Birinci kitab
Yüklə 3,06 Mb. Pdf görüntüsü
|
458
oynamaq üçün toplaşdılar və Elizabet hesab etdi ki, bu zaman anasının tələlərinə qarşı hərəkət etməyə zərurət yoxdur.
Fəqət məktub yazıldıqdan sonra qonaq otağına qayıdan Elizabet öz heyrətinə rəğmən aşkar etdi ki, bu hiylələrlə mübarizədə ifrat özünəəminlikdən qaçmaq lazım imiş. Otağın qapısını açarkən o, mister Binqli və Ceyni buxarının qarşısında duran və dərin söhbətə dalmış yerdə gördü. Bu hal özlüyündə şübhə doğura bilməzdisə də, lakin onların həmin tələsik geri dönərkən üzlərində yaranan ifadə otaqda baş verənlərə dair şübhə yeri qoymurdu. Onların vəziyyəti kifayət qədər naqolay idi. Ancaq Elizabetin özünün durumu daha həssas görünürdü. Heç kim bir kəlmə söz demədi və Elizabet artıq geri dönmək fikrinə gələrkən az əvvəl divanda oturmuş mister Binqli birdən ayağa sıçradı və onun bacısına nəsə pıçıldayaraq otaqdan çıxdı. Ceyn
səmimiyyətlə müşayiət olunan sevinc yaşantıları hallarında Elizabetdən heç nəyi gizlədə bilmirdi. O, olduqca həyəcanlanmış halda Elizabetin boynuna sarıldı və özünü yer üzündə ən xoşbəxt varlıq saydığını etiraf etdi. — Bu mənim üçün həddən artıq böyük səadətdir! — Ceyn əlavə etdi. — Həqiqətən, çox böyük. Mən belə bir şeyi haqq saymıram. Nə üçün başqaları belə xoşbəxt ola bilmirlər?! Elizabetin ona söylədiyi təbriklər elə hərarətli, səmimi downloaded from KitabYurdu.org 459
və riqqətli oldu ki, onu sözlə ifadə etmək, çətin ki, mümkün olar. Onun hər bir cümləsi ürəkdən gəlirdi və Ceyn üçün yeni xoşbəxtlik qaynağı idi. Ancaq Ceyn həmin dəqiqədəki yaşantılarının hamısını ona söyləmək üçün Elizabetlə uzun müddət birlikdə qalmağı özünə rəva görə bilmədi. — Bu saat anamın yanma qalxmaq lazımdır, — o səsləndi. — Bir dəqiqə də unutmaq olmaz ki, o mənim qayğıma necə qalırdı. İstəməzdim ki, o bu barədə başqa bir kimsədən eşitsin. O, artıq atamın yanma getdi. Ah, Lizzi, bir düşün ki, mənim sözlərim ailəmizə nə qədər sevinc bəxş edəcək! Bu qədər xoşbəxtliyi necə yaşayacağam?! O bundan bir az əvvəl qəsdən kart oyununu yanmçıq dayandıraraq hazırda yuxanda Kitti ilə oturan anasının yanma cumdu. Təklikdə qalan Elizabet neçə aydan bəri onları həyəcanlandıran və incidən bütün çətinliklərin, nəhayət, sadə və asanca həll olunduğunu düşünərək güldü. — Beləcə, gör, onun bacılarının fitnə və hiylələri, dostunun ehtiyatlılığı və tədbirliliyi nəyə gətirib çıxardı! Ən xoşbəxt, ən müdrik və ən təbii bir sonluğa! Bir neçə dəqiqədən sonra Binqli qayıtdı, onun mister Bennetlə qısa söhbəti tam uğurla nəticələnmişdi. — Miss Bennet haradadır ki? — o, qonaq otağına daxil ola- ola soruşdu. — O, yuxarıda, anamın yanındadır. Yəqin ki, tezliklə qayıdacaq. downloaded from KitabYurdu.org 460
