Azərbaycan respublikasi föVQƏladə hallar naziRLİYİ SƏnayedə İŞLƏRİn təHLÜKƏSİz göRÜLMƏSİ VƏ dağ MƏDƏn nəzarəTİ DÖVLƏt agentliYİ azərbaycan respublikasi əMƏYİn mühafiZƏSİ VƏ

3.7.2.24 Nasaz və ya su ilə doldurulmamış hidravlik sürgülü asetilen generatorları ilə qaynaq işlərinin aparılması qadağandır.
3.7.2.25 Qaz qaynaq işləri aparılmazdan əvvəl şlanqların sazlığı və onların odluğa bərkidilməsi yoxlanılmalıdır. Qaz sızması olan şlanqlardan istifadə etmək, həmçinin asetilen şlanqını oksigen şlanqı ilə əvəz etmək qadağandır.
Qaz qaynağı işləri zamanı qaz şlanqları yüksək temperaturun təsirindən və mexaniki zədələnmədən qorunmalıdır.
3.7.2.26 Qaynaq işləri zamanı odluğun bərk qızmasına yol verilməməlidir. Bərk qızma hallarında vaxtaşırı iş dayandırılmalı, odluq su ilə soyudulmalıdır.
3.7.2.27 Asetilen generatorundan işlənmiş kalsium kabrid yanğın təhlükəsizliyi xidməti ilə razılaşdırılmış, xüsusi ayrılmış meydançalarda lil çalasına (quyusuna) boşaldılmalıdır. Lil çalası 10 m radiusda yerlədirilməlidir.
3.7.2.28 Qaz qaynağı zamanı qadağandır:
- nasaz aparat və şlanqlarla qaynaq işinin aparılması, donmuş generatorun və onun hissələrinin, redukrotların, ventillərin, boru xətlərinin və qaynaq qurğusunun digər detallarının açıq alov və ya bərk qızmış əşya ilə qızdırılması. Qızdırılma qaynar su və ya buxar ilə aparılmalıdıdr;
- qaz balonunun içində qalan qaz tamamilə çıxarılmadan və balon üfürülmədən ventillərin təmir edilməsi, balonlardakı qaz otaqdan kənarda və açıq alovdan uzaq yerdə boşaldılmalıdır;
- asetilen generatorundan, oksigen balonlarından, şlanqlardan, qaz xətlərindən və lil çalalarından 10m-dən yaxın məsafədə siqaret şəkmək və açıq alovdan istifadə etmək;
- sıxılmış və mayeləşdirilmiş qaz balonlarının üstü açıq halda, günəş şüaları altında saxlanılması;
- qaynaq işləri qurtardıqdan sonra asetilen generetorunun kalsium karbid qalığından və lildən təmizləməmiş, rotor, yeşiklər və generatorun digər hissələri yuyulmamış halda saxlanılması;
- oksigen şlanqlarının generatora tərəf üfürülməsi;
-asetilen generatorunun işləyən qazanxana və isti sexlərdə, həmçinin kompressorların hava vurucularının və ventilyatorların hava sorucusunun yaxınlığında yerləşdirilməsi.