TƏHSİLİN İNFORMATLAŞMASININ NƏZƏRİ VƏ METODOLOJİ MƏSƏLƏLƏRİ
Təhsildə İKT
43
DİSTANT PEDAQOJİ TƏHSİLİN ÜMUMİ XARAKTERİSTİKASI
Distant Təhsil–təhsil müəssisəsindən istənilən məsafədə olan öyrənənlərə
xüsusiləşdirilmiş informasiya–təhsil mühiti vasitəsi ilə göstərilən təhsil xidmətləri
kompleksidir. İnformasiya–təhsil mühiti öyrənənlərin təhsil ehtiyaclarının təmin edilməsinə
yönəlmiş, verilənlər, informasiya resursları, qarşılıqlı əlaqə protokollarının ötürülmə
vasitələri, aparat-proqram, metodik-təşkilati təminat və s. vasitələrin sistemli təşkilidir.
DT öyrədən və öyrənən arasında interaktiv əlaqəni telekommunikasiya və kompüter
şəbəkələri vasitəsi ilə operativ, müntəzəm dialoq, əks əlaqə əsasında, uzaq məsafədən həyata
keçirən texnologiyadır. Distant Pedagoji Təhsil (DPT) dedikdə fasiləsiz müəllim hazırlıgı
(ilkin pedaqoji, ixtisasartırma və yenidənhazırlanma) prosesində DT texnologiyalarının tətbiqi
nəzərdə tutulur. DPT texnologiyasından fasiləsiz müəllim hazırlıgının bütün səviyyə və
formalarında istifadə edilə bilər. DPT ənənəvi pedaqoji təhsilin sadəcə olaraq elektron variantı
və ya mövcud təlim formalarının telekommunikasiya üçün uyğunlaşdırılması deyil.
DPT təhsil innovasiyası olaraq ənənəvi təhsil formalarına nisbətən öyrənənlərin
müstəqilliyini, fəallığını, şüurluğunu, yaradıcılığını optimal inkişaf etdirir, informasiya
cəmiyyətində müasir müəllim hazırlıgı qarşısında duran strateji məsələləri səmərəli həll edir.
DPT–nin əsas texnologiyaları aşağıdakılardır:
-
Keys texnologiyası. Tədris metodik materiallar ciddi strukturlaşdırılır, xüsusi
«keys» formasında komplekləşdirilir, müstəqil mənimsənilməsi üçün öyrənənə göndərilir.
Öyrənənlə məsləhətçi-müəllim,tyutor arasında müntəzəm məsləhətləşmə aparılır.
-
TV texnologiyası. Tədris prosesi telemühazirələr əsasında həyata keçirilir,
müəllim və tyutorla sistematik məsləhətləşmələr aparılır.
-
Şəbəkə texnologiyası. Öyrənənləri tədris metodik materiallarla təmin etmək,
həmçinin öyrənən və öyrədən arasında interaktiv əlaqə yaratmaq məqsədi ilə İnternet
şəbəkəsindən istifadə edilir. Şəbəkə texnologiyasında lokal (İntranet) və qlobal (İnternet)
şəbəkə texnologiyalarından istifadə edilir. Bu halda distant təhsil İnternet resursları vasitəsilə
həyata keçirilir. Təlim ünsiyyətinin əsasını xüsusi hazırlanmış və distant təhsil kursu şəklində
tərtib edilmiş vasitələr təşkil edir. DPT-in xarakterik xüsusiyyətlərinə çeviklik, modulluq,
iqtisadi səmərəlik, müəllimin yeni rolu, təhsilin keyfiyyətinə xüsusi nəzarət imkanı, təlimdə
xüsusiləşdirilmiş vasitə və texnologiyalarından istifadə və s. məsələlər aiddir.
-
Çeviklik: DPT-də öyrənən mühazirə və seminarlarda müntəzəm iştirak etmir,
əlverişli məkan və zaman daxilndə, mənimsəmə qabiliyyətinə uyğun ahənglə tədris
materialını fərdi qaydada öyrənir.
