Birinci kitab
Yüklə 3,06 Mb. Pdf görüntüsü
|
470
Sizin cürət göstərərək arzuladığınız bu cür nikah baş tutası deyil. Bəli, bəli baş tutası deyil. Mister Darsi mənim qızımla nişanlıdır. Bax, belə, indi buna nə deyəcəksiniz? — Yalnız bir şey. Bu doğrudan da belədirsə, siz onun mənə evlənmək təklif etdiyini ehtimal edə bilməzdiniz. Ledi Ketrin bir anlığa duruxdu, ancaq sonra dedi: — Onlar bir qədər qeyri-adi şəkildə nişanlanıblar. Kiçik yaşlanndan onlar bir-birləri üçün nəzərdə tutulub. Bu onlann analarının ülvi arzusuydu. Bu əhd-peyman hələ bizim körpələrimiz beşikdə uyuyan zamanlarda bağlanıb. İndi ana iradəsi özünü onların nikahında göstərməli olduğu bir vaxtda yolun qarşısında aşağı zümrədən olan, kübar cəmiyyətdə heç bir mövqeyi və bizim ailə ilə heç bir bağlılığı olmayan bir qadın durub! Məgər onun əzizlərinin iradəsinin sizin üçün heç bir əhəmiyyəti yoxdur? Məgər onun miss de Bör qarşısındakı susqun öhdəliyi sizin üçün heç nədir? Doğrudanmı siz bütünlüklə hər cür ədəb və nəzakət hisslərindən məhrumsunuz? Məgər siz
məndən eşitməmisiniz ki, həyatının ilk günlərindən onun öz xalası qızının həyat yoldaşı olacağı müəyyən edilib? — Ah, bəli, mən bu barədə əvvəllər eşitmişəm. Ancaq məgər bunun mənə dəxli var? Əgər mənim sizin bacınız oğlu ilə nikaha girməyimə yalnız bu hal mane olardısa, əlbəttə ki, onun anasının və xalasının onu miss de Börlə evləndirmək arzusunu dərk etməyim məni dayandıra bilməzdi. Sizin ikiniz də onun evliliyini düşünərək downloaded from KitabYurdu.org 471
bacardığınızı etmisiniz. Onu həyata keçirmək imkanı isə başqasına verilib. Mister Darsi nə sözlə, nə də hissi ilə sizin qızınızla bağlı deyilsə, nəyə görə öz seçimini başqa qadının üzərində saxlamaq haqqı olmasın? O məni seçsəydi, nəyə görə mən onun təklifini qəbul etməməli idim? — Ona görə ki, şərəf, ədəb, ehtiyatlılıq, nəhayət, sizin özünüzün mənafeyiniz sizə bunu etməyi qadağan edir! Bəli, miss Bennet, məhz mənafeyiniz. Yoxsa özünüzə onun ailəsindən və dostlarından hər hansı diqqət gözləməyin. Siz mühakimə ediləcəksiniz, rədd
olunacaqsınız və ona yaxın olan hər kəsin nifrətilə damğalanacaqsınız. Sizinlə nikah rüsvayçılıq sayılacaq. Bizdən heç kəs sizin hətta adınızı belə xatırlamayacaq. — Nə etmək olar, itki doğrudan da böyükdür, — Elizabet cavab verdi. — Ancaq mister Darsinin ömür yoldaşı onun mövqeyinə xas olan elə qeyri-adi sevinc qaynaqlarına sahib olacaq ki, son nəticədə xüsusi kədərlənməli olmayacaq. — İnadkar, səfeh qız! Sizin yerinizə utanıram. Ötən yaz sizə göstərdiyim diqqətin minnətdarlığı budurmu? Sizcə, siz mənə heç nə ilə borclu deyilsiniz? Gəl bir oturaq. Başa düşün ki, miss Bennet, mən buraya ağlımda tutduğumu əldə etmək üçün ciddi niyyətlə gəlmişəm. Heç nə mənə mane ola bilməz! Mən hələ kiminsə şıltaqlığı ilə oynamalı olmamışam. Və güzəştə getmək vərdişim yoxdur.
