364
Bu oyunda 4 nəfərdən 20 nəfərədək uşaq iştirak edə bilər.
Oyunçuların yanında yerdə düzbucaqlar çəkilir. bir oyunçu artıq olur.
Oyunçular gərək bucaqdan-bucağa keçsinlər. Aparıcı işarə verəndə isə
təzədən öz yerlərini tutsunlar. Bucaqsız qalan oyunçu hökmən bir şey
ifa etməlidir. O, ya oynamalı, ya da oxumalıdır.
Polşa
«Kim cəlddir»
Uşaqlar iki komandaya bölünüb bir-birinin aprdınca əyləşirlər.
Onların qabağında, 5-6 metr məsafədə aparıcı dayanır. O, cürbəcür
əşyaların adlarını deyir. Bu zaman hər komanda lazım olan əşyaları lap
qabaqda əyləşmiş komandirə ötürür. Oyun, aparıcı əşyaların adlarını
deyib qurtarıncayadək davam edir. Sonra aparıcı gətirilən şeyləri sayır
və qalibləri elan edir.
Kuba
«Oyun-rəqs»
Oyunçular bir-birindən 3-4 metr aralıda iki xəttə düzülürlər.
Aparıcı bu xətlərin arasında dayanır. Oyun hər hansı bir Kuba
melodiyası altında aparılır. Xətlərdə dayanan uşaqlar uxuyur və əl
çalırlar. Aparıcı isə xətlərin arasında rəqs edir və özünə bir nəfər uşaq
götürür. İkilikdə rəqs edirlər. Qalan uşaqlar isə oxumaqda və əl
çalmaqda davam edirlər. Sonra aparıcı öz yoldaşının yerində dayanır
və həmin uşaq indi də bu oyunu başqa birisi ilə davam etdirir. Oyun –
rəqs bu qayda ilə başa çatır.
AFR.
«Kim diqqətlidir?»
Bütün oyunçular dövrə vurub dayanırlar. Ortada, əlində yaylıq
olan aparıcı dayanır. Oyunçular üç dəfə əllərini bir-birinə vururlar. Bu
zaman aparıcı yaylığı havaya atanda onlar əl çalmaqlarını dərhal
dayandırmalıdırlar. Bu zaman, əlbəttə, diqqətli olmaq lazımdır. Çünki
aparıcı əlini qaldıra bilər, ancaq yaylığı atmaz. Vaxtından əvvəl əl
çalan uşaq cərimə olunur. O, hökmən bir mahnı oxumalıdır.
ƏLAVƏLƏR
366
1.1. VMH kompleksinin məqsədi və vəzifələri
«Vətənin müdafiəsinə hazıram» bədən tərbiyəsi kompleksi
həyatımızın ayrılmaz bir hissəsi olmaqla, fiziki mədəniyyətimizin
zənginləşməsində özünəməxsus yeri vardır. VMH kompleksi buna
görə də əsl mənada müstəqil respublikamızın fiziki tərbiyə sisteminin
ayrılmaz hissəsidir. Onun əsas istiqaməti, mahiyyəti ilk növbədə
müxtəlif yaş qrupundan ibarət olan uşaq və yeniyetmələrin, gənclərin,
yaşlı əhalinin cansağlamlığını qorumaq, onların şən və gümrahlığını
təmin etmək, işgörmə qabiliyyətini yüksəltmək, həmçinin, çətin,
mürəkkəb və keşməkeşli olan indiki həyatımızda mübariz bir şəxsiyyət
kimi hazırlamaqdan ibarətdir.
Bədən tərbiyəsi kompleksi 5 pillədən ibarətdir:
I pilə 10-14 yaşlılar üçün.
II pilə 15-18 yaşlılar üçün.
III pilə 19-27 yaşlılar üçün.
IV pilə 28-39 yaşlılar üçün.
V pilə 40-60 yaşlılar üçün.
Kompleks bilik və bacarıqlardan, hərəki fəaliyyət üzrə sınaq
növlərindən və normativlərdən ibarətdir.
VMH kompleksi üzrə nəzir biliklər öyrətməkdə məqsəd
müxtəlif yaş qruplarından olan Azərbaycan vətəndaşının sağlamlığını
möhkəmləndirməklə yanaşı, eyni zamanda böyüməkdə olan gənc
nəslin tədris-idman fəaliyyətini artırmaqdan ötrü onlara fiziki tərbiyə
məşğələləri üzrə gigiyenik qaydaları səhər gigiyenik gimnastikasını,
bədən tərbiyəsi dəqiqə və fasilələrini icra və onu təşkil etmək
qaydalarını mənimsətmək vacib tələbat kimi qarşıya qoyulur.
VMH kompleksinə aid bacarıqlara isə dərslərarası fasiləlrdə
ümuminkişaf kompleks hərəkətlərini yerinə yetirməklə, ilk tibbi
yardım göstərmək həftəlik hərəki rejim və də üzrə verilən
tələblərdaxildir.
Hərəki fəaliyyətdən danışarkən zəruri bir cəhəti unutmamaq
yerinə düşərdi. Xüsusən, hərəki fəaliyyət növləri seçilərkən oğlan və
qızların fiziki hazırlığı, fiziki inkişafı nəzərə alınmış və onların hər biri
üçün ayrılıqda normalarda müəyyən edilmişdir. Burda qaçış, turnikdə
dartınmaq, qolları büküb-açmaq, üzgüçülük, güllə atıcılığı, topun
atılması, yükün aparılması, zədə almışlara və yaralananlara ilk tibbi
yardım göstərmək və i.a. bilik və bacarıqlar nəzərdə tutulmuşdur.