Azərbaycan respublikasi səHİYYƏ naziRLİYİ azərbaycan tibb universiteti
Yüklə 5,01 Kb. Pdf görüntüsü
|
71 Beləliklə, xəstələrdə üçüncü sutkada hemokoaqulyasiyanın maksimal aktivasiyasının fonunda əsas antikoaqulyant mexanizmlərin depressiyası müşahidə olunmuşdur (AT-III səviyyəsinin azalması və QFA depressiyası). Oxşar dəyişikliklər əməliyyatdan sonrakı dövrün 5-ci sutkasında qeyd olunmuşdur. Kəskin destruktiv pankreatit zamanı ağır vəziyyətdə olan xəstələrdə YDLS-u üçün qanaxmanın meydana çıxması mütləq əlamət deyil. Onlar bir qayda olaraq xəstəliyin terminal mərhələsında laxtalanma faktorlarının trombositlərin istifadəsi və qaraciyərin sintetik funksiyası ilə əlaqədardır. Xəstələrimizdə YDLS-nun hiperkoaqulyasiya mərhələsi üstünlük təşkil edirdi. Hipokoaqulyasiya fazası və qanaxmaların meydana çıxması YDLS-nun doğuş patologiyalarında uyğun olmayan qan köçürülməsi zamanı meydana çıxan ildırım sürətli formaları üçün daha xarakterikdir. Tədqiqatlarımızda YDLS-nun əsasən kəskin və yarımkəskin formalarını qeyd etmişik, hansılarda ki, bu zaman hiperkoaqulyasion dəyişikliklər və orqan funksiyalarının pozulmaları üstünlük təşkil edir. Qeyd etmək lazımdır ki, hal- hazırki iş ərzində stasionara daxil olduğu andan intensiv müalicə, antikoaqulyant terapiya alan xəstələr müzakirə olunurlar və onlara lazım bilindiyi halda yenidondurulmuş plazma köçürülürdü. Bu şərtlər daxilində qanaxmalarla müşayiət olunan, eritrositar kütlə köçürülməsini tələb edən YDLS-nun hipokoaqulyasiya mərhələsı nadir hallarda inkişaf edir. Bununla birlikdə, hipokoaqulyasiyanın inkişafı zamanı proqnoz əhəmiyyətli dərəcədə pisləşir. Nümunə olaraq kəskin destruktiv pankreatitli K.43 yaşlı xəstənin xəstəlik tarixinə nəzər salaq. Laparotomiya, xolesistektomiya, qarın boşluğunun və piylik kisəsinin drenajı əməliyyatları keçirildikdən sonra xəstə standart terapiya aldığı CRŞ-yə daxil edilmişdir. Koaquloqrammanın öyrənilməsi zamanı birinci sutkalar ərzində xəstədə bu göstəricilər qeyd edilmişdir: trombositlərin sayı – 1mkl-da 235876; R+K- 30,1 mm; AHTV – 28,7 s.; fibrinogen – 4,0- q/l; PTİ -91,6%; HF-MK – 0,81 vahid ekstr.;FPA – 3,8 nq/ml; FDM – 10,0 mkq/ml; D-dimer – 500 nq/ml; AT- III – 93%; QFA – 45,1%). Aparılan müalicəyə baxmayaraq xəstədə intoksikasion təzahürlər artırdı, beşinci sutkada sanasion relaparotomiya həyata keçirilmişdir. 7-ci 72 sutkada xəstənin vəziyyəti kəskin pisləşmiş, oyanıqlıq meydana çıxmış, boğulma güclənmiş, tənəffüs çatmamazlığı əlamətlərinin artması nəticəsində pasientə məcburi rejimdə ASV (ağciyərlərin süni ventilyasiyasi) edilmişdir. Eyni zamanda inyeksiya yerlərindən artmış qanaxmalar meydana çıxmışdır. Koaquloqramma analizlərində: trombositlərin sayı – 1 mkl-də154295; R+K – 40,2 mm; AHTV -44,2 s; fibrinogen – 1,2 q/l; PTİ – 63,2%; HF-MK – 1,25 vahid ekstr. FPA – 9,4 nq/ml; FDM – 128,0 mkq/ml; D-dimer – 2000 nq/ml; AT-III 71%; QFA – 57,4% olmuşdur. Əlavə olaraq V və VIII faktorların miqdarının başlanğıc səviyyədən 25% azalması müşahidə olunmuşdur. Alınmış nəticələr hipokoaqulyasiyanın meydana çıxmasıni, qanın laxtalanma faktorlarının istifadəsini və fibrinolizin güclənməsini göstərirdi. Pasientə əlavə olaraq 1000 ml yeni dondurulmuş plazma köçürülmüşdür. Qanaxma halları azalmışdı. Amma sonradan ürək-damar çatmamazlığının inkişafı fonunda xəstə əməliyyatdan sonra doqquzuncu sutkada ölmüşdü. Təqdim olunan hadisə onu göstərir ki, əsas xəstəliyin mənfi gedişi fonunda (pankreonekroz) laxtalanma əleyhi mexanizmlərin dekompensasiyası baş verir və yüksək qanaxmalarla, qanda trombositlərin sayının, fibrinogenin, V və VIII faktorların azalması, xronometrik göstəricilərin və hemostaz aktivasiyası markerlərinin (FPA, HF-MK, D-dimer) artması ilə təzahür edən istifadə koaqulopatiyası inkişaf edir.Aşağıdakı şəkildə bu xəstədə kliniki olaraq xarakterik simptomların meydana gəlməsi formalaşmışdır. 73 Komputer tomoqrafiya görüntüsündə nekrotik prosesin formalşaması Laparoskopik müdaxilə zamanı aydın görünən steatonekrotik yığıntılar 74 Açıq üsulla(laparotomiya) əməliyyata məruz qalan xəstələrimizdə nəzərə çarpan steatonekrotik yığıntılar 75 Açıq üsulla(laparotomiya) əməliyyata məruz qalan xəstələrimizdə nəzərə çarpan steatonekrotik yığıntılar Nəzarət qrup xəstələrində 7-ci sutkada müayinə olunan laborator testlərdə müsbət dinamika müşahidə olunmuşdur. Xronometrik göstəricilər (R+K və AHTZ), PTİ, AT-III və QFA norma daxilində idi. Lakin HFMK, FPA, FDM və D-dimer miqdarları yüksək olaraq qalmaqda idi. Təqdim olunan laborator testlərin dinamikasını analiz edərək, qeyd etmək istəyirəm ki, tərəfimizdə əldə olunan məlumatlara görə yayılmış irinli peritonit və destruktiv pankreatit səbəbindən ağır vəziyyətdə olan xəstələrə heparinin dərialtına 20000 TV summar dozada sutkada 4 dəfə yeridilməsi YDLS-nun inkişafının və hemostaz sisteminin şiddətli aktivasiyasının qarşısını almır. Fikrimizcə, bu bir sıra səbəblərlə bağlıdır: antikoaqulyantın bolyus üsulu ilə yeridilməsi, mikrosirkulyasiya pozğunluqları şərtləri daxilində heparinin absorbsiya proseslərinin pisləşməsi, ağır vəziyyətlərdə olan xəstələrdə hemostaz aktivasiyasının müxtəlif yollarının olması. Yüklə 5,01 Kb. Dostları ilə paylaş:
|