360
Şəkil 67.
«Tullanma» oyunu
Topu maneələrdən keçirmək
Staprt xətti çəkin, hər beş metrdən bir hündürlüyü 40
santimetr olan maneələr düzəldin (şəkil 68). Bunu belə etmək olar: bir-
birindən beş metr aralıda hər iki tərəfdə üst-üstə beş kərpic və onun
üzərindən isə ağac qoyulur. Beləliklə də 40 santimetr hündürlüyündə
maneə alınır. Əgər kərpic tapmaq mümkün deyilsə, onda maneələri
ağacdan və ya onu əvəz edə biləcək digər materialdan istifadə etmək
olar. Məsafənin top aparılacaq hissəsində də hər oyunçu üçün araları
beş metr olan maneə olmalıdır.finiş xətti də son beşinci maneədən beş
metr aralıda çəkilməlidir.
Hakimin işarəsi ilə oyunçular əllərində top start xəttində
yerlərini tuturlar. Sonra onlar topu yerə vura-vura maneələri keçməyə
başlayır və finiş xəttinə doğru hərəkət edirlər. Topu yerlə
süründürməyə, ələ alıb aparmağa və ya maneələri düzgün keçməməyə
icazə verilmir. Həmin səhvlərə yol verilmiş oyunçu yenidən start
xəttinə qaytarılır və yalnız buradan oyunu davam etdirir. Qalib adını
topu hamıdan tez finişə çatdırmış oyunçu qazanır. Məsafə yalnız o vaxt
keçilmiş hesab edilir ki, oyunçu topla finiş xəttini tam şəkildə keçsin.
361
Şəkil 68.
«Topu maneələrdən keçirmək» oyunu
Basketbol səbətinə top atmaq
Hər bir məktəbin şübhəsmiz ki, basketbol meydançası var.
Əgər belə bir meydança yoxdursa, onda diametri 45 santimetr olan
səbəti 280-300 santimetr hündürlükdə olan bir yerə (bunun üçün
ağacdan və ya binanın divarlarından istifadə etmək olar) bərkitmək
lazımdır. Meydançada topu səbətə tullamaq üçün müəyyən işarə xətləri
çəkilir (şəkil 69). Oyun 1 nömrəli nöqtədən başlayır və 6 nömrəli
nöqtədən başlayır və 6 nömrəli nöqtədə başa çatır.
Oyunçuların məqsədi həmin nöqtələri tez-tez keçib, topu
səbətə dəqiq tullamaqdır. 1 nömrəli nöqtədən mübarizəyə başlamış
oyunçu topu mütləq səbətə tullamalıdır. Tullamaların sayı
məhdudlaşdırılmır. Lakin hər tullamaya görə oyunçuya cərimə xalı
verilir. 1 nömrəli nöqtədən 2 nömrəli nöqtəyə yalnız topu səbətə
tulladıqdan sonra keçmək olar. Digər nöqtələrə keçdikdə də bu şərtə
əməl olunmalıdır. Yəni top mütləq səbətə atılmalıdır.
Oyunu istədiyiniz topla, lakin hər iki tərəfin razılığı ilə
başlamaq olar. Əlbəttə, yaxşı olar ki, bu basketbol topu olsun. Qalib
adını daha az cərimə xalı almış oyunçu qazanır. Tullamaların hesabını
hakim aparır.
Qızlar üçün məsafənin və tullanma nöqtələrinin sayını
tərəflərin razılığı ilə azaltmaq mümkündür.
362
Şəkil 69.
«Basketbol səbətinə top atmaq» oyunu
Maneələrlə qaçış
Start xətti çəkin. Hər beş metrdən bir beş maneə qoyun.
Maneələr bundan ibarət olmalıdır: diametri 100 santimetrə qədər olan
üç həlqə və hündürlüyü 60 santimetr olan iki maneə (şəkil 70).
Həlqələri hakimlər də öz əllərində tuta bilərlər. Oyunçuların sayı hər
qaçışda ikidən dördədək ola bilər. Bu oyunçuların hamısı üçün
maneələri olan müstəqil qaçış yolu olmalıdır.
Hakimin işarəsi ilə start xəttində durmuş oyunçular qaçışa
başlayırlar. Həlqəyə yaxınlaşdıqda oyunçu onun içərisindən keçməli və
qaçışı maneəyə tərəf davam etdirib onun üstündən tullanmalıdır.
Maneə üzərindən tullanış zamanı bir və ya hər iki ayaqla təkan
verilməlidir.
Qalib, bütün maneələri müvəffəqiyyətlə keçmiş və qaçışı
birinci başa vurmuş oyunçu hesab edilir.
Maneənin üstündə və həmçinin həlqənin içərisindən keçməyən
oyunçular qaçışdan çıxarılır və onlar qaçışı yenidən təkrar etməlidirlər.
363
Şəkil 70.
«Maneələrlə qaçış» oyunu
8.7. Dünya uşaqlarının oyunları.
İtaliya
«Öz yerini tap!»
Oyunçular dairə halında yığışırlar. Aparıcı əlində yaylıq
kənara çıxır, oyunçuların dövrəsində fırlanmağa başlayır. Bu zaman o,
yaylığı oyunçulardan birinin çiyninə qoyur. Həmin oyunçu yaylığı
çiynindən götürüb, aparıcıya doğru qaçmağa başlayır. Bu müddətdə
onların yerində başqa uşaqlar dayanırlar. Aparıcı və əli yaylıqlı oyunçu
öz köhnə yerlərini tapmalı və oranı tutmalıdırlar. Kim yersiz qalsa,
oyunu da o davam etdirir.
«Bayrağı götür!»
Meydançada bir-birindən 6-7 metr aralı iki paralel xətt çəkilir.
Bu xətlərin hər birində 5-8 nəfər uşaq dayanır. Hamısının da nömrəsi
olur: birinci, ikinci, üçüncü və s. Xətlərin ortasında əlində bayraq
aparıcı dayanır. O, hər hansı bir nömrəni ucadan deyir. Bu zaman hər
iki xətdə həmin nömrəni daşıyan uşaqlar aparıcıya sarı qaçmalı və
bayrağı ondan almalıdırlar. Bayrağı birinci əlinə keçirən oyunçu
yenidən öz komandasına qayıtmalı. Xətdə öz yerini tutmalıdır. Əgər o,
öz xəttinə vaxtında çatarsa, həmin komanda bir xal qazanır. Oyun,
komandalar lazımi miqdarda xal toplayanadək idavam edir.
Kipr
«Bucaqlar»
Dostları ilə paylaş: |