Битираётган мутахассисларни тайёрлашнинг сифатига қўйиладиган талабларнинг кескин ошиб кетгани, мураккаб масалаларни ечишга фанлараро ёндашувнинг зарурияти

И, ИЛИ, НЕ elementlardan foydalangan xolda o‘zgaruvchilari ko‘p bo‘lmagan ixtiyoriy bul funksiyasining mantiqiy sxemasini hosil qilish ketma-ketligini quyidagicha ifodalash mumkin:.
1.Berilgan funksiyaning haqiqat jadvali tuzib olinadi.
2.Har bir o‘zgaruvchining inkorini hosil qilib olish uchun sxemaga invertorlar kiritiladi.
3.Haqiqat jadvalining 1-ga teng har bir qatori uchun sxemaga И elementlari kiritiladi.
4.И elementlarining kirishlariga jadvalning 1-ga teng qatorlariga mos keladigan o‘zgaruvchilar ulanadi.
5.Barcha И elementlarining chiqishlarini, ИЛИ elementining kirishlariga ulanadi.
Ushbu ketma-ketlik bul funksiyasi (1) ifoda ko‘rinishida, ya’ni ko‘paytmalarning-yig‘indisi shaklida keltirilgan hol uchun o‘rinlidir. Bu misolda, bul funksiyasini И, ИЛИ, НЕ elementlardan foydalangan holda qanday amalga oshirish ko‘rib chiqilidi. Amaliyotda esa, odatda bir xil ventillardan foydalangan holda, ya’ni bir xil bazislar asosida sxemalarni qurish amalga oshiriladi [2]. Negaki integral sxemalarni ishlab chiqishda shunday yo‘l tutilgan. Buning ko‘p foydali tomonlari bor. Kompyuterlarda mantiqiy sxemalarni amalga oshiruvchi integral sxemalar – НЕ-И va НЕ-ИЛИ bazislari asosida ishlab chiqilgan.
Shuning uchun istalgan ko‘rinishdagi bul funksiyasini amalga oshirish uchun, Bul algebrasining asosiy mantiqiy funksiyalari hisoblangan И, ИЛИ, НЕ funksiyalarini (elementlarini), НЕ-И va НЕ-ИЛИ bazislari asosida amalga oshirib olish kerak bo‘ladi. Bu quyidagicha bajariladi (1.23-rasm):

1.23-rasm. Bul algebrasining asosiy mantiqiy funksiyalarini НЕ-И va НЕ-ИЛИ bazislari yordamida amalga oshirish.

1.5. Asosiy raqamli mantiqiy sxemalar.

Avvalgi bo‘limda ventillardan qanday qilib oddiy mantiqiy sxemalarni qurish mumkinligini ko‘rib chiqdik. Hozirgi paytda amaliyotda mantiqiy sxemalarni qurishda alohida-alohida ventillarni birlashtirgan modullardan iborat standart «qurilish» bloklaridan foydalaniladi. Ushbu qismda biz ana shunday standart bloklarni, ularni alohida-alohida ventillar yordamida qanday hosil qilishni va qanday qo‘llanilishini ko‘rib chiqamiz. Bunday qurilish bloklarining, ya’ni asosiy raqamli mantiqiy sxemalarning - kombinator va arifmetik sxemalar deb nomlanadigan xillari mavjud.

1.Kombinator sxemalar yoki kombinatsion sxemalar:
- multipleksorlar;
- dekoderlar;
- komparatorlar;
- dasturlanadigan mantiqiy matritsalar.
2.Arifmetik sxemalar:
- siljitish sxemalari;
- jamlagichlar;
- arifmetik-mantiqiy qurilmalar.
Asosiy mantiqiy sxemalar – integral sxemalar yoki mikrosxemalar degan umumiy nom bilan ham ataladilar. Integral sxema o‘lchamlari tahminan 5x5 mm (2x2 mm) ega kvadrat shaklidagi kremniy bo‘lagidan iborat bo‘ladi. Bunday bo‘laklarga kamida 1 tadan 10 tagacha ventillar joylashtirilishi mumkin bo‘ladi va ular kichik integral sxemalar deb ataladi [5,7,8].
Kichik integral sxemalar odatda kengligi 5-15 mm, uzunligi esa 20-50 mm ga teng bo‘lgan to‘g‘ri burchakli plastik yoki keramik korpuslarga joylashtirilgan bo‘ladi. Bunday mikrosxemalarning uzun tomonlarida, orasidagi masofa 2 mm (1 mm) ga yaqin qilib ishlangan chiqish oyoqchalariga ega bo‘ladi. Ushbu oyoqchalar yordamida integral sxema raz’yomga yoki bosma plataga o‘rnatiladi. Har bir chiqish oyoqchalari qaysidir ventilning kirishi yoki chiqishiga, ta’minot manbaiga yoki «erga» ulangan bo‘ladi. Tashqi qismida ikki qatorli chiqish oyoqchalariga ega bo‘lgan integral sxemalar rasmiy tarzda chiqishlari ikki qator qilib joylashtirilgan korpus (Dual Inline Package, DIP) yoki mikrosxema deb ataladi. Ko‘pincha korpuslar 14, 16, 18, 22, 24, 28, 40, 64 yoki 68 ta chiqishlarga ega bo‘ladi. Katta mikrosxemalar uchun esa chiqishlari to‘rttala tomonida yoki tagida joylashgan korpuslardan foydalaniladi (1.24-rasm).

