54
sonra böyük ustadın dünyasını dəyişdiyini radio vasitəsilə eşidib
kədərlənmək qismətimiz oldu.
Doğma yurdundan ayrılarkən dediyi sözlər: - “Məgər ayrılıq
qurtarırmı?! Məgər açılarmı qapılar ?! ...O qədər ayrılıq çəkmişəm ki,
sizinlə birgə əmin-amanlıqda yaşamaq ən müqəddəs arzum olmuşdur.”
Bu sözlər, illərlə doğma vətən həsrəti ilə yaşayan Azərbaycanlı bir
şəxsiyyətin nisgilinin kiçicik hissəsini ifadə edə biləcək kəlmələrdir.
Qapılar açıldı, ayrılıqlar bitdi. Lakin təəssüflər olsun, böyük ustad bu
günlərin sevincini bizimlə yaşaya bilmədi.
Əli Səlimi bu gün cismən aramızda deyil, lakin o, öz böyük sənəti ilə
sevimli xalqının qəlbində əbədi yaşayacaqdır. Onun “Ayrılıq” və “Sizə
salam gətirmişəm” mahnıları bu gün də o taylı-bu taylı Azərbaycanda
səslənməkdə, ürəkləri ehtizaza gətirməkdədir.
Məqalənin sonunda öz arzumuzu da bildirmək istərdik. Yaxşı olardı
ki, Əli Səlimi kimi bəstəkar yalnız adlarını yuxarıda çəkdiyimiz iki
mahnının müəllifi olaraq tanınmasın. Onun digər əsərləri də (xüsusilə
“Azərbaycan” süitası) tədqiqatçıların marağına səbəb olsun. Bəstəkarın
çoxşaxəli yaradıcılığı bir neçə aspektdən araşdırılaraq, tədqiqat obyektinə
çevrilsin. Böyük AZƏRBAYCAN həsrətilə yaşayan bəstəkarımızın da
ruhu şad olsun!
Ədəbiyyat siyahısı
1.
Mürsəl Cavad. “Ayrılıq olsa da, dərin köklər dönüb yadlaşmaz”. Məşhur
Azərbaycan bəstəkarı Əli Səliminin xatirəsinə həsr olunur. “Vışka” qəzeti, 25.07.1997
2.
Pərvanə Məmmədli. “Ayrılığı kim yazıb”. “Xalq” qəzeti, 21.07.1998
РЕЗЮМЕ
Композитор живущий ностальгией по Азербайджану
Имя Али Салими известен Азербайджанской музыкальной общественности
как композитор, исполнитель тара и как педагог. Из- за сталинской политики Али
Салими был сослан в Иран, где до конца жизни жил ностальгией об Азербайджа-
не. Статья посвящена жизни и творчеству Али Салими.
Ключевые слова: Азербайджан, Али Салими, «Айрылыг», тар.
SUMMARY
A composer yearning for Azerbaijan
Ali Salimi is known in the history of Azerbaijan music as a talented composer, a dis-
tinguished tar player and teacher. Due to Stalin’s policy, he has been deported to Iran
and lived there until his death with yearning for Azerbaijan. The article describes life
activities of A. Salimi.
Key words: Azerbaijan, Ali Salimi, “ Ayrilig ” (separation), tar.
Rəyçilər: Professor Ramiz Mirişli;
Professor Vaqif Əbdülqasımov.
55
AZƏRBAYCAN MİLLİ KONSERVATORİYASI
«KONSERVATORİYA» № 2, 2011
___________________
Bəstəkarların yaradıcılığı Творчество композиторов
Malik MANSUROV
Azərbaycan Milli Konservatoriyasının baş müəllimi
ƏFRASİYAB BƏDƏLBƏYLİ VƏ AZƏRBAYCAN
XALQ MUSİQİSİ
Açar sözlər: Əfrasiyab Bədəlbəyli, musiqidə xəlqilik, revolyusiya və
kultura, Zurab Paliaşvili, “Qız qalası”, baletmeystr.
Dahi sənətkar Üzeyir Hacıbəyli «Musiqidə xəlqilik» adlı məqaləsində
yazırdı: «Xalq incəsənəti, folklor stili səslər və gözəllik cəhətdən
tükənməz zənginliyə malikdir…
İlk gözəl nəğmə və rəqs melodiyalarının yaradıcısı xalq özüdür. Bizə
bu gün nümunə olan xalq nəğmələri əsrlərdən bəri işlənə-işlənə
yaradılmış və yalnız bizim zəmanəmizdə həqiqi bədii formalar almışdır.
Bununla belə, xalq yalnız yaradıcı, yalnız kompozitor deyildir; xalq
eyni zamanda misilsiz tənqidçi və musiqi əsərlərinin ən yaxşı «istehlak-
çısıdır», xalq musiqi əsərlərinə diqqətlə yanaşır, yaxşını pisdən seçir və
hər çeşidli saxta gözəllikləri və ideyasız dəbdəbələri amansızcasına rədd
edir» (1, s. 322).
