Qızoğlu kimdir?
427
QIZOĞLU KİMDİR?
Könül Quliyeva
∗
Həyatı
Sibt İbnu-l Cövzi (ibnu-l Cövzinin nəvəsi) ləqəbi ilə tanınan Şəmsuddin
Əbu-l Müzəffər Yusif b. Qızoğlu b. Abdullah 582/1186-ci ildə Bağdad
şəhərində anadan olmuşdur. Atası, Abbasi xəlifələrindən əl-Müktəfi (1096-
1160) və əl-Müstəncidin vəzirlərindən olmuş Aynuddin Əbu-l Müzəffər
Yahya b. Hübeyrinin (1096/97-1165) köləsi olan Hüsaməddin Qızoğlu idi.
Əsli türk olan bu köləni sonralar Ibn Hübeyrə azad etmiş və bir övlad
nəzəriylə böyüdüb yetişdirərək dövrünün məşhur din xadimi və vaizlərindən
biri olan Cəmalüddin Əbu-l Fərəc b. əl-Cövzinin (1116-1200) qızı Rəbiə ilə
evləndirmişdir. Bu evlilikdən də Sibt İbnu-l Cövzi dünyaya gəlmişdir. Lakin
Sibt hələ kiçik yaşlarından atasını itirdiyi üçün onu babası İbnu-l Cövzi
böyütmüşdür, tarix və bir çox islam elmlərini də o, babasından öyrənmişdir.
Beləcə elmi tərbiyəni ilk dəfə babsından alan Sibt, dövrünün ən məşhur
alimlərindən Bağdadda və Mosulda təhsil almışdır. O, babasının ölümündən
sonra (1200) təxminən 18-20 yaşı olanda, Bağdadı tərk edərək Eyyubilərin
hakimiyyəti altında olan Dəməşqə köçmüşdür. Bu şəhərdə də təhsilini
davam etdirən Sibt, Şeyxülislam Muvaffakuddin Əbu Muhamməd b. Ku-
damə, Əbu-l Yumn Zeyd b. əl-Kindi və başqa bu kimi müdərrislərin dərs-
lərində iştirak etmişdir. Beləliklə də, İran və Suriyanın tanınmış alimlərindən
elmi biliklər əxz edən Sibt İbnu-l Cövzi təhsilini mükəmməl şəkildə
tamamlayaraq həm islami elmlərdə, həm də tarix elmində dövrünün dəyərli
şəxslərindən biri olmuşdur. Bunun bir nəticəsi olaraq Sibt, Əyyubi məliklə-
rinin, xüsusilə də alimləri sevib himayə edən Məlikü-l Muazzam Şərəfuddin
İsanın (1180-1227) hörmətini qazanmışdır.
Cövzi həmçinin bəlağətli nitqi ilə də xalq arasında sevilirdi. Beləki o,
Dəməşqin müxtəlif mədrəsələrində ( Şibliyyə, Bədriyyə, Mustansıriyyə və
b.) dərslər keçərək tələbələr yetişdirməklə yanaşı, həm də şəhər məscid-
∗
Əlyazmalar İnstitutunun aspirantı
Könül QULİYEVA
428
lərində vaizlik edərək xalqı maarifləndirirdi. Onun söylədiyi xütbələr o qədər
bəlağətli olurdu ki, onu dinləməyə hətta, əmirlər, vəzirlər də gəlirdi.
O, özünə ikinci vətən olaraq seçdiyi Dəməşqdə, öz evində vəfat etmişdir.
Zilhiccə ayının 21-i 654-cü ildə (21 yanvar 1257-ci il) orada da dəfn edil-
mişdir. Cənazəsində böyük xalq izdihamıyla yanaşı, Əyyubi hökmdarların-
dan əl-Məlikün-Nasir Salahuddin Yusifin də (1230-1260) iştirak etməsi,
onun həm xalq, həm də hökumət yanında necə böyük bir hörmət qazandığı-
nın dəlilidir.
1
Yaradıcılığı
Sibt ibn Cövzinin dövrümüzə qədər gəlib çatan altı böyük əsəri vardır.
Bunlar aşağıdakılardır:
1.
“Təzkirat havas əl-umma bi zikri Xasais’is al-`imma”. Bu kitab on iki
imam haqqındadır.
2.
“Əl-calis əs-salih və-l-amma an-nash”. Bu kitab Dəməşq hökmdarı
Musa ibn Əbu Bəkr ibn Eyyubi haqqındadır.
3.
“Kənz əl-muluk fi keyfiyyət əs-suluk”. Bu əlyazma dini söhbətləri və
xütbələri əhatə edir.
4.