1.24-rasm. Integral sxemalarning korpuslari.

Tarkibida bor bo‘lgan ventillar soni nuqtai nazaridan mikrosxemalarni, bir nechta sinflarga ajratish mumkin. Hozirda ham mikrosxemalarni shu tarzda sinflarga ajratib o‘rganish foydadan holi bo‘lmaydi va to‘g‘ri xisoblanadi. Negaki ular turli xil xususiyatlarga ega bo‘lib, turli xil maqsadlarda qo‘llanilishlari mumkin:
1.Kichik integral sxemalar – tarkibida 1 tadan 10 tagacha ventillar bo‘lgan mikrosxemalar.
2.O‘rta integral sxemalar – tarkibida 10 tadan 100 tagacha ventillar bo‘lgan mikrosxemalar.
3.Katta integral sxemalar – tarkibida 100 tadan 100 000 tagacha ventillar bo‘lgan mikrosxemalar.
4.O‘ta katta integral sxemalar – tarkibida 100 000 tadan ortiq ventillar bo‘lgan mikrosxemalar.
Odatda kichik integral sxema ikkitadan oltitagacha, alohida-alohida foydalanilishi mumkin bo‘lgan, o‘zaro bog‘lanmagan ventillardan iborat bo‘ladi. 1.25-rasmda tarkibida to‘rtta ventil bo‘lgan kichik integral sxema keltirilgan.
Ushbu mikrosxemaning 12-ta chiqish oyoqchalari, uning tarkibidagi ventillarning kirish va chiqish signallari uchun mo‘ljallangan. Mikrosxemaning 7-nchi chiqish oyoqchasi uni «erga» ulash uchun, 14-inchi chiqish oyoqchasi esa unga beriladigan kuchlanish manbai uchun ajratilgan. Rasmdagi mikrosxemaning chap tomonida ko‘rsatilgan botiqlik esa, undan o‘ng tomonda mikrosxemaning 1-inchi chiqish oyoqchasi joylashganligini anglatadi. Mikrosxemaning qolgan oyoqchalarining raqamlanishi, rasmda ko‘rsatilgan tartibda amalga oshirilgan. O‘rta, katta va o‘ta katta mikrosxemalarda ham, ularning chiqish oyoqchalarining raqamlanishi ana shu tartibda amalga oshiriladi.

1.25-rasm. To‘rtta НЕ-И ventilidan iborat kichik integral sxema.

Raqamli mantiqni qo‘llashda, ko‘p hollarda bir nechta kirish va bir nechta chiqishlarga ega bo‘lgan, chiqishdagi signallarining qiymatlari, o‘sha paytdagi ularning kirishlariga berilgan signallarning qiymatlari asosida aniqlanadigan sxemalardan foydalaniladi. Bunday sxemalar kombinator yoki kombinatsion sxemalar deb ataladi. 1.4 paragrafda 1.22-rasmda keltirilgan haqiqat jadvalini amalga oshiradigan sxema – kombinator sxemaga misol bo‘la oladi.

Keyingi rasmlarda asosiy mantiqiy sxemalar hisoblangan – kombinator va arifmetik sxemalarga misollar keltirilgan. Ushbu misollarni keltirib o‘tishdan maqsad, ularni qanday qurilganliklarini ko‘rish bilan, kompyuter tarkibiga kirgan qurilmalar va umuman kompyuterning qay darajada murakkab ekanligini tushuntirishdir. Asosiy mantiqiy sxemalar - qanday ventillardan iborat ekanligi va ularni soni qancha ekanligini, ushbu ventillar tarkibida qanchadan tranzistorlar borligini tasavvur qilish bilan zamonaviy kompyuter qay darajada murakkab tuzilishga ega ekanligini tushunish mumkin.

1.26-rasm. Sakkizta kirishga ega bo‘lgan multipleksor sxemasi va uning chizmalarda integral sxema ko‘rinishida ifodalanishi.



1.27-rasm. Uchta kirishga va sakizta 1.28-rasm. To‘rt razryadli
chiqishga ega bo‘lgan dekoder. oddiy komparator.

1.29-rasm. Siljitish sxemasi.



1.30-rasm. Yаrim (a) va to‘liq (b) jamlagichlarning haqiqat jadvallari va sxemalari.



1.31.-rasm. Taktli generator (a); taktli generatorning vaqt diagrammasi (б); asinxron taktli impulslarni hosil qilish (в).