Azərbaycan respublikasi föVQƏladə hallar naziRLİYİ SƏnayedə İŞLƏRİn təHLÜKƏSİz göRÜLMƏSİ VƏ dağ MƏDƏn nəzarəTİ DÖVLƏt agentliYİ azərbaycan respublikasi əMƏYİn mühafiZƏSİ VƏ

8.6.41 Yanar qaz balonları saxlanılan anbarlara dabanında dəmir nalı olan ayaqqabı ilə girmək qadağandır.
8.6.42 Hava-qaz qatılığının partlayış həddinin təhlükəsiz miqdarda saxlamaq üçün yanar qaz balonları saxlanılan anbar otaqları ventilyasiya sistemi ilə təchiz olunmalıdır. Ventilyasiya sistemi olmayan anbarların istismarı qadağandır.
8.6.43 Yanar qaz balonları saxlanılan anbarlarını yanlnız su, aşağı təzyiqli buxar və hava qızdırıcı sistemləri ilə qızdırılmasına icazə verilir.
8.6.44 Balon saxlanılan anbarların pəncərəsindən ğünəş şüalarının bir başa balonlara təsir etməsinin qarşısını almaq üçün pəncərə şüşələri ağ boya ilə rənglənməli yaxud ğünəş şüalarından qoruyucu vasitələr quraşdırılmalıdır.
8.6.45 Balon anbarlarında tez alışan, partlayış təhlükəli maddələrin və qazla dolu balonların saxlanılması qadağandır.
8.6.46 Anbarlarda saxlanılan balonların 10 metr radiusunda hər hansı bir tez alışan maddələrin saxlanılması və eləcədə açıq odla işlərin yerinə yetirilməsi qəti qadağandır.
8.6.47 Oturacağı olan dolu yanar qaz balonları şaquli vəziyyətdə saxlanılmalıdır.
8.6.48 Balonların aşmasının qarşısını almaq üçün xüsusi olaraq yuvaları, qəfəsləri olan avadanlıq quraşdırılmalı və yaxud balondar çəpərləməlidir.
8.6.49 Oturacağı olmayan balonlar üfqi vəziyyətdə, ağacdan hazırlanmış çərçivədə saxlanılmalıdır. Balonları sıralara yığarkən sıraların hündürlüyü 1.5 m-dən hündür olmamalıdır, Bütün ventillər birtərəfli istiqamətdə qoruyucu qapaqlar vasitəsi ilə bağlanmalıdır.
8.6.50 Oksigen balonlarının saxlanılmasında və daşınmasında piylərin və yağa bulaşmış avadanlığın balonların üzərinə düşməsinə və toxunmasına icazə verilmir. Əl ilə ventildən tutaraq oksigen balonunun çevrilməsi qəti qadağandır.


8.7 Məşəl Təsərrüfatı


8.7.1 Qaz emalı zavodlarında qazların istifadə edilməsi və məşələ verilən qaz tullantılarının azaldılması üçün xüsusi tədbirlər görülməlidir.