Azərbaycan Respublikasının daxili və xarici siyasətinə, beynəlxalq münasibətlərə dair analitik jurnal

STRATEJİ TƏHLİL | Say 1 (12) • 2015
150 
22.   Prezident İlham Əliyevin Qarabağ müharibəsi əlilləri və şəhid ailələri üçün tikilmiş bina-
nın istifadəyə verilməsi mərasimindəki  nitqi /18 noyabr 2011/ http://president.az/artic-
les/3688/print//
Anar Farmayilov
Tourism development in the context of the growth of social  
     well-being of the Azerbaijani people
Tourism acts as a strategically important area of social policy. The develop-
ment of tourism as well as contributes to a new perception of national tradi-
tions and cultures in the world and their representation. The development of 
tourism in all its forms, that is, domestic and foreign tourism, is a mechanism 
of social policy aimed at improving the welfare of the population.
Tourism creates conditions for opening of new workplaces. In connection 
with the development of tourism infrastructure in the regions construction of 
new hotels, entertainment venues open  new workplaces  that contribute to 
the successful resolution of employment policy.
Анар Фармайылов
Развитие туризма в  контексте роста социального благосостояния 
Азербайджанского  народa
Туризм выступает как стратегически важное направление социальной 
политики  страны.  Развитие  туризма  способствует  новому  восприятию 
национальных традиций и культур и их представлению миру.  Развитие 
туризма во всех его формах, то есть внутреннего и иностранного туризма, 
является механизмом социальной политики, направленной на повышение 
благосостояния населения.
В  связи  с  развитием  инфраструктуры  туризма  в  регионах  страны 
строятся  новые  отели,  развлекательные  центры,  открываются  новые 
рабочие  места,  что  способствует  удачному  разрешению  вопроса 
занятости. 
KİV-in 
fəaliyyətinin hüquqi 
tənzimlənməsinə 
nəzəri-politoloji 
baxış

---

Say 1 (12) • 2015 | STRATEJİ TƏHLİL 
151
Açar sözlər: KİV, informasiya, vətəndaş cəmiyyəti, hakimiyyət, qanunvericilik, 
hüquq, demokratiya, manipulyasiya
Key words: Mass Media, information, civil society, government, legislative, 
law, democracy, manipulation
Ключевые слова: СМИ, информация, гражданское общество, прави-
тельства, законодательство, права, демократия, манипуляция
KİV-in 
fəaliyyətinin hüquqi 
tənzimlənməsinə 
nəzəri-politoloji 
baxış
Vüqar 
RƏHİMZADƏ 
AMEA Naxçıvan Bölməsinin doktorantı, 
siyasi elmlər üzrə fəlsəfə doktoru, dosent
[e-mail]

---

STRATEJİ TƏHLİL | Say 1 (12) • 2015
152 
Giriş
Kütləvi informasiya vasitələrinin (KİV) vətəndaş cəmiyyəti strukturunda hüqu-
qi ölçüsü ilk növbədə informasiyanın əldə edilməsi, saxlanılması və ötürülməsi 
prosesində aydınlaşır. Azərbaycanda demokratiya və söz azadlığının sürətli inki-
şaf səviyyəsi ölkə qanunvericiliyində KİV-lərlə bağlı xeyli sayda maddələrin əlavə 
və dəyişikliyi ilə yadda qalmışdır. Beynəlxalq təşkilatların KİV ilə bağlı müvafiq 
qərarları da Azərbaycan Respublikası Milli Məclisi tərəfindən zaman-zaman rati-
fikasiya edilərək ölkənin KİV qanunvericiliyinin inkişafına yönəldilmişdir.
Müasir dövrdə Azərbaycanda dövlət quruculuğu prosesini şərtləndirən ən 
mühüm amillərdən biri də köhnə ictimai-siyasi quruluşdan və ideya-siyasi ba-
xışlardan imtina edib, əvəzində yeni quruluş və baxışlar sisteminin qurulması 
məsələsidir [1, s.55-56]. Bu məsələdə isə Azərbaycanın tutduğu yol, ideya-si-
yasi xətt demokratiya yoludur. Ümummilli lider Heydər Əliyevin dəfələrlə qeyd 
etdiyi kimi, respublikamızda dövlət quruculuğu demokratik prinsiplər əsasında 
gedir. Ölkəmizdə demokratik, hüquqi, sivilizasiyalı dövlət qurulur [2, s.388]. Bu 
mənada  Azərbaycanda  ictimai  sektorla  bağlı  qəbul  edilmiş  qanunlar  da  elə 
ölkədə demokratik prinsiplərin rəhbər tutulduğunu göstərir.
Azərbaycan müstəqillik əldə etdikdən sonra KİV-in sayı artdığı qədər infor-
masiyanın  alınması  və ötürülməsində, eləcə də ilkin  informasiya  mənbəyinə 
olan münasibətlərdə də kifayət qədər mühüm dəyişikliklər oldu. Təsadüfi de-
yildir ki, bəzən eyni əhəmiyyətə malik informasiya müxtəlif təbəqələr üçün ya-
yım mənbəyindən asılı olaraq eyni məna kəsb etmir və ya başqa cür yanaşılır. 
Bütün bunlar vətəndaş cəmiyyəti şəraitində labüd hallar olsa da, bir çox hallar-
da informasiyanın səmimiliyinə olan inamın azalması deməkdir. Vətəndaşların 
informasiya  texnologiyalarından  bəhrələnərək  media  üçün  informasiyanı 
ötürmək istəyi vətəndaş cəmiyyətinin səviyyəsi ilə ölçülür.
KİV  siyasi  sistemdə  “dördüncü  hakimiyyət”  adlandırılsa  da,  vətəndaş 
cəmiyyəti strukturunda öncül yerə və rola malikdir. “Dördüncü hakimiyyət”in 
fəaliyyət istiqamətinə yönəldilmiş siyasi qərarlar bütün zamanlarda hakimiyyət 
bölgüsünü dürüst dəyərləndirməyə şərait yaradır. Vətəndaş cəmiyyəti struk-
turları  isə  geniş  anlayışdır.  Bəşəriyyətin  inkişafı  bu  cəmiyyətlərin  iqtisadi 
əsaslarını möhkəmləndirdiyi kimi, KİV institutunun formalaşması da vətəndaş 
cəmiyyətinin  dinamikasını  sürətləndirmiş  olur.  Ancaq  eyni  zamanda  KİV 
vətəndaş cəmiyyəti strukturunda hüquqi nizamlanmaya ehtiyac duyulan xüsu-
si bir sahə kimi qəbul edilir.
1. KİV informasiya cəmiyyətinin inkişafının aparıcı faktorudur
KİV insan üçün informasiya mənbəyi olaraq vətəndaş cəmiyyətinin inkişa-
fında mühüm rol oynayır, eyni zamanda informasiyanın cəmiyyətdə yayılma-
sının əsas vasitəsinə çevrilməkdədir. KİV dedikdə dövri çap buraxılışları, radio-
televiziya, kinoxronikal proqramlar, kütləvi informasiyaların dövri yayılmasının 
digər formaları başa düşülür. KİV təyinat, yayılma və dövrilik xüsusiyyətlərinə 

---