Barhayot qadriyatlar

“Barhayot qadriyatlar” tadbir ssenariysi

Sahna bayramona, bahoriy tarzda milliy adras matolari, har xil rangdagi gullar va sharlar bilan bezatilgan.”Barhayot qadriytlar” so’zlari sahna markaziga o’rnatilgan. Tadbir boshlanishi: milliy karnay-surnay sadolari yangraydi. Tadbirga 4-“V” sinf o’quvchilarining ota-onalari, 2-IDUMda faoliyat olib borayotgan ustozlar hamda 4-“A va 4-“B” sinf o’quvchilari taklif etilgan.
Ustoz:
Salqin saharlarda bodom gulida
Binafsha labida, yerlarda bahor
Qushlarning parvozi, yerlarning nozi
Baxmal vodiylarda qirlarda bahor.
Assalomu aleykum xurmatli ustozlar, qadrli ota-onalar va aziz o’quvchilar, davramizga bahor gullaridek o`zgacha fayz qo`shib turgan mehmonlar. Bugungi 4-“V” sinf o’quvchilari ishtirokidagi “ Barhayot qadriyatlar” nomli tadbirimizga xush kelibsizlar. Bugungi tadbirimizda o’quvchilarimiz o’zlari tayyorlagan raqs, xor, qo’shiq va she’rlarini namoyish etadilar. Marhamat bugungi tayyorlagan konsert dasturimizni tinglab, tomosha qilib maroqli dam oling.
Yomg’ir yomg’ir yomg’irjon,
Yog’asan marjon marjon.
Tomchilab ne so’zlaysan ,
Har sohani ko’zlaysan.
Go’zal bahor faslining ajoyib nishonasi bu yomg’ir bo’lib, shu sababli hozirgi navbatni 4-“V” sinf o’quvchilari ijrosidagi “Yomg’ir yog’aloq” nomli xor qo’shig’imizga beramiz.

Sinf barcha o’quvchilarining jonli ijrosida “Yomg’ir yog’aloq” qo’shig’i xor tarzida ijro etiladi.

Ustoz: Endigi navbatni bahorning ilk g`unchalari kabi ochilishga tayyor bo`lib turgan o`quvchilarimiz ijrosidagi she’rlarga beramiz.


Husan:Bog’lar qiyg’os gulda-yaxlit bir chaman,
Har daraxt anvoyi bir tarovatda.
Bir kaft bog’ mehnat-u hosilga vatan,
O’zga ko’rk, o’zga rang har bir daraxtda.


Shaxboz:Har navda bir gulda, har gulda bir ro’y,
Har daraxt bargi bir dunyo hikoya.
Har birin hosili o’zgacha ko’rk,
Biri biri uchun qudrat, himoya.