Bu məqalə ilk dəfə «Revolyusiya və kultura» jurnalının 1939-cü il 5-
ci sayında dərc edilmişdir (kiçik dəyişikliklərlə Möskvada çıxan
«Narodnoe tvorçestvo» jurnalının 1939-cü il 4-cü sayında da çap olun-
muşdur). Məqalədə xalq musiqi sənətinin tükənməz zənginliyi, xalqın
özünün yalnız yaradıcı deyil, eyni zamanda misilsiz tənqidçi olduğu,
«saxta gözəllikləri və ideyasız dəbdəbələri amansızcasına rədd etdiyi»
göstərilmişdir. Ü.Hacıbəyli xalqın yüksək estetik tələblərini təmin etmək
üçün bəstəkarın ümumi musiqi mədəniyyətindən başqa, xalq musiqisi
sahəsində də ciddi məlumata malik olmağının zəruriliyini, özünün «xalq
musiqisini əsaslı surətdə öyrənməyincə böyük əsərlər yazmağa
tələsmədiyini» qeyd etmişdir. Müəllif həmçinin, Azərbaycan xalq
musiqisinin xüsusi bir sistemə malik və tam formalaşmış müstəqil bir
incəsənət növü olduğunu göstərmiş, eləcə də temperasiya, muğam,
çoxsəslilik məsələlərinə toxunmuş, xalq musiqisinin konservatoriyada
tədris olunmasının vacibliyini vurğulamışdır (2, s. 156).
Xalq musiqisini əsaslı şəkildə öyrənib, ondan bəhrələnən sənətkarları-
56
mızdan biri də görkəmli bəstəkar, dirijor və musiqiçi Əfrasiyab Bədəlbəy
oğlu Bədəlbəyli (1907-1976) idi.
Bədəlbəyov Bədəlbəy Bəşir oğlu (1875-1932) maarif xadimi,
Əfrasiyab və Şəmsi Bədəlbəylinin atası, Üzeyir Hacıbəylinin xalası
oğludur. Qori seminariyasını bitirdikdən sonra Bakıdakı rus-müsəlman
məktəbinin (indiki 6№-li məktəb) müdiri olmuşdur. Hacıbəylinin bir
müddət bu məktəbdə müəllimlik etmiş, hesab, rus dili, coğrafiya,
ədəbiyyat və musiqi fənlərindən dərs demişdir. Bədəlbəyov «Nicat»
xeyriyyə cəmiyyətinin üzvü olmuş, həvəskar aktyor kimi opera və dram
tamaşalarında, o cümlədən Hacıbəylinin «Leyli və Məcnun» operasında
Məcnun rolunda məharətlə çıxış etmişdir (2, s. 48).
Bədəlbəyli Əfrasiyab Bədəl bəy oğlu – bəstəkar, dirijor, müsiqişünas,
librettoçu. Azərbaycan xalq artisti (1960). B.Bədəlbəyovun oğlu,
Hacıbəylinin xalanəvəsidir. İlk Azərbaycan baletinin («Qız qalası»,
1940) müəllifidir. 1930-cu ildən ömrünün sonunadək Azərbaycan Opera
və Balet Teatrının dirijoru olmuşdur. Repertuarında Avropa, rus, eləcə də
Azərbaycan bəstəkarlarının əsərləri, o cümlədən Hacıbəylinin «Leyli və
Məcnun» operası mühüm yer tutmuşdur. Hacıbəyli ilə sıx yaradıcılıq və
şəxsi dostluq əlaqələri saxlamışdır (2, s. 48).
Əslən Qarabağdan olan Bədəlbəy dövrünün qabaqcıl maarif və
mədəniyyət xadimi idi. O, Bakıya köçdükdən sonra geniş fəailiyyətə
başlayaraq, xalqın maariflənməsi, milli mədəniyyətin yüksəldilməsi yolunda
səmərəli, ictimai iş aparmışdı. Bədəl bəy övladlarının zəkalı və savadlı
böyüməsi üçün varlığını əsirgəmir, şəxsən özü onların hümanizm və
maarifçilik ideyaları ilə silahlanmasına səy göstərirdi. O dövrün mütərəqqi
ziyalıları ilə dostluq edən Bədəl bəyin evində görkəmli ədəbiyyat, incəsənət,
mədəniyyət xadimləri - xalası oğlu Üzeyir Hacıbəyli, Süleyman Sani,
Hüseyn Cavid, tələbəsi Cəfər Cabbarlı və başqaları tez-tez qonaq olurdular.
Əfrasiyab məhz belə bir ailədə və mühitdə tərbiyə alıb, böyüyürdü. Onun
gənc yaşından teatra, musiqiyə bağlılığı da bilavasitə bununla əlaqədardı.
Əfrasiyabın peşəkar musiqiçi kimi formalaşmasında, kamilləşməsində
Sankt-Peterburqda təhsil alması mühüm rol oynayıb. Elə bu zaman o,
irihəcmli monumental əsərlər yaratmaq istəyi ilə yaşamışdır.
Əfrasiyab ilk dəfə dirijor pultu arxasında 1929-cu ildə dayanmışdır. O
zaman maestronun cəmi 22 yaşı vardı. "Əsli və Kərəm" operasının
tamaşasında orkestri idarə edən Ə.Bədəlbəyli Azərbaycanın ilk peşəkar
dirijorlarından biri kimi həmin ildən etibarən dolğun və səmərəli
fəaliyyət göstərmişdir. Pult arxasında durduğu təxminən 45 il ərzində o,
bir çox opera və balet tamaşasının musiqi rəhbəri və dirijoru olmuş,
klassik dünya, rus və müasir bəstəkarların dəyərli musiqi əsərlərinin
təfsirində yaxından iştirak etmişdir. Ə.Bədəlbəyli hər hansı tamaşada
Dostları ilə paylaş: |