80
dövrün ilk sutkaları ərzində plazmada D-dimerin miqdarının yüksək olması xəstəliyin
nəticə proqnozu üçün mənfi faktordur.
Bununla belə, hemostazın digər göstəriciləri arasında, həmçinin vəziyyətinin
ağırlıq dərəcəsi ilə FDM səviyyəsi arasında olan qarşılıqlı əlaqə tədqiqatın bu
mərhələsində tərəfimizdən aşkar olunmadı.
Məlumdur ki, D-dimerin meydana çıxması transqlutaminaza fermentinin təsiri
atında “həll olan” fibrindən əmələ gələn “həll olmayan” fibrinin plazminlə (XIII
aktivləşdirilmiş faktoru) lizisi zamanı baş verir. Beləliklə, D-dimer fibrinin
damardaxili çökməsinin və onun lizisinin spesifik markeridir. D-dimer, bizim
nəzərimizcə, misal olaraq FPA göstəricisinə nisbətən hemostaz sisteminin daha inert
göstəricisidir. Həqiqətən də, D-dimerin meydana çıxması üçün laxtalanmanın daxili
və ya xarici yollarının inisiasiyasından başlamış fibrinin əmələ gəlməsinə,həmçinin
onun sonrakı lizisinə qədər olan hemostatik prosesin bütün mərhələləri vacibdir.
Ədəbiyyatda kəskin destruktiv pankreatitlər zamanı D-dimerin səviyyəsinin
qiymətləndirilməsinin proqnostik planda əhəmiyyəti haqda olan məlumatlarımızın
təsdiqini tapdıq. Bundan əlavə, olaraq baş-beyin travması və beyin zədələnməsi olan
neyrocərrahi xəstələrdə D-dimer səviyyəsinin yüksəlməsi vəziyyətin pisləşməsi və
mənfi proqnozla assosiasiya etmişdir. Müəlliflərin fikrincə, mərkəzi sinir sisteminin
qiymətləndirilməsi zamanı D-dimer miqdarının dinamikası informativliyi Qlazqo
şkalasına nisbətən çox olmuşdur.
Kəskin destruktiv pankreatitlər zamanı ağır vəziyyətdə olan xəstələrdə
əməliyyatdan sonra ilk sutkalarda tərəfimizdən müəyyən olunan plazmada yüksəlmiş
D-dimer miqdarı fibrinin çökməsini əks etdirir: mikrosirkulyator mənfəzdə və YDLS-
u zamanı onun dağılmasını. Endogen laxtalanma əleyhi sistemlərinin fibrin əmələ
gəlməsinin “qarşısını ala bilmək” qabiliyyətinə malik olmaması mənfi proqnostik
əlamətdir. Qeyd etmək mühümdür ki, bu nəticələr tərəfimizdən antikoaqulyant
terapiya apararkən alınmışdır. Kapillyar torda fibrinin çökməsi nəticəsində meydana
çıxan qanın damardaxili laxtalanması orqan və toxumaların qanla və oksigenlə
81
təchizinin pozulmasına gətirib çıxarır və metabolitlərin xaric olunmasını pisləşdirir.
Bu, yayılmış irinli peritonitli və destruktiv pankreatitli xəstələrdə POÇ-nın inkişafı
üçün mühüm faktordur. Toxuma perfuziyasının pozğunluğunun təkcə damarların
hemokoaqulyasiya və fibrinoliz məhsulları blokadası nəticəsində deyil, həm də
biokimyəvi təsiri ilə əlaqəli olduğu haqda məlumatlar vardır. Müəyyən olunmuşdur
ki, fibrin və fibrinogen deqradasiyası məhsulları vazokonstruktiv təsir göstərmək,
həmçinin damar keçiriciliyini artırmaq xüsusiyyətlərinə malikdirlər.
Kliniko-laborator qarşılaşdırmada dəqiqləşdirdik ki, hemokoaqulyasiya
sisteminin pik aktivasiyası və antikoaqulyant sistemlərin depressiyaları POÇ-nın
ağırlıq dərəcəsinə maksimal dərəcədə uyğundur.
POÇ-nın ağırlıq dərəcəsi SOFA şkalası vasitəsilə qiymətləndirilmişdir. SOFA
şkalasına görə balların cəmini gündəlik olaraq hesablayırdılar və müəyyən zaman
üçün orqan funksiyalarının pozğunluqlarının ağırlıq dərəcələrinin ifadəsi üçün
istifadə edirdilər. POÇ ağırlıq dərəcəsinin SOFA şkalasına görə hesablanması üçün
vacib olan göstəricilər demək olar ki bütün CRŞ–də mövcuddur. SOFA şkalasının
effektivliyi geniş kliniki praktika ilə təsdiq olunmuşdur.
