B a L o ğ L a n q u L i y e V
Yüklə 3,45 Mb. Pdf görüntüsü
|
- Bu səhifədəki naviqasiya:
- 8.5. Yay oyunları «Çobanlar və keçilər»
- Suda yarış.
- Asta get, tez çat!
- Şəkil 66. «Dairədə qaçmaq» oyunu Tullanma
357
8.5. Yay oyunları «Çobanlar və keçilər» Bu oyunu həyətdə, talada, idman zalında, bir sözlə, geniş və hamar olan hər bir meydançada keçirmək olar. Oyunun gedişinə nəzarət yetirmək üçün əvvəlcə hakim seçilir. Sonra isə hazırlıq işləri görülür. Bunun üçün yerdə diametri 8-10 metr olan bir dairə çəkilir. oyunçular sayları eyni olmaqla iki komandaya ayrılırlar. Oyunu artıq başlamaq olar. Komandalardan biri keçib dairənin içərisində dayanır. Bunlar «keçilər», o biri komanda isə dairədən kənarda qalır. Bunlar da «çobanlar» olurlar. «Çobanlar»dan biri dairənin içərisinə keçib, bir ayağı üstə atılaraq «keçilərə» çatmaq istəyir. «Çoban» «keçiyə» ancaq şəhadət barmağı ilə toxuna bilər. «Keçini» itələməyə, ya da tutmağa icazə verilmir. «Keçilər» Çobandan»qaçıb uzaqlaşarkən dairədən bayıra çıxmamalıdırlar. Əgər «çoban» «keçiyə» toxuna bilərsə hər ikisi dairəni tərk edir. Onların əvəzinə dairəyə başqa bir çoban girir. «Çobanlar» bütün «keçiləri» tutandan sonra komandalar yerlərini dəyişirlər. Bütün «keçiləri» daha tez tutan komanda qalib sayılır.
Oyunçular sıraya düzülürlər. Onlardan üç metr aralı isə aparıcı dayanır. O, bir hərfin adını çəkib əlində tutduğu topu sıradakı birinci oyunçuya atır. Həmin oyunçu topu tutan kimi yanındakına ötürür. Beləliklə top əldən-ələ keçir. Aparıcı «şəhər» deyən kimi topun ötürülməsi dayandırılır. Top kimin əlində qalıbsa həmin oyunçu hakimin dediyi hərflə başlayan bir şəhər adı deməlidir. Bu vaxt hakim geriyə çəkilib dayanır. Oyunçu şəhərin adını tapandan sonra hakim qollarını halqa şəklində birləşdirir. Cavabı tapan isə üç metr irəliləyib topu ataraq həmin halqaya salmağa çalışır. Əgər top halqaya düşərsə, əvvəlki aparıcı oyunu davam etdirir. 358
Oyunda tək şəhər adı yox, heyvan, çiçək, meyvə, quş, çay, göl və başqa adlardan da istifadə etmək olar.
Bu oyunu dənizdə, çayda və göldə keçirmək olar. Sahilə yaxın elə yer seçilməlidir ki, bu boğazdan yuxarı olmasın. Oyunda hərəsində 10-12 uşaq olamqla iki komanda iştirak edir. İdarə etmək üçün isə hakim də seçilir. Sahilə aralarında 50 metr məsafə olmaqla iki dirək basdırılır. Bunlardan biri «finiş», o biri isə «start» olur. Hər komandadan bir iştirakçı əlindəki topla suya girib startda dayanır. Hakimin işarəsilə onlar əllərindəki topu qarşılarına qoyur, sonra da başları ilə itələyərək üzə-üzə finişə tərəf gedirlər. Kim finişə tez çatarsa o, qalib sayılır.
Bu oyun üçün hamar meydança lazımdır. Meydançada start, finiş xətləri çəkilir. Aparıcı işarə verən kimi start xəttinə düzülmüş oyunçular finiş xəttinə çatmağa tələsirlər. Kim irəliləyərək finişə daha tez çatarsa, o, qalib sayılır.
Yerdə 15x15 ölçüsündə bir kvadrat, bu kvadratda da diametri 100 santimetr olan beş dairə çəkin (şəkil 66). Yarışın keçirilmə qaydası belədir: mərkəzdə çəkilmiş dairədə oyunun aparıcısı öz yerini tutur. Kənardakı digər dörd dairənin içində isə o biri üç oyunçu dayanır. Hakimin işarəsi ilə dairələrdə durmuş oyunçular boş dairəyə tərəf qaçmağa başlayırlar. Bu zaman mərkəzdə durmuş oyunçu onlardan daha tez hərəkət edib boş dairələrdən birini tutmağa çalışmalıdır. Əgər o, buna nail olmuşsa, onda dairələrdən kənarda qalan oyunçu mərkəz dairədə onun yerini tutur. Əgər qaçış zamanı bir dairədə iki oyunçu olarsa onda bu oyunçuların hər ikisi məğlub hesab edilir və onlardan biri mərkəzdə aparıcı-oyunçunun yerini tutur. Oyun fasiləsiz olaraq beş dəqiqə davam edir. Qaçış hər 30 saniyədən bir davam etməlidir. Qaçışa oyunun hakimi nəzarət edir. 359
Qalib hamıdan az cərimə xalı toplamış, yəni dairədən daha az kənarda qalmış oyunçu hesab edilir.
Şəkil 66. «Dairədə qaçmaq» oyunu Tullanma
Meydançada oyunun başlanğıcını bildirən xətt çəkin. Yarışda iştirak edəcək oyunçuların sayından asılı olaraq həmin xətdən meydança boyu işarələr qoyulur. Oyunçular start xəttində yerlərini tuturlar. «Marş» işarəsi ilə oyunun bütün iştirakçıları hər iki ayağa təkan verməklə tullanmağa başlayırlar. Bu zaman uzununa fasiləsiz olaraq 10 tullanma hərəkəti yerinə yetirilməlidir. Qızlar isə bu hərəkəti beş tullanışla başa çatdıra bilərlər. Sonuncu oyunçunun nəticəsi qeydə alınır (şəkil 67). Hamıdan uzağa tullanmış oyunçu qalib hesab edilir. Nəzərinizə çatdırılır ki, tullanmaları yerinə yetirərkən fasilə verib dayanmaq olmaz. Bütün tullanışlar bir surətdə yerinə yetirilməlidir. Bu qaydaları pozan oyunçuların nəticələri qeydə alınmır və onlar yenidən hərəkəti təkrar etməlidirlər. Eyni zamanda bir ayaqla təkan verib tullanmağa da icazə verilmir.
Yüklə 3,45 Mb. Dostları ilə paylaş:
|