TƏHSİLİN İNFORMATLAŞMASININ NƏZƏRİ VƏ METODOLOJİ MƏSƏLƏLƏRİ
Təhsildə İKT
31
Ümumiyyətlə monitorinq (inglis dilində) – izləmək, müşahidə aparmaq deməkdir.
Keçən əsrin 90-cı illərindən başlayaraq təhsil sistemində tətbiq olunan yeniliklərin
səmərəliliyini, effektivliyini artırmaq, nəticələrin izlənilməsi, proqnozlaşdırılması və
korreksiya işlərinin vaxtında həyata keçirilməsi məqsədilə monitorinq tətbiq olunmağa
başlamışdır. Ümumiyyətlə, monitorinq – təhlil olunan prosesin ayrı-ayrı mərhələlərini
diaqnostika , proq-nozlaşdırma və korreksiya kimi xarakterizə edən üç əsas sütun üzərində
dayanır. Bu zaman yalnız qiymətləndirmə getmir, eyni zamanda qiymətləndirmənin
nəticələrini nəzərə alıb, qiymətləndirilən prosesin gələcək inkişafını təmin etmək, keyfiyyət
göstəricilərini yüksəltmək üçün korreksiya işlərinin aparılması planlaşdırılır və həyata
keçirilir [7].
Hazırda təhsil-tədris sisteminin durumunu və inkişaf dinamikasını tədqiq və nəzarət
etməyə imkan verən çoxlu proseslər içərisində təhsil nəticələrinin (TN) monitorinqi xüsusi
əhəmiyyət kəsb edir. Belə yanaşma tədris prosesinin müxtəlif sahələrinin inkişafını üzə
çıxarmağa, tədris fənlərinin məzmununun mənimsənilməsinə nəzarət etməyə, təhsil
sistemində qazanılmış nailiyyətlərin təhsil standartlarının tələblərinə uyğunluğunu müəyyən
etməyə, vacib əhəmiyyətli pedaqoji informasiyaları, keyfiyyət və onun idarəolunmasını təmin
edən məqsədyönlü və effektiv metodları seçməyə imkan verir. Keyfiyyətin idarəolunmasının
əsas vasitəsi kimi (xüsusi halda pedaqoji təhsildə səriştəli kadr hazırlığında keyfiyyətin
idarəolunması) qəbul edilən təhsil nailiyyətlərinin monitorinqi aşağıdakı funksiyaları həyata
keçirir :
-
öyrənənlərin, müəllimlərin, valideyinlərin, təhsilin idarəedilməsi ilə məşğul olan
qurumların və təhsilin nəticələri ilə maraqlı olan insanların ehtiyac duyduğu pedaqoji
əhəmiyyətli operativ və uzunmüddətli informasiyalarla təmin edilməsini;
-
təhsil alanların əldə etdiyi nailiyyətlərin müxtəlif nəzarət qrupları tərəfindən
müəyyən edilmiş nəticələrin, formalaşmış statistik normaların və dövlət təhsil standartlarının
tələblərinə uyğunluğunun üzə çıxarılması və müvafiq tədbirlərin görülməsini;
-
öyrənənlər və öyrədənlər, təhsil müəssisəsinin adminstrasiyası və pedaqoji
kollektiv, valideyinlər və şagirdlər, təhsili idarəedən qurumlar və təhsil müəssisələri arasında
əks əlaqənin təmin edilməsini;
-
təhsilə dair kompleks informasiyaların pedaqoji təhlilinin nəticələri əsasında təhsil
sisteminin və təhsil alanların inkişafının proqnozlaşdırılmasını;
-
təhsil alanlara özünütənqid, özünüinkişaf, özünütəhlil üçün şəraitin yaradılmasını.
TƏHSİLİN İNFORMATLAŞMASININ NƏZƏRİ VƏ METODOLOJİ MƏSƏLƏLƏRİ
Təhsildə İKT
32
Pedaqogikada təhsil sistemlərinin kompleks nailiyyətlərinin üzə çıxarılmasında təhsil
monitorinqi də xüsusi əhəmiyyət daşıyır. Təhsil monitorinqini pedaqoji, tərbiyə, sosial-
psixoloji və idarəetmə komponentləri ilə təqdim etmək olar [4,6].
Pedaqoji monitorinq didaktika və tərbiyə ilə bağlı komponentləri özündə birləşdirir.
Təhsil sisteminə və onun durumuna nəzarət funksiyasını həyata keçirən proseslər içərisində
didaktik, başqa sözlə təhsil nailiyyətlərinin monitorinqi xüsusi əhəmiyyət daşıyır. Həqiqətən
didaktik monitorinq tədris prosesinin müxtəlif sahələrinin durumuna, tədris materialının
mənimsənilməsinə, alınmış nəticələrin təhsil standartlarının tələblərinə müvafiqliyinin təmin
olunmasına nəzarəti həyata keçirir. İstənilən təhsil monitorinqinin komponentləri təhsil-təlim
proseslərinə dair məlumatların alınması mənbəyi rolunu oynayırsa, didaktik (TN) monitorinq
idarəetmənin strategiyasını müəyyən etmək üçün təhsil alanların və təhsil sisteminin müəyyən
siniflərə aid edilməsinə dair nəticələnmiş və fərqləndirilmiş informasiyanın alınmasını da
təmin edir.
Qarşıya qoyulmuş məqsəddən asılı olaraq didaktik (TN) monitorinqin aşağıda
göstərilmiş formalarını bir-birindən ayırmaq lazımdır [3,4]:
-
problemli - təhsil sistemində baş verən tədris proseslərinin ümumi problemlərinin,
təhsil müəssisələrinin ehtiyaclarının və təhsil sisteminin inkişaf qanunauyğunluqları ilə bağlı
problemlərin üzə çıxarılması;
-
müqayisəli - təhsil nailiyyətlərinə görə təhsil alanların və ya təhsil müəssisələrinin
əhəmiyyətliliyinə görə dərəcələnməsi;
-
kompleksli (mürəkkəb) – təhsil müəssisələrinin attestasiyası və akkreditasiyası
üçün müxtəlif pedaqoji ölçmələrin nəticələrindən istifadədən başqa, təhsil-tədris prosesinin
anketləşdirilməsi, tədris sənədlərinin kontent təhlili və informasiyanın toplanmasının başqa
formalarından istifadə edilməsi.
Didaktik monitorinqin təşkili, nizama salınış və qarşılıqlı əlaqədə olan müxtəlif
elementlərdən təşkil olunmuş prosesin tamlığını təmin etmək üçün sistemli yanaşmadan
aşağıdakı ardıcıllıqla istifadə olunmasını tələb edir:
-
təhsil standartlarından səmərəli istifadə;
-
pedaqoji testləşmənin həyata keçirilməsi;
-
nəzarəti həyata keçirmək üçün qiymətləndirmə materiallarının toplanması;
-
alınmış nəticələrə nəzarətin və onun qiymətləndirilməsinin aparılmasına dair
mövcud təlimatdan istifadənin təşkili.
Dostları ilə paylaş: |