Hemokoaqulyasion pozğunluqların ağır vəziyyətlərdə inkişafında və gedişində
olan rolunu müəyyən etmək üçün POÇ ağırlıq dərəcəsi ilə əsas öyrənilən göstəricilər
arasında olan asılılığı öyrəndik.
Tərəfimizdən müəyyən olunmuşdur ki, əməliyyatdan sonrakı dövrün 1-5-ci
sutkaları ərzində POÇ-nın ağırlıq dərəcəsi ilə FPA və D-dimer konsentrasiyası
arasında müsbət korrelyasion asılılıq vardır- korrelyasiya koeffisienti müvafiq olaraq
0,69 və 0,72 olmuşdur. Bu, POÇ-nın formalaşmasında qanın damardaxili
laxtalanmasnın iştirakı haqda şahidlik edir. Bununla belə, POÇ-nın ağırlıq dərəcəsi və
digər parametrlər arasında qarşlıqlı əlaqə müəyyən olunmadı. Həmçinin, endogen
laxtalanma əleyhi sistemlərin hemostaz sistemi aktivasiyasının, damardaxili
koaqulyasiyanın və POÇ-nın formalaşmasının qarşısını ala bilmək qabiliyyətinə
82
malik olmaması mühümdür. Məhz 3-5-ci sutkalar ərzində AT-III səviyyəsinin
əhəmiyyətli dərəcədə enməsi qeyd olunmuşdur.
Bizim müşahidələrimiz zamanı kəskin destruktiv pankreatitlərdə müayinə
olunan xəstələrdə POÇ formalaşması, bir qayda olaraq, tənəffüs çatamamazlığından
başlayırdı. Sonralar böyrək və qaraciyər disfunksiyaları və digər sindromlar birləşirdi.
Qeyd etmək mühümdür ki, tənəffüs çatmamazlığının meydana çıxması xəstəliyin
gedişini və proqnozunu əhəmiyyətli dərəcədə pisləşdirir. Əldə etdiyimiz
məlumatların təsdiqi ədəbiyyatda mövcuddur.
Tənəffüs disfunksiyasının meydana çıxması ağciyərlərin anatomik və
funksional xüsusiyyətləri (bol endotel qatı, qeyri-qaz mübadiləsi funksiyalarında
aktiv iştirakı) ilə bağlıdır, hansılar ki onları aqressiv faktorların təsirinə məruz qoyur.
Meydana çıxma səbəblərindən asılı olmayaraq tənəffüs çatmamazlığı ümumi
patogenezə malikdir. Bu da, mikrosirkulyasiya səviyyəsində olan qan dövranı
pozğunluqlarının ağciyərlərin zədələnməsində aparıcı rolunun olması ilə əlaqəlidir.
Faktiki olaraq, ağciyərlərin kapillyar toru, qan dövranından trombositar aqreqatları,
fibrin trombların dağılması məhsullarını, əriyən fibrin-monomer komplekslərini xaric
edən filtrdir. Yanaşı olaraq, ürək-ağciyər patologiyası olmayan ağır vəziyyətlərdə
olan xəstələrdə kəskin tənəffüs çatmamazlığının xarakteristikası üçün ağciyərlərin
kəskin zədələnməsi termini (AKZ) təklif olunmuşdur, sonralar isə kəskin respirator
distress-sindrom (KRDS) termini meydana çıxmışdır. KRDS termini AKZ ilə
müqayisədə daha dar anlayışdır və onun daha ağır arterial hipoksemiya ilə müşayiət
olunan daha ağır formasını təmsil edir. AKZ və KRDS-i, KV olan xəstələr üçün
xarakterik olan hipoksiyaya gətirib çıxaran və ASV-nı tələb edən ağciyərlərin qeyri-
spesifik zədələnməsi kimi müəyyən etmək olar.
Əldə etdiyimiz məlumatlara əsaslanaraq belə bir nəticəyə gəlmək olar ki,
hemostaz sistemi aktivasiyası cərrahi xəstələrdə kəskin destruktiv pankreatitlər
zamanı ağır vəziyyətin formalaşması üçün əsas konponentdir. Yayılmış irinli
peritonitin və destruktiv pankreatitin artıq erkən mərhələlərində DDLS inkişaf edir.
Dostları ilə paylaş: |