TƏHSİLİN İNFORMATLAŞMASININ NƏZƏRİ VƏ METODOLOJİ MƏSƏLƏLƏRİ
Təhsildə İKT
44
-
Modulluq: DPT proqramlarının əsasını modulluq prinsipi təşkil edir. Hər bir kurs
ayrılıqda müəyyən fənn sahəsindən tam təsəvvür yaradır. Bu imkan verir ki, fərdi və ya qrup
tələbatlarını nəzərə alaraq müstəqil modul kurslardan fərdi tədris proqramı, təhsil
trayektoriyası yaradılsın. DPT-nin bu xüsusiyyəti imkan verir ki, Boloniya prosesinin mühüm
şərtlərindən olan , modul tədris planları və proqramları hazırlansın , təhsildə kredit- modul
sistemi reallaşsın.
-
İqtisadi səmərəlik: DT ənənəvi təhsil formalarından xeyli ucuzdur.
-
Müəllimin yeni rolu: DPT–də müəllim əsasən idrak prosesinin əlaqələndirilməsi,
tədris kursunun təkmilləşdirilməsi, fərdi tədris planının tərtibində məsləhət vermək, tədris
layihələrinə rəhbərlik v.s. kimi funksiyaları icra edir. Müxtəlif məkan və zaman daxilində
müəllim-tələbə ünsiyyəti müasir İKT vasitəsi ilə həyata keçirilir. Bu imkan müəllim-tələbə
əlaqələrinin səmərəliyinə, operativliyinə, göndərilmiş informasiyanı əlverişli vaxtda qəbul
etməyə, fərdi öyrənməyə v.s. şərait yaradır.
-
Keyfiyyətə xüsusi nəzarət: DPT-də pedaqoji təhsil standartlarına uyğunluq diqqət
mərkəzində saxlanılır, keyfiyyətə nəzarət forması olaraq distant və canlı (bilavasitə)
imtahanlar, sorğu, müsahibələr , praktik kurs və layihə işləri, eksternat, elektron test
sistemindən istifadə edilir.
-
Xüsusiləşdirilmiş texnologiya və vasitələrdən istifadə: DPT texnologiyası
tələbənin müstəqil surətdə müəyyən informasiya blokunu mənimsəməsi və bu prosesə
nəzarətə imkan verən metod, forma və vasitələr külliyatıdır. Öyrənmə texnologiya konkret
informativ məzmun bazasında qurulur, bu texnologiya informasiyanın optimal təqdimatı
tələblərinə uyğun olmalıdır. DPT-də mənimsənilməsi nəzərdə tutulan biliklərin məzmunu
təhsil standartlarına uyğun olan xüsusiləşdirilmiş kurs və modullarda, elektron dərsliklərdə,
bilik və verilənlər bankında, video–təsvirlər və elektron kitabxanada və s. mənbələrdə əks
olunur.
DPT-nin yaradılmasının əsas məqsədi mərkəzdə və regionlarda yaşayan müəllimlərə
bərabər əlavə təhsil imkanları yaratmaq, qabaqcıl elmi-pedaqoji potensialdan səmərəli istifadə
etməklə təhsilin keyfiyyətini yüksəltmək, innovativ iş təcrübəsi və metodika ilə tanış
olmaqdır. DPT-nin tətbiqinin əsas məqsədi həm də müəllimləri yeni informasiya mühiti, yeni
təlim texnologiyaları ilə təlim prosesində tanış etmək, bu texnologiya ilə onlara pedaqoji
bilikləri daha səmərəli mənimsətmək, şəxsi təcrübədə bu texnologiyanı sınaqdan çıxarmaq,
onları pedaqoji fəaliyyətdə bu texnologiyadan sistemli istifadəyə hazırlamaqdır. DPT müəllim
hazırlıgı texnologiyası olaraq təhsilin keyfiyyətini müasir İKT vasitələrinin intensiv tətbiqi ilə
Dostları ilə paylaş: |