Qapını arxasınca bağlayaraq Elizabetə yaxınlaşan Binqli ondan onlara xoşbəxtlik arzulamağı və bacılıq mehri bağışlamağı xahiş etdi. Elizabet ürəkdən gələn səmimiyyətlə ona qonşu olacaqları münasibəti ilə öz sevincini izhar etdi və onlar hərarətlə bir-birinin əlini sıxdılar. Bundan sonra, düz Ceynin gəlişinə qədər Elizabet Binqlinin öz xoşbəxtliyi və onun bacısının məziyyətləri barədə deməyi zəruri saydığı fikirlərin hamısını dinləməli oldu. Bu, sevən gəncin sözləri olsa da, Elizabet inanmağa hazır idi ki, onun arzulan çin olacaq və onlar Ceynin sağlam düşüncəsi və ecazkar xasiyyəti hər ikisinin zövq və duyğularının ümumiliyi olan xoşbəxt həyat yaşayacaqlar. Həmin axşam hamı qeyri-adi dərəcədə fərəhli ovqatda idi. Məmnunluq və arxayınlıq hissi Ceynin çöhrəsinə elə bir xoş canlılıq vermişdi ki, o, həmişə olduğundan daha da gözəl görünürdü. Kitti tezliklə onun növbəsinin də gəlməsini arzulaya-arzulaya irişir, gülümsəyirdi. Missis Bennet bu nikaha razılığını ifadə edərək və bəyəndiyini bildirərək, hisslərini sözlərlə çatdırmağa qadir olmadığını deyirdi, hərçənd yanm saat idi ki, Binqli ilə məhz bu barədə danışırdı. Mister Bennet şam yeməyi zamanı hamıya qoşulanda onun görkəmi və davranışı baş verənlərdən nə qədər məmnun qaldığına dəlalət edirdi. Ancaq qonağın getməsinə qədər bu barədə bir kəlmə də olsun, dilə gətirmədi. Yalnız gecənin gəlişi ilə Binqli çıxıb gedərkən ata qızma tərəf dönərək dedi: — Təbrik edirəm, Ceyn. Sən xoşbəxt olacaqsan. downloaded from KitabYurdu.org 461
Ceyn onun yanma qaçaraq üzündən öpdü və xeyirxahlığına görə atasına minnətdarlıq etdi. — Sən yaxşı qızsan, — o dedi, — məni sevindirir ki, sənin həyatın yaxşı qurulur. Şübhə etmirəm ki, bir- birinizə əla yaraşırsınız. Sizdə xeyli ümumilik var. Siz ikiniz də güzəştə elə meyillisiniz ki, aranızda ixtilaf baş qaldıra bilməz; elə sadəlövhsünüz ki, istənilən qulluqçu sizi barmağına dolaya bilər; elə səxavətlisiniz ki, gəliriniz sizə həmişə çatmayacaq. — Ümid edirəm ki, bu olmayacaq. Pul məsələlərində mən tərəfdən ağılsızlıq və yüngülməcazlığa yol vermək bağışlanmaz olardı. — Gəlirləri çatmayacaq? Yox, əziz mister Bennet, — arvadı səsləndi, — siz nədən danışırsınız? O ki ildə dörd və ya beş min, ola bilər, hətta daha çox gəlir əldə edir! — Qızma tərəf dönərək davam etdi: — Ceyn, əzizim, sevimlim! Mən, sadəcə, riqqətə gəlmişəm! İlahi, məni yuxusuz gecə gözləyir! Mən bilirdim ki, belə olacaq — məgər hər şey başqa cür ola bilərdi? Sən əbəs yerə belə gözəl deyilsən ki! Yadımdadır, bir il əvvəl mən sizi Hartfördşirdə birlikdə görəndə dərhal ağlıma gəldi: budur əsl cütlük! Bu mənim rastlaşmış olduğum ən füsunkar gəncdir! Uikhem, Lidiya unudulmuşdu. Ceyn, şübhəsiz ki, onun sevimli qızma çevrilmişdi. Bu dəqiqələrdə o, başqa heç kəs barədə düşünmürdü. Bu arada kiçik bacılar Ceynə gələcək mümkün sevinclərin qaynağı kimi baxmağa downloaded from KitabYurdu.org Yüklə 3,06 Mb. Dostları ilə paylaş:
|