84
əsasında hazırlanan çalışmalardan nisbətən istifadə olunur. Əvvəlcə
avtomatın quruluşu şagirdlərə aydınlaşdırılır. Bu zaman V.A.Deq-
tyarev pistolet-pulemyot sistemi (PPD-40), Q.S.Şpaqinin pistolet-
pulemyot sistemi (PPŞ-41), A.İ.Sudayevin pistolet-pulemyot sis-
temi (PPS-43), V.A.Kalaşnikovun modernləşdirilmiş avtomat sis-
temləri (AKM və AKMS) haqqında məlumat çatdırılır. Onların isti-
fadəyə verildiyi vaxt, xəzinənin neçə patron tutduğu və s. haqqında
məlumat verdikdən sonra müəllim avtomat Kalaşnikovun döyüş
zamanı yerinə yetirdiyi funksiyanın, döyüşə hazır vəziyyətinin və
ümumi quruluşunun izahına keçir. Şagirdlər öyrənirlər ki: “Avto-
matdan atəş iki qaydada: avtomat (AA) və tək-tək atəş (TA) for-
masında aparılır. Avtomatdan atəş açmağın başlıca formalarından
biri avtomat atəşdir. Avtomat atəşin özü də iki formada aparılır.
Qısa növbəli və uzun növbəli atəşlər. Qısa növbəli atəş 5 atəşə kimi,
uzun növbəli atəş 10 atəşə kimi olan atəşə deyilir. Patronlar hər biri
30 patrontutan daraq vasitəsilə avtomatın atəş oyuğuna verilir.
Avtomatın atəş tempi 1 dəqiqədə 600-ə yaxındır. Bu o vaxt olur ki,
1 dəqiqə müddətində atəşin arası kəsilməsin. Döyüş zamanı avto-
matdan bir dəqiqədə arasıkəsilmədən 100-ə qədər atəş açmaq müm-
kündür, tək-tək isə 40-a qədər atəş açmaq olur. AKM avtomatının
çəkisi 3,6 kq-dır. Süngü bıçağın çəkisi isə 450 q-dır.”
Sonra aşağıdakı çalışmalar yerinə yetirilir: “Kalaşnikov avto-
matından 0,6 dəqiqə avtomatik və 2,3 dəqiqə ardıcıl tək-tək atəşlər
açmaq üçün neçə daraq (sandıq) lazımdır?”, “Məlumdur ki, AKM-
in çəkisi 3,6kq, süngü -bıçağının çəkisi 450q-dır. Süngü-bıçaq
AKM-in çəkisinin neçə faizini təşkil edir?” və s.
Hərbi rəhbər avtomatın ümumi quruluşu barədə danışarkən
məktəblilərin fəza fiqurları təsəvvürlərinə, həndəsədən və rəsmxət-
dən mənimsədikləri biliklərə, bu biliklərə əsaslanan riyazi məzmun-
lu çalışmalara və bu mərhələdə onların həllinə ehtiyac duyulmasına
baxmayaraq onlardan istifadə etmir. Belə çalışmalar həndəsi fiqur-
larla avtomat hissələrinin müqayisəsi yolu ilə həll oluna bilər. Bu
imkan proqram və dərsliyin təhlilində öz əksini tapmışdır. Lakin
təcrübədən anlaşılır ki, həndəsi fiqurlardan istifadə edərək avtomat
85
hissələrinin şagirdlərə mənimsədilməsi işi zəif qurulur. Elə ona görə
də məktəblilər avtomat hissələrinin adlarını, quruluşunu və funksi-
yalarını təsəvvürlərində canlandırmaqda, yadda saxlamaqda və
sonradan onları aydınlaşdırmaqda çətinlik çəkirlər. Avtomatla
tanışlıqla əlaqədar məktəbdə məşğələlərin keçirilmə vəziyyətinin
təhlili və alınan nəticələr eynilə, “7,62mm-lik Kalaşnikov əl pelem-
yotları”nın öyrədilməsi prosesinə də aiddir.
Müşahidələr göstərir ki, “Hərbi topoqrafiya” mövzusunun təd-
risi prosesində şagirdlərə riyazi məzmunlu hərbi çalışmalar qismən
həll etdirilir. Məsələn, “Kəşfiyyatçı əsgər körpüdən 45 azimut üzrə
1500 metr uzaqlaşmalıdır. Onun hərəkət trayektoriyası necə olma-
lıdır?” və s.
Belə çalışmalar təlim prosesinin keyfiyyətinə müsbət təsir
göstərir. Odur ki, onların tərtibinə biz də əsərin növbəti yarımfəsil-
lərində geniş yer verəcəyik.
