72
A a
Bu misralar sübut edir ki, şair həm civənin, həm də gümüşün
başlıca xassələrini, o cümlədən xüsusi çəkisini yaxşı bilirmiş. Həqi-
qətən də gümüşün xüsusi çəkisindən az olduğu üçün birinci ikin-
cidən yüngüldür.
Şairin “Xəmsə”sində digər kimyəvi elementlər və madələr,
kimyəvi birləşmələr (qızıl, dəmir, mis, kömür, karbit, kamfora –
kafur və s.) haqqında, onların xarakterik cəhətlərini obrazlı ifadələr
və bənzətmələr vasitəsi ilə aydın və əyani şəkildə təsvir edən beytlər
kifayət qədərdir ki, bu da müvafiq dərsdə belə əyanilik növündən
geniş istifadəyə imkan yaradır.
Orta məktəblərdə geniş tədris olunan təbiət elmlərindən biri
də biologiyadır. Məlum olduğu kimi, bu fənnin üç əsas bölməsi
(botanika; zoologiya; insanın anatomiya, fiziologiya və gigiyenası)
canlıları (bitki; heyvan; insan) öyrənir. “Xəmsə”nin tədqiqi və təhli-
li göstərir ki, dahi şair öz poemalarında, eləcə də divanına daxil olan
şeirlərində canlıların hər üç qrupuna aid kifayət qədər elmi-bədii
fikirlər söyləmişdir. Ayrı-ayrı canlı qrupları üzrə həmin fikirlərin
bəzilərini nümunə üçün nəzərdən keçirək.
“Xəmsə”də geniş rast gəldiyimiz bitkilər (güllər, otlar, kollar,
dərman bitkiləri, ağaclar, tərəvəz bitkiləri, meyvələr və s.) aşağıda-
kılardır: lalə, nərgiz, bənövşə, yasəmən, qərənfil, süsən, sünbül, ni-
lufər, su zanbağı, səməni, kafur, dəvətikanı, xəyzəran (bambuk), hə-
nut (ətirli göyərti növü), qızılgül, əsməgülü, siçanqulağı, ərrəq gülü,
inəkgözü, filqulağı, zəfəran, küncüd, zanbaq, süsənbər, jenşen
(adamotu), üzərlik, öküzquyruğu, keşniş, tərə, reyhan, şənbəlid
(vəhşi zəfəran), çəngi – Məryəm (dərman bitkisi), şəkər qamışı, zirə,
qabaq, qovun, turunc, limon, tut, əncir, üzüm, püstə, badam, porta-
ğal, nar, qızılağac, sərv, abinus ağacı, şam və s.
Şair heç bir əsərində yuxarıda qeyd olunan bitkilərin sadəcə
adını çəkməklə kifayətlənməmiş, onların səciyyəvi xüsusiyyətlərini,
başlıca əlamətlərini cəmi bir-iki misrada dərin müşahidəçilik qabi-
liyyətinə malik olan təbiətşünas alim, məharətli rəssam kimi təsvir
etmişdir. Nümunə üçün bir neçə misalı nəzərdən keçirək. İndi az-az
adamın tanıdığı nilufər gülünü götürək. Elmi ədəbiyyatda su
73
A a
zanbağı adlanan bu gül su bitkilərindən biri olub, iri çiçəyi və suyun
üzərində üzən ürək şəkilli, uzun saplaqlı yarpaqları ilə diqqəti cəlb
edir. Dünyada 40-dan yuxarı, Azərbaycanda isə cəmi bir (ağ nilu-
fər) növü mövcuddur (80, 264). Bu bitkinin qeyd olunan səciyyəvi
cəhətlərini, başlıca əlamətlərini yaxşı bilən şair öz yaradıcılığında
dönə-dönə onu vəsf etmişdir. Məsələn “Xosrov və Şirin” poemasın-
da nilufər çiçəyinin ağ rəngini gecənin qaranlığını qovan gündüzə
bənzədir:
Fələyin ülkəri sürməyi geydi,
Nilufərin əli nəsrinə dəydi (57, 87).