“Şərh əl-Qur’an”. Bu əsər 29 cilddən ibarətdir.
5.
“Şərh əl-cami əl-kəbir”. Hədislər haqqındadır.
6.
“Mir’atuz-zaman fi təvarixi əl-‘ayan”. Yazıçı bu əsər vasitəsi ilə ərəb
dilli tarixçilər arasında tanınmışdır.
2
“ Mir’atuz-zaman fi təvarixi əl-`ayan” (“Ə`yanlar tarixində zamanın
güzgüsü”) əsərinin əlyazması orta əsr şərq tarixini öyrənmək baxımından ən
qiymətli mənbələrdən biri hesab edilir. İbn Hallikan (1211-1282) yazır ki, o,
“Dəməşqdə Sibt ibn Cövzinin 40 cilddən ibarət olan və hər birində də
müəllifin imzası olan “Mir’atuz-zaman fi təvarixi əl-`ayan” adlı əsərini gör-
müşdür”.
3
Lakin təssüflər olsun ki, əsərin əksər cildləri itmiş, dövrümüzə qə-
1
Ali Sevim, Sibt ibn əl- Cövzi “ Mir`atüz-zaman fi tarixi`l-ayan”, Ankara,1968, s.65
2
M.A.Pirimova, “Miratüz-zaman” о двух историках, Əlyazmalar xəzinəsində, c.VIII,1987,
s.125
3
Ali Sevim, eyni əsər, s.
Qızoğlu kimdir?
429
dər ancaq iki cildi gəlib çatmışdır - I və VIII cildləri. Bunlardan da 495-
654/1101-1256-cı illəri əhatə edən VIII cildi nəşr edilmişdir
4
.
“Mir’atuz-zaman fi təvarixi əl-`ayan” (“Ə`yanlar tarixində zamanın
güzgüsü”) əsərinin I cildinin əlyazması AMEA-nın Əlyazmalar İnistitunda
D-23 şifrəsi altında mühafizə olunmaqdadır.
5
Əsər özü-özlüyündə böyük bir tarixi salnaməni əks etdirir və bəşər tarixi
başlayandan, müəllifin ölümünə qədər (654/1256) cərəyan edən bütün
hadisələri əhatə edir. Bu baxımdan Sibt, əsərin özündən əvvəlki dövrləri
əhatə edən qismlərini yazmaq üçün həmin dövrlərdə yazılmış bir çox
əsərlərdən də istifadə etmişdir. Bunlardan müəllifin ən çox istifadə etdiyi
əsər, Muhamməd b. Hilal əbu`l-Hasən Garsu`n-ni`mə əs-Sabinin “Uyunüt-
təvarix” adlı əsəri olmuşdur. Garsu`n-ni`mə bu əsərini atası Hilalın h.360-
448-ci illəri əhatə edən tarixi əsərinə zeyl olaraq qələmə almış və onu
h.479(1086/1087)-cu ilə qədər davam etdirmişdir. XI əsrdə Bağdadda
qələmə alındığı bilinən Uyunüt-təvarix”-i Sibt Dəməşqə gətirərək istifadə
etmişdir, lakin əsərin sonrakı taleyi barəsində qaynaqlarda heç bir məlumat
yoxdur.
Beləliklə Sibt ibn Cövzi əsərinin XI əsri əhatə edən bölmələrini Garsu`n-
ni`mədən, XIII əsr hadisələrini əhatə edən bölmələrini isə, İbnu`l-Kalanisi,
İbnu`l-Əzraq, əl-İmadu`l Katib Muhamməd əl-İsfahani (əl-Bərkuş-Şami və
Haridatu`l-Kasr adlı əsərləri), İbnu`l-Əsir, İbn Asakir, İbnu`ş-Şəddad, Səm`-
ani və Dubeysi kimi müəlliflərin əsərlərindən faydalanaraq yazmışdır.
6
Sibtin bu böyük əsəri, sonralar Kutubiddin Musa b. Muhamməd əl-Yuni-
ni əl-Ba`albəki (ölm.1326) tərəfindən qısaldılaraq yenidən qələmə alınmış-
dır. Yununi həmçinin h.654-cü il hadisələri ilə sona çatan Mir’atuz-zamana
bir zeyl də yazmış və onu h. 713-cü ilə qədər davam etdirmişdir.
7
4
Z. Bünyadov, “Azərbaycan Atabəyləri dövləti”, Bakı 2007
5
M.A.Pirimova, eyni məqalə, s.
6
Ali Sevim, eyni əsər, s.
7
Li Guo, Early mamluk Syrian historiography al-Yunini`s Dhayl Miràt al-zaman,
Chicago, 1997
Dostları ilə paylaş: |