Azərbaycanın müstəqilliyinin
Yüklə 5,01 Kb. Pdf görüntüsü
|
167 Malyariya xəstəliyinə qarşı irihəcmli təşkilati, müalicə-profilaktik və əksepidemik tədbirlərin aparılması tez bir zamanda öz müsbət nəticəsini verdi. Belə ki, son 5 ildə xəstəlik halları 10 dəfə azalmışdır. Hazırda söhbət malyariyanın bir xəstəlik kimi tamamilə ləğvindən gedir. Qeyd edək ki, bu sahədə əldə olunmuş təcrübəni bölüşdürmək və onu daha yüksək səviyyəyə qaldırmaq məqsədilə 2001-ci ilin noyabrında Bakıda malyariya üzrə beynəlxalq konfrans keçiriləcəkdir. Vərəmlə mübarizə problemi Səhiyyə Nazirliyi tərəfindən əsas prioritet sahə kimi irəli çəkilmiş və 2000-ci il vərəmə qarşı mübarizə ili elan olunmuş, həyata keçirilmiş bir sıra mühüm tədbirlər beynəlxalq təşkilatlar tərəfindən yüksək qiymətləndirilmişdir. Bütün xəstələrin (4 min nəfərdən artıq qeydiyyata alınmışdır) müalicəsi, lazım olan dərman, ərzaq və nəqliyyat xərcləri səhiyyə islahatları çərçivəsində əldə edilmiş büdcədənkənar vəsait hesabına həyata keçirilmişdir. 1999-2000-ci illərdə Bakı şəhərində yoluxucu xəstəliklərə həsr edilmiş bir neçə beynəlxalq konfrans, seminar və digər toplantılar, həmçinin 49 ümumrespublika və rayonlararası seminar-müşavirə keçirilmişdir. Seminar-müşavirələrin səkkizi Ümumdünya Səhiyyə Təşkilatının mütəxəssisləri tərəfindən aparılmışdır. Səhiyyənin prioritet sahələrindən biri olan ana və uşaqların sağlamlığının mühafizəsi sahəsində də xeyli işlər görülmüşdür. 1996-cı ildə Səhiyyə Nazirliyi tərəfindən BMT-nin Əhali fondunun təşəbbüsü və birbaşa maliyyə dəstəyi ilə "Azərbaycanda reproduktiv sağlamlıq və ailə planlanması sahəsində xidmətlərin keyfiyyətinin planlaşdırılması və yaxşılaşdırılması üzrə" Milli Proqram işlənib hazırlanmışdır. Ana və uşaq ölümünün, abortların sayının azaldılmasına yönəldilmiş proqram çərçivəsində Bakı, Gəncə, Naxçıvan, Masallı, Şəki və Qusarda yaxşı maddi-texniki bazası olan 6 regional mərkəz təşkil edilmişdir. İki mərhələdə həyata keçirilən proqramın birinci mərhələsi 1996- 1999-cu illəri əhatə etmişdir. BMT-nin Əhali Fondu tərəfindən ayrılmış vəsait hesabına həyata keçirilən proqramın 2000-2004-cü illəri əhatə edəcək ikinci mərhələsinə 2000-ci ilin noyabr ayında başlanmışdır. Proqram Səhiyyə Nazirliyinin nəzdində fəaliyyət göstərən Reproduktiv Sağlamlıq üzrə Milli Ofis tərəfindən icra edilir. Milli Ofis artıq Reproduktiv Sağlamlıq Milli Siyasət Sənədini hazırlamış, bu mövzuya dair seminar-müşavirə və Ümumdünya Səhiyyə Təşkilatı nümayəndəsinin iştirakı ilə konfrans keçirmişdir. Hazırda yeni yaradılacaq 15 regional mərkəzin müəyyən edilməsi üçün iş aparılır. Əsrin "bəlası" sayılan narkomaniya ilə mübarizə probleminə Azərbaycan Prezidenti Heydər Əliyevin dövlət səviyyəsində verdiyi əhəmiyyət səhiyyə işçiləri qarşısında mühüm vəzifələr qoyur. Bu məqsədlə "Azərbaycan Respublikasında 2000-ci ilədək narkomanlığa, narkotik vasitələrin və psixotrop maddələrin qeyri-qanuni dövriyyəsinə qarşı mübarizə üzrə" ümummilli proqramın tələblərinə uyğun olaraq narkomaniya və xronik alkoqolizmlə mübarizədə bir sıra konkret tədbirlər həyata keçirilmişdir. Səhiyyə Nazirliyinin elmi-tədqiqat institutlarının fəaliyyətində, elmi tədqiqatların aparılması və tibbi kadrların hazırlanması sahəsində geniş islahatlar aparılmışdır. Azərbaycan Respublikasının Səhiyyə Nazirliyi ilə Rusiya Federasiyası Səhiyyə Nazirliyi arasında əldə olunmuş razılaşmaya uyğun olaraq respublikanın 13-dən çox elmi-tədqiqat institutları və mərkəzləri elmi-praktik və xəstə mübadiləsi üzrə Rusiyanın müvafiq elmi mərkəzləri ilə müqavilələr bağlamışlar. Analoji müqavilələr MDB dövlətləri və bir sıra xarici dövlətlərlə də imzalanmışdır. Bu müqavilələr elmi- tədqiqat işlərinin yerinə yetirilməsi müddətlərinin qısaldılmasına və elmi işlərin praktik tələblərə daha çox cavab verməsinə şərait yaratmışdır. Səhiyyə islahatları çərçivəsində Tibb Universitetində mühüm işlər görülmüşdür. Universitetin 10 kafedra, kitabxana və informasiya mərkəzi yerləşən yeni tədris binası və akt zalı