Ümumtəhsil məktəblərində ibtidai hərbi hazırlıq məşğələlə-
rinin keçirilməsi zamanı hərbi məzmunlu fizika, həndəsə, cəbr,
riyazi analiz, astronomiya və rəsmxət məsələlərindən necə istifadə
edildiyini öyrənmək məqsədilə həm şagirdlər, həm də hərbi rəhbər-
lərlə frontal sorğu keçirilmişdir. Sorğu respublikanın müxtəlif şəhər
və kənd məktəblərini əhatə etmişdir. Sorğuya Bakı, Gəncə, Şirvan
(Əli-Bayramlı), Daşkəsən və s. şəhər məktəblərinin, həmçinin Ab-
şeron, Yevlax, Şəmkir, Göy-göl, Xaçmaz, Daşkəsən və s. rayon
məktəblərinin 64 hərbi rəhbəri və 300 şagirdi cəlb olunmuşdur.
Sorğu bir qrup şəhər (Bakı və Gəncə) və kənd (Abşeron, Yevlax)
məktəblərində bilavasitə tədqiqatçının iştirakı ilə keçirilmiş, bir sıra
məktəblərə isə yazılı şəkildə məktub vasitəsilə göndərilmişdir.
Hərbi rəhbərlərdən və şagirdlərdən alınan cavablar tədqiq etdiyimiz
problem baxımından təhlil olunub ümumiləşdirilmişdir.
Hərbi rəhbərlərlə keçirilmiş sorğunun mətni belə idi:
Hərbi məzmunlu fizika və riyazi çalışmalardan ibtidai hərbi
hazırlıq üzrə hansı məşğələlərdə və necə istifadə edirsiniz?
Şagirdlərlə aparılmış sorğunun mətni isə belədir:
86
1.
Hərbi topoqrafiyanı öyrənərkən hansı riyazi çalışmalardan
istifadə edə bilərsiniz və necə?
2.
“Atıcılıq hazırlığı” (“Atəş hazırlığı”) bölməsində riyaziy-
yata dair hansı çalışmalardan istifadə edə bilərsiniz və necə?
Sorğu zamanı hərbi rəhbərlərdən və məktəblilərdən alınan
cavablar həm keyfiyyətcə, həm də kəmiyyətcə təhlil olunur. Hərbi
rəhbərlərin və şagirdlərin cavabları öz keyfiyyətinə görə 4 qrupa
(səviyyəyə) bölündü. Cavabların belə qruplaşdırılmasında aşağıdakı
prinsip rəhbər tutulmuşdur:
a)
ibtidai hərbi hazırlıq məşğələlərində hərbi rəhbər fizika və
riyazi çalışmalardan yerində, düzgün və əlverişli formada istifadə
etsin.
b)
Şagird fizikaya və riyaziyyata aid biliklərindən müstəqil,
düzgün və məntiqi cəhətdən bitkin şəkildə istifadə edə bilsin.
Həmin 4 qrupun (səviyyənin) hər birinin mahiyyətini aydın-
laşdıraq. Səviyyələrin mahiyyətini yalnız şagirdlərin cavabları üzrə
nəzərdən keçirəcəyik. Hərbi rəhbərlərin cavabları üzrə səviyyələrin
izahı isə analoji qaydada aparılır.
I səviyyəyə elə məktəblilərin cavabları daxil edilmişdir ki,
onlar hərbi materiallarla tanış olduqdan sonra həmin materialın
izahı zamanı riyazi və ya fizika biliklərini ümumiyyətlə yadlarına
salmırlar. Buna ehtiyac duymurlar, heç təşəbbüs belə göstərmirlər.
Cavabları bu qrupa daxil olan hərbi rəhbərlərin isə bir qismi
keçilən ibtidai hərbi hazırlıq dərsinə uyğun riyazi biliklərdən və yeri
gəldikdə riyazi çalışmalardan istifadəyə meyl göstərmir, bu məsə-
ləyə etinasız yanaşır, digər qismi isə məşğələdə fənlərarası əlaqəyə,
xüsusən buna aid çalışmaların həllinə əlavə (artıq) bir iş kimi baxır
və həmin işin təlimin keyfiyyətinin yüksəldilməsinə ləngidici təsir
göstərəcəyini fikirləşirlər.
II səviyyəyə daxil olan cavablarda şagirdlər dərsin məzmunu-
na uyğun fizika və riyazi biliklərindən istifadə etməyə və riyazi
çalışmaları yerinə yetirməyə çalışırlar, lakin fizika, riyazi və hərbi
anlayışları düzgün əlaqələndirə bilmədiklərindən həmin çalışmala-
rın həllində kobud səhvlərə yol verirlər.
Dostları ilə paylaş: |