“Sirlər xəzinəsi” poemasında isə şair nilufərin digər əlamətini
– suyun üzərində üzən yarpaqlarını qalxanla müqayisə edir :
Lakin zəifləşdi, sıxıldı canı,
Suya nilifərtək atdı qalxanı (78, 234).
Azərbaycan florasının nadir incilərindən biri də unikal bitki
olan zəfərandır. Zanbaqçiçəklilər fəslindən çoxillik soğanaqlı bitki
olan zəfəranın dünyada 80, Azərbaycanda isə 6 növü məlumdur.
Vətəni Kiçik Asiya olan zəfəranın Azərbaycana hələ VIII əsrdən
gətirildiyi, artıq IX əsrdə ölkəmizdən xarici dövlətlərə ixrac olun-
ması barədə elmi mənbələrdə rast gəlinir (81, 328). Tərkibində
0,8 % efir yağı, 3,1% rəngləyici maddə, 25,4% şəkərlər və Ca, K, P,
Fe, Mg, Na, Si, Al və s.elementlər olan zəfərandan qədimdən dər-
man, boya maddəsi və ədviyyat kimi istifadə olunur. Azərbaycanda
ondan daha çox aş, şəkərbura, paxlava və s.bişirilməsi zamanı isti-
fadə edilir. Zəfəran sözünün ərəb dilində mənası “sarı” deməkdir.
Şərqin görkəmli alimlərindən biri olan M.Y.Şirvani (1712-ci il)
yazır: “Zəfəran insanı gümrahlaşdırır, mədəni möhkəmləndirir,
dalaq, qaraciyər xəstəliklərində, bel ağrılarında, soyuqdəymədə
xeyirlidir. O, ... üzün rəngini yaxşılaşdırır, üzə şəfəq verir, yuxu
gətirir, sidikqovucu təsir göstərir” (82).
74
A a
Dahi şair bütün qeyd olunanları dərindən bildiyi üçün “Xəm-
sə”də tez-tez zəfəranın adını çəkir, onun səciyyəvi xüsusiyyətlərini,
müalicəvi əhəmiyyətini obrazlı ifadələrlə qeyd edir. Məsələn,
“İsgəndərnamə” poemasında şair zəfəranı sarı rənginə və insanda
şən əhval-ruhiyyə yaratmasına görə qızılla müqayisə edərək yazır:
Qızıl bir meyvədir, zəfəran saçar,
Zəfəran kimi də könlünü açar (37, 161).
“Yeddi gözəl” poemasında isə şair yetişdirilən zəfəranla şən-
bəlidi (yabanı zəfəran) müqayisə edir, onların fərqini ikicə misrada
poetik dillə aydınlaşdırır:
Şənbəlid gözündən yaşlar töküldü,
Zərəfan yeyərək təzədən güldü (64, 273).
Ümumiyyətlə, şairin müxtəlif bitkilər haqqındakı fikirlərini
tədqiq və təhlil edərkən məlum olur ki, o, həmin bitkilər barəsində
mövcud bilikləri dərindən mənimsəməklə kifayətlənməmiş, sanki
təbiətşünas bir alim kimi onlar üzərində məqsədyönlü müşahidələr
aparmış, səciyyəvi əlamətlərini müəyyənləşdirmişdir. Məhz buna
görədir ki, şair müxtəlif bitkiləri təsvir edərkən onların hamıya
məlum olan əlamətlərindən daha çox, əksəriyyətin bilmədiyi xarak-
terik və fərqləndirici xüsusiyyətlərinə diqqəti yönəldir. Məsələn,
Azərbaycan florasının az rast gəlinən bitkilərindən biri qızılağacdır.
Dünyada 47 növünə rast gəlinsə də, Azərbaycanda cəmi üç növü
(boz, ürəkyarpaqlı və saqqallı) bitir (83, 158). Heç indi də çoxları, o
cümlədən, biologiya müəllimlərinin bir qismi bilmir ki, qızılağacın
gövdəsi düyünsüzdü. Halbuki, dahi Nizami hələ XII əsrdə “Xosrov
və Şirin” poemasında qızılağacın bu fərqləndirici əlamətinə xüsusi
diqqət yetirmiş, onun gövdəsini şahın hamar taxtı ilə müqayisə
etmişdir:
Dostları ilə paylaş: |