— Bu, zati alilərinin durumundakı çətinlikləri downloaded from KitabYurdu.org 472
dərinləşdirir. Ancaq bunun mənə dəxli yoxdur. — Mən icazə vermərəm ki, sözümü kəssinlər! Məni dinib- danışmadan dinləyin. Mənim qızım və bacım oğlu bir-biri üçün yaranıblar. Ana xətti ilə onlar ikisi də bir kübar nəsildən gəlirlər. Onlann ataları titullu olmasa da möhtərəm, alicənab və qədim ailələrə mənsubdur. Hər iki tərəf dövlətlidir. Onlar bu və başqa evin hər bir nümayəndəsinin gözündə birbiri üçün müəyyənləşiblər. Və onların arasına nə girir? Vəsaiti, əlaqəsi olmayan, sonradan görmə bir gənc qadının iddialan. Məgər belə şey yolveriləndir? Yox, bu olmamalıdır və olmayacaq. Siz şəxsi mənfəətinizin nədən ibarət olduğunu başa düşməyə qadir olsaydınız, arasında böyümüş olduğunuz çevrəni tərk etməyi arzulamazdınız. — Ancaq sizin bacıoğlunuza ərə gedərkən, mən, fikrimcə, heç də bu çevrəni tərk etmirəm. O, mülkədardır. Mən də mülkədar qızıyam. Bu mənada biz bərabərik. — Nə olsun, tutaq ki, siz mülkədar qızısınız. Ancaq ananız hansı ailədəndir? Sizin dayılarınız və xalalarınız kimdir? Təsəvvür edirsinizmi ki, onların nə işlə məşğul olduqlan mənə məlum deyil? Elizabet dedi: — Mənim qohumlarım nəçi olsalar da, mister Darsinin onlara qarşı bir iddiası yoxdursa, bu, sizi də narahat etməməlidir. — Düzünü deyin, siz nişanlanmısımz? Elizabet ledi Ketrini sakitləşdirməkdən ötrü bu suala downloaded from KitabYurdu.org 473
cavab verməzdi. Ancaq qısaca fikirləşəndən sonra o, başqa cavab verə bilmədi: — Xeyr, nişanlanmamışıq. Ledi Ketrin məmnun göründü. — Siz mənə söz verirsiniz ki, heç vaxt onunla nişanlanmayacaqsınız? — Mən belə bir vəd vermərəm. — Miss Bennet, mən sarsılmışam və hiddətlənmişəm! Mən sizi daha ağıllı qız sayırdım. Ancaq özünüzü yalançı ümidlə aldatmayın ki, guya mən güzəştə gedəcəyəm. Siz mənə tələb etdiyim yəqinliyi verməyənə qədər mən getməyəcəyəm. — Mən isə onu heç vəchlə verməyəcəyəm. Belə bir absurda itələməklə məni qorxutmaq olmaz. Siz, zati aliləri, istəyirsiniz ki, mister Darsi sizin qızınızla evlənsin? Ancaq mən tələb olunan vədi versəydim, məgər onların arasında nikah daha inandırıcı olardı? Onun mənə olan istəyinin yanında mən onun əlini və ürəyini rədd etsəm, mister Darsidə öz xalası qızma evlənmək təklifi etmək həvəsi oyada bilərdim? Ledi Ketrin, icazənizlə deyim ki, sizin fövqəladə tələblərə gücləndirdiyiniz dəlillər yüngül olduğu qədər də məntiqsizdir. Siz belə mühakimələrin mənə təsir edəcəyini güman edirsinizsə, görünür ki, xasiyyətimə bələd deyilsiniz. Bacınız oğlunun sizin onun işinə qarışmağınızı nə dərəcədə bəyəndiyi mənə məlum deyil. Ancaq hər bir halda mənim işimə qanşmağa heç bir haqqınız yoxdur. Ona görə də sizdən xahiş edirəm ki, məni bundan belə bu sayaq hücumlardan downloaded from KitabYurdu.org Yüklə 3,06 Mb. Dostları ilə paylaş:
|