istifadəyə verilmiş, aspirantlar və klinik ordinatorlar üçün nəzərdə tutulan ailəvi yataqxana istismara hazır vəziyyətdədir; bütün kafedralar kompüterləşdirilmiş, onların maddi- texniki bazaları möhkəmləndirilmişdir. Müstəqil dövlətimizin hərbi həkimlərə olan ehtiyacını nəzərə alaraq Hərbi-tibbi fakültə açılmışdır. İslahatların gedişində səhiyyə obyektlərinin genişləndirilməsi və yenidən qurulması istiqamətində xeyli işlər görülmüşdür. Bir sıra səhiyyə obyektlərinin açılışında dövlət başçısı Heydər Əliyev şəxsən iştirak etmişdir. Azərbaycan Prezidentinin iştirakı ilə ilk özəl tibb xidməti şirkəti- "Medi Klub", "Respublika Artroloji Mərkəzi", "Ailə Sağlamlıq Mərkəzi", Azərbaycan Tibb Universitetinin tədris korpusu və akt zalı açılaraq istifadəyə verilmiş, Elmi-Tədqiqat Ağ Ciyər Xəstəlikləri İnstitutunun binası müasir səviyyədə təmir edilərək yenidən qurulmuş, ən müasir cihaz və avadanlıqlarla təchiz olunaraq əhalinin xidmətinə verilmişdir; Azərbaycan Respublikasının Prezidenti Heydər Əliyev binanın açılması mərasimindəki nitqində səhiyyə işçilərini bu münasibətlə təbrik edərək, onları səhiyyə sistemindəki islahatları daha da sürətləndirməyə çağırmışdır. 168 Azərbaycanda səhiyyə müəssisələrinin yenidən qurularaq müasir avadanlıqlarla təchiz edilməsində Yaponiya, Fransa kimi dövlətlər fəal iştirak etmişlər. 2000-ci ilin dekabr ayında Səhiyyə Nazirliyinin dünya standartlarına cavab verən Mərkəzi Klinik Xəstəxanasının açılışı, açılış mərasimində möhtərəm prezidentimizin iştirakı əsrin sonunda Azərbaycan səhiyyəsi tarixində əlamətdar hadisə oldu. Azərbaycan Prezidentinin şəxsi təşəbbüsü və bilavasitə köməkliyi ilə, hələ SSRI dövründə regional əhəmiyyət kəsb edən obyektlər kimi tikintisinə başlanmış Respublika Milli Onkologiya Mərkəzinin və Elmitədqiqat Oftalmologiya İnstitutunun tikintisinin başa çatdırılması ilə əlaqədar xarici ölkə şirkətləri ilə aparılan danışıqlar nəticəsində hər iki obyektin tikintisi respublika investisiya proqramına daxil edilmişdir. Səhiyyənin statistik və məlumat xidməti bazasının təkmilləşdirilməsi sahəsində də müəyyən işlər görülmüş və Azərbaycan Respublikası əhalisinin sağlamlığının Milli monitorinq sistemi konsepsiyası hazırlanmış və hazırda uğurla həyata keçirilir. Bu gün Azərbaycan səhiyyəsi dünya səhiyyəsində özünün layiqli yerini tutan və qiymətini alan bir strukturdur. 1998-ci il mayın 11-dən 16-dək keçirilən Ümumdünya Səhiyyə Təşkilatının ali orqanının sessiyasında ölkəmizdə aparılan səhiyyə islahatları yüksək qiymətləndirilərək Azərbaycana göstərilən yardımın 1999-cu ildən etibarən üç dəfə artırılması qərara alınmış, Azərbaycan Respublikasının səhiyyə naziri Əli İnsanov Ümumdünya Səhiyyə Təşkilatının Baş Assambleyasının vitseprezidenti seçilmişdir. MDB dövlətlərinin səhiyyə sistemində əməkdaşlıq üzrə şurasında isə Azərbaycan Respublikasında səhiyyə islahatları çərçivəsində əldə edilmiş müvəffəqiyyətlərə görə Səhiyyə Nazirliyinin rəhbərliyi "Qızıl Medal"a layiq görülmüşdür. Azərbaycan Ümumdünya Səhiyyə Təşkilatının bir sıra layihələrinə cəlb edilmiş və hazırda bir çox proqramların fəal iştirakçısıdır. Digər beynəlxalq təşkilatlar və xarici ölkələrlə səhiyyə sahəsində əməkdaşlıq sahəsində xeyli iş görülmüşdür. 1997-ci ildə Bakıda keçirilən Pediatrların IV Beynəlxalq Konqresi pediatriya elmi sahəsində, eləcə də respublikamızın səhiyyə tarixində mühüm hadisəyə çevrildi. Dünya şöhrətli alim İhsan Doğramacının sədrlik etdiyi həmin konqresdə Azərbaycan Prezidenti Heydər Əliyevin şəxsən iştirak etməsi, səhiyyəmiz üçün yeni proqram sənədə çevrilən tarixi nitqi səhiyyə işçilərinin fədakar əməyinə verilən yüksək qiymətin parlaq təzahürü oldu və onları islahatlar yolunda daha cəsarətli addımlar atmağa səslədi. Respublika həyatının bütün sahələrində olduğu kimi səhiyyə sahəsində də yeni iqtisadi sistemə uyğun olaraq həyata keçirilən islahatlar, inkişaf və tərəqqi dövlət başçımızın bilavasitə rəhbərliyi altında XXI əsrin əvvəlindən yeni vüsət almaqdadır. Yüklə 5,01 Kb. Dostları ilə paylaş:
|