla yanaşı hərəkət sürəti 1,52-2,0
m/san-ə
bərabərdir. Minimal dartı müqaviməti isə 34,95 kN-dir.